Beiträge von funnybueb

  • Kaufempfählig zunere 125ccm :)

    I bi ou am Ciko sire Meinig.
    Bi mir ischs (wie bi äuä de meischte Lüt uf dere Wäut) gliich, i ha nid Unsumme vo Gäut zum usgää..
    Schlussemänt hesch eifach meh vomene grosse Töff wo uf 25kw drosslet isch.

    Bi mir isch ou lang d Überzügig im Chopf gsi es 125erli z choufe, bi ou diversi go aluege, aber schlussändlech het mi der Kolleg überzügt, gra diräkt e chline grösseri Maschine z hole..


    Sit letscht Wuche hani jez mini GS500 und i würd se nümme häregä :smiling_face_with_heart_eyes: :grinning_squinting_face:

    Grad hüt bini mitem Kolleg es Obe-Tüürli go mache, de heimer mou üsi Töff ustuuschet.. Är het e 125er und es isch eifach scho fasch schad, was me sich loht lo entgo :winking_face:

    Klar schlussändlech ischs immer no dini Entscheidig, aber los dir doch nomou düre Chopf lo go.. :smiling_face:

  • Zu zweit auf dem Roller mit "L"

    hetem warschinlech grad d Luscht zum do no irgend e Kommentar abzgä gno..
    I dänke nid daser der Uswiis het müese abgä, wüu amne Kolleg vo mir isch das ou mou passiert.. dä het gloub eifach e zimlech höchi Buess müesse zahle.

  • Forenspiel

    Zitat von Kermit


    Los mal Früschling, hie sind d'Regle :winking_face:


    Schei*** jez hani doch d Regle am Nomitag düregläse gha.. has grad mit emne angere Forum verwächslet womers ebe mit so füu Wörter wie mer wei chöi schribe...:S

    I'm sooooooooooooooooooooooooooooooooooooooooooooooo sorry!;)

  • Grüess usem Solothurnische

    Jo das mitem Abhole isch sone Sach..;) Sie wird mir am Mänti heigstöut.. Es isch grad so chli aues fausch gloffe wo hätt chönne fauschloufe.. :loudly_crying_face:
    1. Lehrfahruswiis noni acho
    2. Kolleg wo sie wär heigfahre, wenni der Uswiis noni gha hätt, het sich am Fritig d Bänder grisse
    3. e angere Kolleg wo no chönnt fahre, isch z Dütschland das Weekend

    Drum durets jez no gueti 48h bis si bi mir isch!!!!*heulheul* aber i dörft se jo sowieso noni fahre..xD
    Aber hoffentlech isch am Mänti dä Uswiis im Briefchaschte und de chame jo am Mänti obe grad e chli go usbrobiere!!:D

    Danke für die liebe Wüukommens-Grüess und das mit der lingge zum Gruess.. das chani scho fasch.. ha jo no 2 täg zyt zum das chönne z perfektioniere!! :thumbsup:

  • Grüess usem Solothurnische

    I wodd doch ou churz es hallihallo id Rundi wärfe :smiling_face:
    Mi Name isch Simon, chume vo Solothurn und wirde demnächscht 20gi.

    I wirde am Samschti mini Pforte zur Töffwäut abhole und de hoffentlech grad iitouche :winking_face:
    Es wird e Suzuki GS 500 F. I bi säuber no nie gfahre, interessiert hets mi jedoch scho lang,aber leider hei die flüssige Mittu nid glängt gha..

    I hoffe dasi do bi euch guet ufghobe bi und vilech s eint oder angere cha erfahre, lehre und de ou grad umsetze :smiling_face:

    liebi grüess
    funnybueb