Beiträge von Usual Suspect

Hallo

Da ich etwas ähnliches fahre (eine TE510 gleicher Jg) kann ich evtl ein paar Infos geben.

Solche Dinger sind in jedem Fall Spassmobile und sehr wartungsintensiv gerade auch eher ältere Modelle und somit nicht grad billig im Unterhalt. Kommt aber auch darauf an für was du das Bike benutzt.

MFK sollte kein Problem sein sofern nicht allzu viel angepasst wurde für den Umbau.

Der Preis ist sicher nicht schlecht und wenn du tatsächlich denkst es war ein Fehlkauf kannst du es wahrscheinlich ohne grosse Probleme wieder verkaufen für sogar ein wenig mehr Geld.

Ansonsten wie Sachs geschrieben hat: Ferndiagnose ist schwer von daher können wir dir nicht allzu viel dazu sagen ob etwas damit nicht stimmt.

Genau genommen sind wir allgemein ziemlich vom Thema angekommen aber sich so ein wenig auszutauschen schadet ja auch nicht.

Das mit dem Enduro Fahrwerk war bis bis jetzt nicht bewusst danke für den Input. Aber das lässt sich ja auch anpassen und das Problem mit dem Lenker auch. Klar kostet alles Geld und ist ein Aufwand aber kostet ja auch nicht die Welt.

Natürlich wär ein reiner Crosser günstiger aber ich habe weder ein Auto in welches der Töff reinpasst (jedenfalls nicht ohne in Einzelteile zerlegt zu werden) und auch keinen Anhänger (mehr). Und das kommt wesentlich teurer als ein wenig an meinem Motorrad rumzubasteln.

Klar die grösseren Teiler sind haltbarer und für einfach mal eine Waldpassage und ähnliches besser geeignet aber wo gibts denn sowas in der Schweiz? Wenn ich für ne Endurostrecke kilometerweit fahren muss kann ich mir auch einen Crosser kaufen und muss dann sogar weniger weit fahren um auf die Strecke zu kommen.

Genau, Motorradfahren allgemein ist ein Kompromiss

Danke für die vielen Links

Mit Service meinte ich eigentlich nur Kolben/Zylinder aber was und wie oft er Öl/Filter usw gemacht hat weiss ich natürlich nicht.

Die SMC ist wie du sagst sehr Alltagstauglich aber für den Alltag hab ich bereits ne FMX aber mit denen auf ne MX Piste? Nein danke

Alles was mehr als 500ccm hat find ich auf der Strecke einfach sehr problematisch nur schon wegen dem Gewicht, ausser evtl vereinzelte Husaberg oder EXC aber sowas will ich nicht/gefallen mir nicht.

Zitat von Yam660

für mich bleibt fraglich ob die Moser-Variante auf Dauer glücklich machen kann

Das weiss ich auch nicht aber wer nicht wagt der nicht gewinnt und mich macht nicht das Motorrad das ich am wenigstens hegen und pflegen muss glücklich sondern dass welches am meisten Spass macht und ich am schönsten anzuschauen finde.

Übrigens: Ich habe heute beim Moser angerufen und gefragt wie das jetzt so sei mit den Motoren. Er meinte:
Alles was nicht 50ccm hat, hat einen Hondamotor eingebaut.

Danke für alle Inputs.

Somit wäre das Thema gegessen und ich kauf mir das Teil einfach mal. Wenns mir nicht passt kann ich es immernoch weiterverkaufen

also ufem motor staht honda das hani gseh und susch gsehts eich au us wiene normali crf sowit ich das chan beurteile. ja sonen cross mech hani au ide nöchi aber isch no schwirig öpper fröge ohni daser de töff gseht und en chan aluege. aber ich chönt ja trotzdem mal no vorbigah vilich wüsseds es per zuefall grad.

mfk isch demfall alles illegal sobald mer öppis alanged am töff was irgendwo dure au no sinn macht aber isch bi mir jetz nöd sones problem hoffi mal. alles wo du beschriebe hesch woni evtl wür wele ändere laht sich ja wieder rückgängig mache fürd mfk (liechtmaske, verschalig, lenker, radsatz, übersetzig usw.).

die gschicht mitem kolleg chani der ehrlich gseit nöd beantworte ich weiss eifach daser sochli alles gfahre isch (offroad, onroad, kies) und das mini rmz länger ghebed het vode betriebsstunde. ich han glaubs öppe um die 60 gha und er zwüsched 40 und 50 chans der nöd gnauer sege. chan das au am luftfilter lige? aso das er en strassefilter gha het und de offroad nöd so optimal gsi isch? wär no cool wennd das au grad wüsstisch

vilich chaner au eifach nöd fahre wär au e möglichkeit oder hetem nöd sorg ghebed das chönt au guet si

dasi echli oder besser gseit sehr viel wird müese umeschrube und bastle isch klar aber das machi ja au gern. obi jetz günne oder nöd ade renne isch mer relativ egal zum profi karriere anezlege isch de zug eh abgfahre. und beschwere tueni mi immer sehr gern aber in sache töff lits i 99% vode fäll a mir selber und nöd am töff wenn öppis nöd funktioniert.

danke no für de hiwis ufd ventiltrieb

btw dases so komischi absätz und so geh het isch dschuld vo mim handy irgendöppis stimmt da nöd und wo das 1. herchunt weissi aso au nöd

danke erschmal für die ganze infos und de schöni roman

^{de kolleg het ebe en 450er vo HM neu kauft und bim erste service woner het wele mache het de honda mech gmeint dases kein honda motor isch und sowieso scho alles kabutt isch vo det stammed sochli mini zwiefel aber wieso und warum und vorallem ab wenn hani ebe nonig usegfunde}

dases sich bi dem töff nöd um en vollcrosser mit weiss nöd wieviel leistig handlet isch mer bewusst (ich bin au es paar jährli rmz250 gfahre die het btw au 5 gäng gha und eich hani au lieber 5 als 4). und genau das isch eich de gedanke dehinder wel ich kei luscht meh han min töff immer und überall anezfahre mitem auto/ahänger suech ich öppis wo uf de strass dörf fahre. logisch dasi nöd wienen globi ständig uf de strass umekurve für das hani anderi töff

de mit de vespa isch guet gsi
das de töff entsprechend pflegt mues werde und nöd grad billig isch im unterhalt weissi das isch keine vo dere art

hmm klx isch durchus e überlegig wert aber sowit ich weiss het die 15-20kg meh und isch wie du gseit hesch nöd so geignet für uf pischte. wirdi aber trotzdem mal im aug phalte

aso mfk hani bis jetz no nie problem gha mit mine töff
chasch echt sege wases denn dete so für problem chönt geh? wr isch ja au e enduro und het meh oder weniger e alibi zuelassig oder nöd?

de punkt isch eich de das ich en töff wöt miteme nummereschildli wo ich chan bis ad strecki anefahre und dete denn fahre. ich han i minere umgebig es paar cross streckene inmerhalb vo 5 bis maximal 10km und das überlebt er jetz auno

ich lüte eifach mal am HM a de müesst ja bscheid wüsse weg de motore

• nomal merci für alli inputs

Ich bin uf der Suechi nacheme "Motocross mit Zuelassig" und bin uf es Inserat vomene HM 250 X usem Jahr 2005 gstosse. Nachdem ich en hüt go aluege bin gseht sowit alles guet us bis uf öppis.

Ich weiss dass HM abeme gwüsse mir aber leider unbekannte Jahrgang kei Hondamotore meh het sondern irgendöppis wo nach de erste rundi usenand gheit (hans miterlebt bimne Kolleg).

Mini Frag isch jetz ob irgendöpper weiss ob de Töff wo ich is Aug gfasst han no würkli vo Honda stammt oder nöd

Ich han auscho es Mail an HM gschickt mit de gliche Frag bis jetz isch aber leider no kei Antwort cho

Da mir min Hondamech au nöd meh dezue het chöne seg alsi eh scho weiss hoffi uf oi

bin Froh um jede input

also ich han momentan en fox helm und e stink normali nerd-brülle und die druckt und zwar entsetzlich

usserdem verbügts mer sie weni länger fahre

und ich han au sehr trochni bzw sogar zu trochni auge für linse gmäss em augearzt aber mit es paar augetropfe isch das problem meh oder weniger glöst

ich chans nöd empfehle aber muesch du wüsse vilich hanich au eifach nochli en alte helm wo nonig so für das konzipiert isch

brülle sind universel

Willkommen im Club

De Grundkurs sötsch mache wennd ohni Problem bis det ane chasch fahre also sprich wennd alei vo a nach b chunsch het mir min fahrlehrer mal gseit

aber es biz vertraue in töff bis det ane isch sicher au nöd schlecht

grundsätzlich bringeds dir aber genau das bi i dem Kurs also lieber so früeh wie möglich, duregheie chasch ja eh nöd (ussert hesch din töff dihei vergesse usw)

ischs glich prinzip wie überall: am afang miteme lehrer wo der Basics bibringt und nacher eigeni Erfahrige mache

so wür ichs emel mache

Also ich bin scho längers Brülleträger und ha nie es Problem gha mit de Linse unter dCrossbrülle

Brülle über Brülle gaht nöd so guet aber Brülle druckt minere Meinig nah sowieso nervtötend fescht i jedem Helm chunt aber vermuetlich auno chli ufd Brülle ah

mal ganz devo abgseh dases bim Offroadfahre sowieso nöd optimal isch e Brülle azlege weg de Vibratione und so
hans usprobiert und... nei danke lieber nüme

aber mit Linse isch doch eh keis Thema oder?

bin nöd ganz sicher ob das das isch wo du meinsch?

würklich viel chani au nöd dezue biträge da es vermuetlich weniger sache sind wo du wötsch ändere nimich a

aber das werded hoffentli schono paar meh in nögschter zit ich wird dich ufem laufende halte

salüü

es isch nie zspat azfange mit töfffahre

ich fahre sehr gern richtig wetzike isch e netti strecki vo mir us also falls mal luscht hesch chasch mer ja e pn schribe

gueti und sicheri fahrt

falls das nonig gmacht hesch würi au mal luege ob chrümmer, und alles was zwüschedem schalldämpfer undem motor isch, no suuber usgseht

wenn ja hilft vermuetlich würkli nur en neue schalldämpfer und vorher no bimne huskqvarna vertreter vorbigah vilich weiss de no öppis

mit so sache muesch lebe wennd sonen töff hesch

1. lass ihn einfach drin den du kriegst in jedem fall eine geldstrafe

2. 600.- sind es meines wissens nach ungefähr aber wenn du ohne db rumfährst schauen die netten herren bei der kontrolle vermutlich alles nochmal ein wenig genauer an und was die folgen sind kannst du dir ja wohl denken

3. wenn du unbedingt lärm machen willst kauf dir n motocross

4. ich hab kein plan wasn abra(kadabra)movic ist

weiss ja nöd wie luut de töff isch i allne mögliche variatione

weiss nur dasi mitem kolleg bis jetz (isch scho es paar jöhrli her) kei problem gha han chan natürlich guet si dases inzwüsche strenger worde isch vowege luutstärchi

wieviel db dörf mer denn dete so ha falls das grad öpper weiss? und wieso verbaut mer denn überhaupt en db killer wemer en eh nie dörf useneh?

viele dank für di kontruktiv kritik isch sehr hilfrich gsi

Zitat von Bongalicius

Der Vorteil bei einem 16er Model ist dass du bei Zubehörtöpfen, den dB-Killer herausnehmen kannst. Ab dem 17er Modell ist dieser fest verschweisst.

sofern er möcht ufd rennstrecki

susch isches eher e unnötigi verlockig wo der netti buesse und gnervti nachbere ibringt

wür das jetz eher als nachteil und nöd als vorteil gseh aber mues jede selber wüsse