Ich weiss ned, aber du tönsch wie ich mit 18i. Au total Hitzchöpfig vo wege Gruppedruck und dem Fahrkönne ect. Wer sich über sini Fähigkeite im Strassevercher setzt nume zu voll debii si isch det definitiv falsch. Mer hend dazumal i eusere Clique au 1-2 söttig gha wo wege dem uf d Schnurre gheit isch. Mit de Ziit hani müessse lerne, mis eignige Tempo zfahre, au weni das eigentlich ned will....Aber am Schluss sichs mer z guet cho.
Vor 2 Jahr simer au mitere Gruppe uf Arosa ufe, dete hemer promt eine gha wo gmeint her er müessi de andere nacho, obwohl er de Hügel gar ned kennt het und die Tourleader de jede Tag ufe und abeheized. De isch vollgas ufe 90 Grad Kurve zuegfahre und verschrocke das die so zue macht. Denn hets no Sand am Bode gha vonere Baustell. Er verbremst sich, gheit uf d Schnurre. Ich bin grad hinder ihm gsi. Zwar versetzt aber dur sin Sturtz hani müesse uswiiche und voll bremse. Dur de Sand hets mi denn au gnoh und 3 ander hinde mir au, das e S-Kurve gsi isch und dementsprechend unübersichtlich. De Typ isch definitiv en Fahrafänger gsi und hetti wie ichs vorgschlage han ganz nach hinde ghört. Aber er het halt au gmeint er chöngs denn scho besser.
Was verstahsch du unterme ''richtige'' SuMo-Fahrer? So Sache wie Drifts und anduurendi Stunts hend uf de Strass nüüt verlore. Grad die Drifterei isch ufem Strassebelag eher schwirig und ermöglichts es ''richtigs'' SuMo fahre gar ned und schneller bisch mit dem au ned. Es git vermuetlich en Huufe erfahrni Endurofahrer wo eu mitere 20 Jährige Maschine würded abtröchne.
Under afällig verstah ich wemer all 15 tkm muess e Revision mache. I han uf minere alte LC4 122 000 km druffe und no nie hets tätscht trotz Optimierig. Und dir isch hoffentlich klar, das die meischte Lüüt de Sound vo de Einzylinder egal welcher Marke als am störendste empfunde wird, au wenns nur 80 dB hend? Das isch ufgrund vo de Abgaspulsatione so, das isch au de Markanti Ton 
.
Verstah mi ned fasch, aber i han s Gfühl du bisch nani so lang uf de Strass unterwägs mit em Töff. Das isch Züüg womer erscht mit de Ziit lernt (die meischte lerneds emel). Uf de Buechenegg oder em Albispass isches amel au so schlimm weni mit em Auto unterwegs bin. Allgemein Töfffahrer wo die ganzi Strass bruuched, grad i de enge Kurve bringed mich is Schwitze, Denn fahreds da scho die gröschte Chläpf, dicks L am Heck, sind aber no nie Töff gfahre. Wenn möglich isch de Töff no offe und mitere offne Trööte. Weni so en Spinner mal sött uflade hani also gar kei Mitleid. Und ich fahre au vil Töff und bin meh für die als für die Möchtegernschumis uf de Strass mit ihrne Subarus ect.
Ebe ned in falsche Hals kriege, ich wott der da ned as Bei fahre 
Aber wird dann wohl auch nichts.
Zudem isch richtigs sumofahre uf de normale strass möglech