Beiträge von Butterfly

Vielen Dank für die Antworten. Ja das kann schon sein das er mir nochmal umfällt. Ich muss halt erst noch ein bischen rausfinden wie ich das Teil händeln muss. Dann schaue ich mich immer ein wenig um bis ich einen geeigneten Tank finde.

Lg Nicole

Guten Morgen Forum,

Bei meiner ersten richtigen Ausfahrt ist mir mein Töff schon das erste mal umgefallen Wäre ja nicht so schlimm, habe damit gerechnet dass das mal vorkommen kann am Anfang. Leider hat der Tank ziemlich Schaden genommen weil er mir direkt auf eine kleine Mauer gefallen ist. Nun wollte ich fragen ob jemand weiss wo ich das reparieren lassen kann. Erste Priorität sind nicht die Kosten, sondern gute Arbeit. Bilder habe ich auch gemacht.

Zitat von Meitschi

has no halbe denkt. hani au lang gmacht

hoff bisch nöd z hert glanded

Nö isch aues no dran Warum hesch de du ufghört?

Es 1-Ps Hobby Ritte, oder so wie geschter eher flüge.

Dä würd mr wäuz gfaue, aber i bi eigetlech totau Kawasaki agfrässä, speziell dr ER 6Nn hets mr ata. Mi absolut Troum :love:

Muess aber äbä zersch wieder chli spare, ha dummerwis no es angers tüürs Hobby..

Danke für die viele nätte Begrüessige

Zitat von Meitschi

sali und

han ich das richtig verstande, ihr händ z zweite ein töff kauft? wie macheder das wenner e tour mached? all 50 km fahrerwächsel?

Sali

Jo das isch richtig. Toure chöi mr äbä no keni mache, hei beidi no dr blau Löu Und wenn i mi nid tüsche darf mä denn no niemer hinger druf nä. Userdäm trou i mr no nid zue mit ihm hinge druf zfahre, nur afa solo. Über churz oder lang gits aber eh äuä no eh zwöite, mir stritte mängisch scho fasch drum

Dann mach ich was falsch

Zitat von Mädu

do bi üs und viel spass do und natürli au uf dä stross :thumbup: info wirsch sicher zu genüge finde
ajo, es töff isch dänn kei 300kg! im fahrzüguswiis wirds gwicht inkl. fahrer (glaub sind 75 oder mitlerwili au 80kg)! ageh:D

Danke Danke Isch guet zwüsse wägem Gwicht, mir chunts hölle schwär vor. Muess mi äuä no chli dra gwöhnä.

Zitat von kawadriver

went hilf bruchsch oder infos nur melde.. wohne eu praktisch zbern also chamu der eu praktisch helfu und nit nur theoretisch

Isch auso flott, wirdä dra dänkä

Hallo zusammen,

Habe mich heute hier registriert und stelle mich kurz vor. Ich heisse Nicole werde in kürze 25, fahre seit vier Jahren Auto und Roller und seit neustem auch Töff Mein Freund und ich haben uns einen 600er Suzuki Bandit gekauft und sind nun fleissig am üben. Das Töfffahren packt mich jeden Tag mehr, am liebsten möchte ich mich gar nicht mehr anders fortbewegen, und das nachdem ich bis vor kurzem noch mega Schiss hatte Ich hoffe hier noch viele gute Tipps finden zu können, denn es gibt Sachen die machen mir noch Kopfzerbrechen. Das Handling von 300kg ist für mich noch nicht ganz einfach, obwohl ich weder extrem klein (167cm) noch ein Fliegengewicht bin. Eh ja, wait and see...