Beiträge von RobertM

So ich dänke es isch Ziit worde zum wieder en zwüsche bricht z'mache. Isch scho viel räge d'straase ab gflosse.

Nach überläbtem Unfall hani jetzt au no de papier krieg hinder mir. Geduld brucht me allemal. Freue mi jetzt will erschtens kei Schuld uf mich zue cho isch und d'versicherig vom andere mir en neue Töff zahlt hät

Jetzt fahr ich DAS alltagstauglichschti Superbike überhaupt, 2007 Kawasaki Z750 (mit ABS).

Ich vermisse natürlich di KTM LC4 Supermoto scho aber di neue 690i isch mer gar nöd schmackhaft. Mal luege, villicht gits ja mal e KTM RC8 oder Duke 3?

Wünsche euch no e schöni und unfallfreie fahrt!
Robert

Jo hüüt hät versicherig gseit das es als totalschade gehandlt wird. Goodbye Katy

De KTM Händler meint das wäre machbar, am Mäntig luegt no d'Versicherig ds ganze a.

Mal luege, susch gits villich de 690 mit neuem LC4.

Hoi Milan

Danke,

übrigens geile Töff, 990 EFI, mit ABS oder?

Hoi zäme,

Nimme mal diä glägeheit mich vorzstelle. Bi de Robert und fahre sit 7 monat e KTM 640 SuMo.

Diä isch jetzt aber leider nümme fahrbar, bi am fritig vommene PW abgeschosse worde. Ha es glück im unglück kah und mir isch zum glück nüüt passiert. Ussert e chli muskelkater vom lowsider (äs vorderrad isch mer weggrutscht). I säge nur, schutzkleider sind würklich genial.

Wäggem lowsider sind jetzt natürlich Polizei mit "nicht beherschen des fahrzeugs" am tüftle. Me isch als motorradfahrer immer de verlierer, egal was mer macht...

Ich bin nur froh das es nöd schlimmer cho isch.

Jetzt chani mich erhole und warte bis mini KTM usem "Spital" chunnt.

Wünsche euch gueti unfallfreie fahrt,
Robert