Beiträge von Kneifel

Plattenbau

LuTrip: Hey!

Spark:
Demfall hemer da würkli die gliche Asichte
D'BMW hettmer au mitm ESA sehr zuegseit, grad im Soziusbetrieb ä enormi Erliechterig und eifach genial (de Prüefigsexpert hett extrem es Freudli gha, gradmal en Bonus-/Sympathiepunkt abgstaubt )
D'BMW ischmer au vom Sitz her sehr guet gange, han vo Kahedo die höch Sitzbank montiert gha und eigetli hett alles passt. Irgendwie isch sie aber so BMW-perfekt und usgwoge gsi, dassi öpis pfiffigers han welle.. Irgendwie hani au d'Chettle doch wieder vermisst im vgl. zum Kardan.. Und han denn gfunde, dass wemer scho fahrt und die Möglichkeite hett, denn sölls au grad de Traumtöff sie.. Durch das denn uf d'SDR gwechslet.
Aber d'BMW staht immer no zum Verchauf und am WE sind paar Intressente da, mal luege.. :thumbup: De Boxer an sich isch ebe scho e wahrhafti Liedeschaft, zwar nur 9 Mönet gha aber au i dere churze Ziit e Verbindig ufbaue (denn no mitm Remus-Topf, herrliche Ton... )

Ja, d'SDR lauft würkli durs Band dure flüssig.. Muenmi nur chli umgwöhne mitde doch höchere Tourzahle im Vgl. zum Boxer, will de chasch ide 50er mitm 5. Gang schnurre la.. Aber kensch ja sicher vode GS
Und das mitm Gasgriff isch tatsächlich so.. Bisch viel z'schnell ufde 80 obe und muschdi würkli seeehr beherrsche.. Gradno mitm schöne Sound vode Akra wotsch s'Biest mengisch schochli schreie ghöre

SMC hani mir au zerst als 2. Töff überleit gha, denn aber devo abcho willi nidmal d'BMW gnueg han chöne usfahre.. Aber e Sumo wird sicher au irgendwenn mal no ide Garage sta..

Danke fürde Tipp bzgl. Sitz! Wirdi demfall zerstno probefahre und denn mal luege, will de jetzig Sitz passt mit mine 193 doch nidmal so schlecht.. Und bevor wieder X-Franke i Usstattige investiert wird wotti zerstmal de Fahrgnuss uschoste, will um de gahts ja primär
I 2 Wuche gahts denn in Service und denn werdet auno Heizgriff montiert.. Därfmer ide KTM-Rundi scho fast nid säge, aber wemmers eimal gha hett wottmers nüm misse

Hehe sehr spannend, haltisch eus ufem Laufende!
Bin gspanne wie d'17ner SDR denn usgseht, d'GT isch schomal sehr vielversprechend

Alpaufzug

Mustervorlage

Zitat von jacq68

Hi und willkommen - wahrscheinlich werden wir einander mal grüssen auf der Strasse, bin auch in Winti. :thumbup:

Viel Spass!

Hey!
Ja auf jeden Fall, falls noch nicht bereits geschehen wird das sicher der Fall sein

Herzliche Dank eu allne für das warme Willkommeheisse & freumi umso me uf nächst Saison mit gmeinsame Usfahrte!
S'Biest fahrt sich würkli sehr ruhig im Stadtverchehr, wenns denn aber sött zur Sach gah denn gahts au zur Sach

Zitat von Spark

Sali Nik,

Herzlich willkomme
Höhö en Dauergrinser hetti au, was du da häsch find ich momentan de geilst Strassetöff womer cha ha. Ktm liebi ja eineweg, aber die paar Mal woni d'SD R gfahre bi händ glangt zum mi devo überzüüge, dass sie es hervorragend glungnigs Biest mit hammer Fahrfeeling isch. Ha ja au en R1200er Boxer, aber es isch würkli ganz e anderi Welt und es super Upgrade . Sind nebst em Akra no meh Änderige planed?

Wünsche dir uf all Fäll ganz viel Freud und gueti Fahrt mit dinre Duke, wär cool wenn me sich mal gseht!

Cheers, Spark

Jaa das chani nur unterschriebe, Spark! D'SDR isch würkli d'Liebi ufde ersti Blick gsi und han eigetli scho vorde R1200R mit ihre liebgäuglet..
Us gwüsse Gründ vo BMW-Vorteil (Kardan, Elektrischi Modi, Boxerblubbere etc.) denn aber ufen Boxer mit Jhg. 2012 gsetzt (leider no mitem alte Facelift, Budget nid glangt fürde neui)..
Merkt aber scho d'Unterschied wie de Boxer au bi tüüfe Toure sehr ruhig chasch fahre, wo d'KTM eher obedure musch bhalte (was au nid schlecht isch... )

Mit bevorstehender EURO 4-Ifüehrig bime guete Agebot zuegschlage und bereus kein Moment, ussert das jetzt denn bald d'Saison fertig isch unds e rechti Bestandesprob wird sie

Bis jetzt isch no s'churze Heck gmacht worde und evtl. gitts denn no en höchere Sitz (PP) + chlini optischi Sache (Lampe evtl. uf die Orange Version switche, Felgerandchleber, eloxierti Teil, etc.)
Aber vorerst bhaltis schön dezent

Mer gseht sich bestimmt nächst Saison mal!

Cheers mitenand!

Sali mitenand!

Ich bin de Nik, 25i und chume us Winti.
Agfange mitre Super Ténéré, hani en Zwüschestopp bime Boxer (R1200R) gmacht und bin jetzt bide Superduke glandet.
Han sie das Wucheend abghollt und sit det en Dauergrinser druff

Freumi uf gmeinsami Usfahrte und en intressante Ustuusch
Cheers!