Beiträge von Squeezie

Hehe, dänn chammer dir ja nu no gratuliere!

Obwohl alles Ufrume und neu poste und s Scheissgfühl insgesamt wohl doch e negativi Bilanz ergänd...

Gärn gscheh!

Ebe nimms easy, däfür musch nachhär känni me mache (vorusgsetzt du fahrsch die 2 Jahr brav )

Ha d Infos nöd mal müässe bsorge, han alles no im Chopf gha. Bi mir isch au alles strub gloffe dazumals: Ha zersch de alt Lernfahruswis für d 125er gha (ohni PS-Klausel), de isch nach 4 Mönet abgloffe, willi im Winter kän Kurs gfunde han. Dänn bini ufs neu System umgstige. Aber im Nachhinein mussi säge: S isch doch alles guet cho, i 4e halb Mönet sötti de gross Uswies übercho

Gratulier au ganz härzlich!

Das muss gfiret wärde!

Sali Razor,

Ich bi so oft vum Strassi verarscht worde, dassi agfange ha, mich z informiere.
Mittlerwile känni mi bi de Töffreglemänt glaub besser us als de durschnittlich Mitarbeiter vum Strassecerchehrsamt.

Drum dänki chani der hälfe!

Wännis richtig verstande han, häsch du 8 Stund Grundkurs + di praktisch A1.

Du musch jetz miner Meinig na no folgends mache:

- 6 Stund Grundkurs (kän Tippfähler, sött so en Art Kompensation si, nur die 4 fählende Stunde (12 für A- minus 8 für A1) langed nöd, aber all 12 muesch au nüm mache)

- Di Praktisch musch 100 pro namal mache mit ere Maschine wo zu A- ghört (aso zwüsched 11 und 25 kw)

Und ebe 2 Jahr später chunsch di gross gschänkt über. Falls jetz bi A1 blibsch, häsch für A diräkt ab 25i genau de glich Ufwand wi jetz für A-. Also machsches am beste jetz. Chasch überhaupt nüt verlüre!

Ich hoff, ich ha der chöne witerhälfe.

Falls das nöd stimmt, korrigiereder mi bitte!!!

Ja, mis Bileid häsch au.

Aber s Läbe gat witer, aso Kopf hoch! (nöd dass kä Luft überchunsch unter Wasser...)

Chami da grössteteils eu aschlüsse:

Los a zimli quer durs Band e chli all Stylrichtige und suech mer überall s Best use.

Momentan losi aber hauptsächlich Freedom Call und vor allem Nightwish (gueti Wahl DeepZone )

Freu mi a scho uf s Live-Erläbnis Nightwish de Samstig z Frauefäld!!

Isch süsch öpper vum Forum i nägster Zit unterwägs a irgendwelche Open-Airs?

Ich gang ebe das Weekend uf Frauefäld und i 2 Wuche uf St. Galle!

@ Milan: Eizylinder tönt a guet

Ächt süess, bim erste Pic hani ja am Afang no dänkt es seg e 1000er

Aber wännd öppis ordentlichs us däne Dinger machsch, gönds no "ordentlich" ab, siehe Gostrider.

Aber ich nimm ja nöd a, dass du au eifach dämit uf de öffentliche Strasse umedüsisch.

Aber verzell jetz mal: Isches dini?
Dänn musch natürli scho mal en Fahrbricht hischribe!

Cha mi däm nu aschlüsse!

Bi grad no ga Verglichsagebot aluege: Liged all öppe i de Hälfti vum Pris här.

Jep, ich han msn und icq, cha der gärn mal d nummere durägeh! Dänn chömer euses Passtourli mache!

@ pseudonat: Ja eh, ich het au sicher no ein Kolleg mitere 125er, wär ächt fridlich, wämmer mal e route plane würäd und amene freie Tägli es Usfährtli mached!

@ -=TS=- Ja, freu di scho uf dini erst eige Probefahrt! Häsch si dänn scho reserviert oder isch nonig sicher, dass sie überchunsch? Nämm mi no wunder wieviel km dass si uf em Tank hät und was ungfähr zahle wüärsch...

Sorry, isch völlig ohni Zämmehang, aber wär kreiert so hässlichi Smileys?
:ugly3: :ugly3:

Fall äs an admin gsi isch nimm i s "hässlich" natürli zrugg

Au es fridlichs Welcome vu mir! Findi a guet, dass d 125er-Fraktion namal Zuewachs überchunt, und dänn ersch no wibliche 8o8o8o

Ich hoff mer gseht sich mal bim Usfahre! (han zwar kän Plan wo Buechiberg lit...)

Sali TS, neue Aprilia-Kolleg

Aso si hät lut Uswis 15.5 kw, also ca. 19 PS. Das isch aber lediglich wäg em Uspuff gsi wo en enorm drosslet hät (isch glaub mal wider e Spezialkonstruktion für d Schwiz gsi...). Ohni de Plombierig chunt si uf 30 - 34 PS, (offizielli Aprilia-Agab: Isch vu Jahrgang zu Jahrgang liecht unterschidlich). Ich han a no en Rännvergaser und en Rännuspuff, optimierti offeni CDI (Elektronik, isch ebefalls plombiert gsi wäg de Abgasvorschrifte...) und halt ebe en anderi Chette für Passfahrte (füährt halt zu no meh Schalte...).

De Vorbsitzer hät gmeint es seged "minimum 40 PS", ich weiss nöd, öb das wüärkli stimmt, aber oberhalb vu 30 sötts uf jedefall si!

Ich weiss halt nöd wieviel bi de Futura de schwizer Uspuff a Chraft gna hät, aber ich nimm scho mal a dass äs no meh drosslet hät als eifach nur wägem Kat. Aso lah de Rännuspuff uf jede Fall dra

Bisch scho ga probefahre? Lauft si dänn guet?

Wännd si dänn häsch, chasch di gärn mal mälde und mer chönd es chlises Aprilia-Türli mache! Winti - Aargau sött glaub no z schaffe si (ich ha zwar eigetli voll kän Plan vu Geographie...)

Natüärli machi mit jedem gärn es Türli, s muss ja nöd umbedingt e Aprilia si...

Ich freu mi au scho druf mit minere Aprilia RS 125 mal go d Päss erklimme! Ha wohl a nöd um süsch en anderi Chette dra..

Vu de chline, aber doch ordentlich steile Höger chani nu gueti Ergäbnis vorbringe. Bi ämmel trotz teils Kurve und würkli starcher Stigig no uf über 120 lut Tacho cho. (Anmerkung für die Polizei: Es versteht sich von selbst, dass es sich bei dieser kurvenreichen und steilen Strecke am Ar*** der Welt um eine Autobahn handelt.)

Ich bi ja gspanne, öb si au längeri Päss überläbt

Stichwort Motorbräms: Isch bi mir das wo bergab es bizli winiger beschlünigt als de Gasgriff

@ Dani-7R : Isch ja no rächt e schöni Mito, wo da gha häsch, Respäkt

Findi ja mal no e zwägs Thema, nachdäm ja mittlerwile so viel uf plombierti Maschine umgstige sind.

Ich ghör i däm Fall voll "däzue": Fahre en Piaggio Skipper LX 125 und natüärli mini gliäbt Aprilia RS 125

Ich find s zwäg a de 125er, dass mer no chli s Gfühl hät, dass mer d Maschine au würkli usreize chan im Gägesatz zunere plombierte.

Natürli hät das "Usreize" au sin Pris i Form vum Verschleiss, grad bi minere RS sehr bekannt...

Klar: Wänni natürli d Chole gha het, hetti wohl scho e 600er-GSXR kauft

@ -=TS=- Findi ja zwäg, dass di doch no umentschide häsch und em Aprilia-Club bitritsch!

Ja sali, merci namal für de zwäg Tipp vu dir bezüglich däm Forum, ich nimm mer vor i nägster Zit wieder meh da im Forum z si

Ja eh, gömmer mal wider zäme go usfahre!

PS: Geili Pics vu dinere GSX-R bim Bilder-Contest,ich nimm mers vor a mal no mitzmache...

hmm, du verzellsch vu wäge 112 km/h usserorts bedütet Prüäfigsverschiebig um 2 Jahr, und da söll ich mir kei Sorge mache

merci, isch uf jede Fall guet, wämmer sich so öppis no rächtzitig vor Aug füährt.

Aber zum Glück wohn ich ja 2 km vu de dütsche Gränze weg