Beiträge von Squeezie

So, bin hüt namal bim Mech gsi. Das sind di neue Erkänntnis:

- Service isch alles gmacht und itreit
- Pneu händ beid ersch 1000 km druf
- Originalteili däbi: Uspuff, Rückspiegel, Blinker
- Neue Bsitzer: Ich

Das wird e schöni Saison...

Danke Yam660

Das Serviceheft muss ich umbedingt noch anschauen, wie konnte ich das nur vergessen!?

Gute Idee: Falls ein Suzuki-Kenner oder sonst jemand, der sich allgemein gut auskennt Lust und Zeit hätte auf einen Kontrollgang mitzukommen, waer ich natuerlich froh! Eine kleine Entschädigung wär auch kein Problem. Müsste wohl einfach schon morgen sein...

Soweit ich das sah, hatten die Reifen noch ordentlich Profil.

Ob 600er-Rennmaschinen auf schweizer Strassen Sinn macht, ist sicherlich eine Frage über die man lange diskutieren kann. Aber hierzu ist der Entscheid von meiner Seite schon lange gefallen, eine 600er Gixxer solls ziemlich sicher werden!

Da die Maschine die ganze Zeit gedrosselt war, denke ich nicht, dass der Motor ein Problem sein sollte.

Gib eu natürli rächt: Wänni rein uf d Technik und so lueg, wür sichs sicher lohne e k6 z neh. Farblich gseh hani eifach scho immer s Gfühl gha, dassi lieber öppis uffälligs wett und leider wird ja scho länger kei 600er gixxer meh i gäl abote. Vu däm här wärs mer s Gäld scho wärt. Wänn i sälber alles umbaue lah wür nach mine Vorstellige chämts ebe glich use!

Ich wett si natürli scho au offiziell offe fahre. Zrugg zur Legalität! (nachdäm mini RS ja nöd würkli all Uflage erfüllt...)

Aber mal so allgemein: Wie würed ihr bimene Kauf vonere Privatperson vorgah?

Sali zaeme

Bi daene wo mich no kaenned, wetti mi zersch mal entschuldige, dassi so lang nuem verbi gluegt ha...

Am beste beschribi eifach mal d Situation:

Ich bi bis jetz 125er gfahre (ha mini RS eigetli immer no gaern). Uf die Saison spili mit em Gedanke mir e GSX-R 600 z chaufe. Uf de Suzuki site bini daenn uf aes interessants Inserat gstosse:

Ihr findets da bi bikes -> occasionen, doet isches d GSX-R 600 i orange-met.

Ha daenn sofort am mech gschribe und bi huet au grad mal bim mech verbi. Folgendes isch daebi usecho:

De Mech verchauft de Toeff noed saelber sondern vermittlet nur fuer en private. De werdi Vater und choeni drum s Gaeld guet bruche. Daem isch dae Toeff mal uf d Site gfloge bi langsamer Gschwindigkeit, s haet paar chratzer geh und drum haetter si daenn umspritze lah. Es gaeb aber kei Nachfolge meh vu doet. Gfunde hani saelber au nuet, aber ich bin halt au kaen Expert.

Folgendi Umbaute sind vorgnah worde:

Usem Inserat:
Lenkerendenspiegel, Sturtzpad, Miniblinker, heckumbau, Yoshimura Tri-Oval Auspuff homologiert, Scheibe dunkel

Zuesaetzlich ischer hine "hoechergleit" worde, weiss leider de Fachusdruck vu daem Teili nuem.

Ha daenn e churzi Probefahrt gmacht. Es isch alles guet gloffe, abgseh daevo dassi s Gfuehl gha ha ich heg e chli uebermaessig mueh mit de haltig und em ufstuetze ufem laenker. Weiss halt au noed gnau oeb das dra lieht dasser erhoeht worde isch oder eifach nur willi so lang nuem gfahre bi (ha eimal en Tag lang ae neui GSX-R 600 gmietet und eigetli kei grossi Problem gha).

Si isch momentan no drosslet. Ich wuer si daenn grad ufmache lah, wuer also namal rund 700.- druflege, waenni e neui Zuendbox daefuer wett (inkl. vorfuehre), oder choents rund 200 Franke billiger ha waenni e alti Zuendbox nimm wo de Mech no umehet.

Er haet no rund 1.5 Moenet Wechsgarantie. Woni daenn gfraegt ha oeber frisch vorgfuehrt seg, haet de mech gmeint nei, daenn haetter churz ueberleit, dae Fahrzueguswis fueregnah und gfunde mer moess d Farbaenderig no itraege lah. Di andere Aenderige muess mer agaeblich noed itraege lah. Fuer de Uspuff haetter es Biblatt. S isch uebrigens nur de Uspuff wo vum Anniversary-Modell stammt. Original-Teil seged "vermuetlich" no di meiste ume , z. B. Uspuff und Spiegel.

D Verarbeitig schint mer sehr guet gmacht z si, aber das isch halt widerum noed de Idruck vumene Fachma.

Ich bin mitem Mech folgendermasse verblibe: Agaeblich gaebs no es paar Interessaente, s seg aber bis jetz no keine verbi gange. Huet isch au ersch dae 1. Tag gsi wo de Mech offe haet sit s Inserat online isch. Bis am Dunschtig hani Prioritaet, d.h. ich choent si bis am Dunstig no mit Sicherheit ha.

Jetz zu de Frage:

- Zersch mal: Gfall er eu au so wi mir?

- Allgemein was haltet ihr vum Agebot und dae Umstaend? Wie wuered ihr vorgah?

- Was meineder zum Pris? Klar e GSX-R 600 mit so viel Km findet mer sicher billiger, aber d Umbaute sind ja au noed z vernachlaessige.

- Stimmti das, dass di andere Umbaute noed itreit waerde muend?

- Wuereder de Toeff no neumet checke lah, oeb alles i Ornig isch? Chaemts z. B. tuer de Toeff bim Itreige vu de neue Farb und de offene Leistig grad no voll vorzfuehre. Ich bei eifach allgemein e chli skeptisch so viel Gaeld uszgeh bimene Privatchauf waemmer d Person noed kaennt.

- Chaemts tuer d "Hoecherlegig" rueckgaengig z mache falls i mi wuerklich noed ad Haltig gwoehne choent?

- Allgemein: wie wuered ihr vorgah?

Am Dunstig hetti au zit zum de mech namal bsueche.

So merci scho mal fuers Laese vu daem Monstertext.

PS: Tastature ohni Umlut sind muehsam!

Das isch sälbstverständlich. Ich ha rächt Respäkt vor därä Leistig!

Ja dänn chasch dävo usgah, dass ich mich mal bi dir mäld, wänn dä Früählig chunt.

@ Dark_Force:

Ächt? Wär ja zu geil!
I däm Fall chönti natürli u huere lieb fräge.

Merci, merci

Jaja, ebe ich han au scho ganz anderi lustigi Gschichte erläbt. Au grad zum Thema Leistigsänderig hani no e lustigi/tragischi uf Lager:

Woni min alte Roller mit 18i ufgmacht ha, hani en natürli neu ga vorfüährä müässä bim Strassi. Amene Morgä chum ich uf jede Fall bim Strassi a, chum Unterlage über woni bi somänä "Expärt" muess übergeh, wo dänn min Roller ebe ga probefahre ga sött. Das machi dänn au. Dä Typ seit käs vernünftigs Wort (naja ich fänds normal, wänn sich Lüt zumindest gägesitig begrüässäd). Er nimmt mer eifach mal dä Roller weg, luegt d Unterlage nöd a, sondern fahrt efiach mal ä Rundi. Dänn chunt er zrugg und schisst mi zäme:
"De lauft ja viel z schnäll!"
Ich:
Er: "Dä därf maximal 52 laufe."
Ich: "Aber ich hanen ja verbibracht, zumen offe vorfüähre."
Er: "Ja dänn sägäd si das doch gfälligst am Afang."

Hmm, wänner mi am Afang zu Wort cho la hett, hettis em ja eigetli vilicht scho chöne säge. Und usserdäm hetters au gwüsst, wänner die Unterlage mal agluegt het..

Na ja nägst Saison chaufi wohl no kä Gixxer. Bin halt ebe leider Studänt... Aber eigetli wetti im Summer ga jobbe, vilicht chunt ja dänn doch no ordentlich Gäld zämme...

So, ha grad d en Brief übercho vum Strassi...

...mitemene Uswis mit de Kategorie...

[SIZE=4]A unbeschränkt[/SIZE]

Nach 21 Jahr warte isches jetz also offiziell so wit: Ich därf ä offeni GSX-R fahre!!!

Nöd, dass mer das bi däm Wätter jetz grad irgendwie praktisch öppis nützä wüär...

Aber es muess trotzdäm ordäntlich gfirät wärde!

Aber bim Strassi ischs doch gnau so abgloffä wieni dänkt ha:

Dä erst Agstellt hät fridlich gmeint: "Da müänd si nur das Formular usfüllä, dänn chömed si än Lernfahruswis über..."
Woni en dänn korrigiert han, hät er mal amene Kolleg grüäft zum dä fräge, öbi würkli de praktisch Uswis z guet han. De hät widerum gmeint "Hmmm, chan si. Ich lüt mal dä Kollegin a"...

Geil! Dänn müämmer zersch mal no chli 125er-Aprilia-Usfährtli machä bevor mer mit dä 600er zämmä ga d Länder erkunde gönd

So, hami wider chli beruhigt (obwohl vor 10 min mis Velo dä Geist au no grad ufgeh hät ).

Mini RS lauft aber immer nonig. Ha vorämene jahr s glich Problem gha: Si isch churz vor äm Winter abgläge. Bi döt dävo usgange, dass si versoffe isch, will i vergässe han dä Choke usäzneh. Nach äm Winter hani si dänn aber wider abracht mit chli Aschiebe (d Batterie isch dänn ebe leider au läär gsi).

Jetz mussi wohl oder übel das Jahr uf s glich spekuliere und im Früählig hoffä, dassi dä Motor widär zum laufe bring.

Dä Uswis holi wohl trotzdäm no nägstens.

So zu minere Zuekunft: GSX-R!!!

Aber wohl nonig nägscht Saison. Ich fahr gärn no chli uf dä RS umä. Ha nämli immer no e Riesefreud a irä (wänn si dänn lauft...). Abgseh dävo mussi als Studänt scho gnau luege mit äm Gäld.
Dä nägscht Töff wird aber zilmi sicher ä 600er Gixxer si. *jetzschofreu*

So, zums churz machä: Ich bi dä Uswis nonig ga beaträge. Da lisi letschtin no dä Bitrag vum Stephan und dänk: "Was für an arme Siech: Da freut er sich so uf dä Tag und dänn das." Nur leider ischs bi mir hüt au nöd wie plant gloffe. X(

Da, d Story däzuä:
Ich chum bim Heiwäg mit em Zug einäwäg z Winti verbi und ha eigätli planät, dassi dänn mit äm Bus zum Strassi gang. Da hani hüt Mittag abär das schöne Wätter gseh und gfundä, ich mach das Ganze chli stilvoller und gang mit dä RS und dä ganzä Usrüstig (Rännkombi etc.) verbi. Guet, dänn bini also doch zersch diräkt hei, ha mi umzogä und bi mitärä Mordsfreud uf mini Aprilia gumpät und dänn... 8o8o8o

hani si nöd zum Laufe bracht! X(X(X(

Ha zwar scho än Ahnig wo s Problem lit, lah mi abär vermuetli dänn trotzdäm no gärn kompetänt vu eu berate.

Ich het zwar dänn no gnueg Zit gha zum mit mim 125ccm-Roller zum Strassi z fahre, abär ich ha mi so lang uf de Tag gfreut und drum nüm voll gnärvt verbi ga welle. Das ganze Projekt isch wohl uf dänn verschobe, wänn dä Töff widär lauft.

Also: Problembricht und Antwortä über mini Zuekunft als Fahrer und dä Fahrzüg däzuä folgäd, sobaldi mi chli abreagiert han.

;( ;( ;( ;( ;( ;(

Rückblick: Vor eim Jahr und 364 Täg hät en gwüsse "Squeezie" di praktisch A beschr. - Prüäfig bestande.

Das heisst: Morn isch mini 2jährig Probezit abgloffe und somit dä Tag da, woni mer scho sooooo lang herbigwünscht han! Und i däne ganze 2 Jahr hani käs einzigs mal gäge s Gsetz verstosse (na ja zumindest isch nie en Vorfall bemärkt worde...).

Han am Strassi die Wuche no es Mail gschribä, wieni dä neu Uswis Beaträge chan, und zu mim grossä Erstune grad am nägste Tag Bricht übercho :uaa:

Mer muess nur en schrifliche Atrag mitem Führeruswis als Bilag ischicke und abwarte.

Da ich aber us gwüsse Läbenserfahrige... s Gfüähl ha, dass das Strasseverchehrsamt nöd immer so wahnsinnig kompetänt isch und ich morn Namittag frei han, gangi sälber z Winti bim Strasseverchehrsamt verbi zum das sicher regle.

Usserdäm hani scho sehr lang uf de Augeblick gwartet woni eifach zum Strassi ga chan und säge: "Ich het gärn de praktisch Uswis zum all (zueglahne) Töff fahre!"

Ich chönt zwar wette, dassäs zersch heisst: "Da müänd si aber zersch en Lärnfahruswis beaträge und über 25 si". Bimene Kolleg ischs ämmel au so ähnlich gloffe...

Also: Drucked mer de Dume, dass morn alles glatt lauft bim Strassi.

Happy Birthday au vu mir!

maini: Ich weiss uf was aspilsch. Da du grad hüt d Prüäfig bestande häsch, chunsch du am 6. 10. 2007 di gross Prüäfig gschänkt über (falls di die 2 Jahr au ordentlich benimmsch uf dä Strassä ). Jaja ich chas verstah, dass das än Tag isch, wos sich lohnt druf z warte.

PS: Bi mir sinds jetz no exakt 29 Täg!

Gratuliere a no!

Ja nu, däne Expärte chaschs halt eifach nie rächt mache.

Hauptsach isch, dass di nöd a dä langsam Fahrstil vu dä Prüäfig gwöhnsch

Peak: Merci a dir no!

-=TS=-: Ja nu, dänn musch halt di erste grosse Toure i minere Begleitig mache

Ich hoff ja au immer no schwär, dass dur eus Töfffahrer de Tribhuseffekt mittlerwile sowit vorgschrite isch, dass no das Jahr all Päss namal troche wärded