E schöni Monster.. Do sind au no anderi Sache wie churzes Heck debii, oder tüsch ich mich do? Gseht scho guet us mit de hoche Tüte. 
D S4 hät doch de 916 4-Ventil Motor und d S4R de 996 4-Ventil Motor. So isch S4, so viel ich weiss, quasi de "Vorgänger" vo de S4R, gell? 
Was isch denn dini S4 für en Johrgang? Was häsch denn alles so umbaut? Die hät sicher 100PS oder meh, gell? 
Uf all Fäll meh als gnueg für di hiesige Strosseverkehrsregle.. 
greez
kempraten
Für Tagestoure find ich s Appezellerland und de Bregenzer Wald ideal.
Halt au wil ich am Bodesee wohn und für d Huusrundi nöd en lange Afahrtsweg möcht ha.
Oder de Hinderthurgau um Hulftegg isch e beliebti Töffstrecki.
Wenns grösseri Toure sind natürli d Innerschwiiz mit de grosse Päss.
Bsunders gfallt mir döt de Suste Pass vo Innertkirchen noch Wassen.
Wunderschoni Gegend und Kurve. Au de Belag isch guet und nöd so holprig. Perfekt für en schnelle Alpeflug
Oder wenn richtig Ferie, denn Norditalie mit de geniale Päss im nördliche Apennin.
Es git do no die genial Siite, weis nöd ob ihr sie scho kenned, aber do hät eine scho de grösst Teil vo de Schwiizer Päss uf Video festghalte..
http://www.bikecam.ch/
gruess
Ciao zäme
möcht mi au gern vorstelle.
Bin mit em Nickname kempraten sit es paar Wuche debii. Bin 31 und us Krüzlinge am Bodesee.
Bin 10 Johr Transalp gfahre, Summer und Winter.. Wil ich no gar kas Auto gha han, dozmol.
D Transe hät mir dänn ka Spass meh gmacht und so han ich im Früelig 06 e Multistrada gkauft. 
Macht unglaublich Spass de Hobel.. Druck us em Cheller und es Fahrwerk wo einersits sehr handlich isch und trotzdem i lange Böge Ducatitypischi Stabilität an Tag leit.
Au de Wind- und Wetterschutz is bi mir es Kaufkriterium gsi, usserdem die bequeme oder agriffigi Sitzposition, je noch Bedarf
Usserdem gits en grosse Tank wo langi Etappe zueloht und en Kofferträger isch au schnell montiert, wenns denn mol e Tour über mehreri Täg söll si.
Grad letscht Wucheend simmer i de Innerschwiiz alli grosse Päss gfahre; Lukmanier, Oberalp, Gotthard, Furka, Susten, Klausenpass... en glungene Saisonabschluss.
Wünsch Eu au no es guets Saisonend und freu mi scho uf die Winterdiskussione.. Umbau etc.
Pics vo minere Diva gits in chronologischer Reihefolg under.. http://tinyurl.com/2ufq69
Näbscht em Töff pfleg ich au no 2 Youngtimer.. Die fahr ich mit Wechselnummere im Summer.. Auto ohni alles 
back to the roots.. es ganz intensives Fahrerlebnis..
'78 320/6: http://tinyurl.com/q9snf und '82 323i: http://tinyurl.com/l6l3z
Gruess
kempraten
