Beiträge von Dark Spider

  • Scheisse: Die 1. Buess i mim Läbe!

    Bin bis jez no Buessefrei! Stolz! Han aber scho aarüäf übercho wege illegalem Waffebsitz (hamer mit 15ni e Softgun kauft en Tag druff isch eine mit einere Amokgloffe, si hend all Bänder us em Waffegschäft gholt! Ich hansi nur becho wili en gfelschte Uuswiis gha ha, ha baer gseit heg de richtig zeigt, si hend kei Bewiis ---> Glück gha! :smiling_face_with_horns:

    Und s'andere mal hani en riiise Rucksack gha und en Bull het gmeint ich gfördi damit anderi Lüüt! :grinning_squinting_face: Ich ha glached und gseit was chosts? Er 150.- ich ha dumm us de Wösch gluegt und gseit gaz no, denn chöndi mir e Rechnig mache, er stigt ii und fahrt weg! De netti Herr Polizist hetsich warschinlich welle en feine Znacht poste! :böse:

  • Juuuhuiii kein "L"öli meh!

    Bin im Albisgüätli gsi! Hami det umenand am beste uskennt und isch zimli die Streckene cho woni gad kennt ha!

    S'Geilste isch gsi, dasi nu ha müse spurgass vollbrems und slalom mache, kei zuesetzlichi UUfgab! :evil2:

    Aber ha alles in allem denkt, dases schwerer wird...aber isch warschinlich au scho zimli experte abhengig! :böse:

  • Kurvensammelsurium

    Findi super Idee, muss morn gad go Buechegg uusprobiere! Am beste findis so wis de Sky gmacht het mit Start und Ziel, denn weiss jede :mad: welli Kurve dasmer meint! :grinning_squinting_face:
    Min Tipp Oberwil-Lieli nach Unterlunkhofen! Sind nur 3-4 Kurven aber fein und freuet mich immer uf em Heiweg! :grinning_squinting_face:

    http://maps.google.de/maps?f=d&hl=de&saddr=Oberwil,+Aargau,+Schweiz&daddr=Unterlunkhofen&ie=UTF8&om=1&z=14&ll=47.32905,8.385401&spn=0.026702,0.044718

    (Wie macht mer, dass en Link en Name het und nöd eifacht die ganz Adresse sich????)

  • wer isch de schnellscht?

    Hööö wüssed ihr was mann ich verbrenne oi alli mit mim Gansta-RS-50-03! ich bin ebe vill krasser als ihr mann! Ich bin sooo krass ich muss immer ade Tanklstell 3 min warte bis mich min Schatte wieder igholt het! :evil2:

    hehehe ihr chömed mir all vor wie Gwüssi BMW fahrer (au wenni de Thread e cooli idee find!!) mached doch all mal ab uf de Rennstrecki wenner echt wenn usefinde wer de Oberburner isch! :smiling_face_with_horns:

  • Prüfungsort?

    Merci vill mal für die Guete Tipps! Chauf mer gad en "Drink or drive" Chleber und dunen hine druf uf de schwarzi Helm! Denn hends weischwie de Plausch! :grinning_squinting_face:

    Warschinlich gangi uf Winti! Und ich hoffe schweeeer, dasi nöd eine uf de Sozius bechume, die sölled schön hineher fahre, sust isch gschisse mitem 50gerli!

    Wegem luege, mer muss chli Glück ha, en Kolleg vu mir isch 1mal duregheit wiler zwenig gluegt het und bim zweite mal willer vor luuter luege nüme uf gstrass gseh heg (luut expert! :böse: )

    Ich hoffe ich bestahs! (Voralem de Slalom!!! De söllen schön mit breite abständ ufstelle, nöd fuul sii und mir de Slalom vode Roller stahlah! Will d'Roller mönd dur 1-2m Slalom "Renntöff" theoretisch dur 3m, schaffe au 2m aber nöd immer! Und 1m hani kei Chance!

    Und LKW überhole duni nie, vergisses wener seit ich sölli, segi es gat nöd will min töff zlangsam seg, de chani nüt defür!

    Isch echt schlimm wemer tönti schiibe am töff und am helm het? :ugly5:

  • Prüfungsort?

    Bi mich am aamelde für die praktisch Prüäfig, wird höchsti Ziit! hend ihr en spezielle Tip no churz vorher und wo ischs echt am beste zum d¨Prüäfig mache? Albisgüätli, Wintertur, Regensdorf oder Hinwil?

  • 50er TÖFF?!

    Ich persönlich ha mine bi ricardo kauft! Musch aber en Fachmaa haa wo mit dir de Töff chunnt ga aaluege, sust chasch schön drigheie! Chauf UF GAR KEIN FALLL!!! UF GAR KEIN! en tuunte, es bringts nüt und normalerwiis gheiet die Töff nach 2000 wennd Glück hesch 5000km usenand! Mag cool si i dere Ziit aber es lohnt sich echt nöd! Minere Meinig naa isch Probefahre wichtig und das nöd zu vill investiersch (max 3000.-) Will mit 18ni eh en grössere willsch welle! LG