Beiträge von Bandit

  • Tagestour am 14.5

    Also da s Wetter mittlerwiele ufe Mittwuch scho wieder schlechter usgseht unds mir am spätere Mittwuch Namitag na en Termin ine ghaue hät gang ich jetzt Morn in Schwarzwald
    Graubünde isch ja im Moment wie dä Mädu richtig agmerkt hät wäge es paarne Päss wo na gschlosse sind nanig sooo mega prickelnd!

    Dementsprechend gseht das jetzt so us:

    Treffpunkt: (Wo treffen wir uns): Migrol Tankstelle Zurzach, Zürcherstrasse 20, 5330 Bad Zurzach

    Zeit: (Wann treffen wir uns): 09.00 - Abfahrt so um die 09.15

    Tour Ziel: (Wohin geht die Reise): Schwarzwald

    Fahrzeit: (Wie lange soll die Tour dauern): So lang wies halt gaht So das mer am spätere Namittag wieder dihei sind

    Pausen: (Anzahl Pausen, Mittagessen etc.): Kaffeepause, z Mittag ässe im Resti, gnueg Rauchpause

    Fahrstil: (Gemütlich, Schnell etc.): Normal

    Bemerkungen: Wenn öpper mitchunnt wo sich uskennt und vorfahrt wär das cool, wenn ned ladi die vo mir planti Tour ufs Navi und nimme sicherheitshalber mal d Karte mit. Wenn mer ziitlich guet dra sind chönnt mer ja immer na luege ob mer na irgendwie möcht verlängere.

    Definitiv däbi:

    Bandit
    Chris89

  • Hy all

    En reine Gefühlsentscheid :winking_face:

    Säge mer so, d Speedy wär dä erscht woni würd go probefahre vo dene 3..
    Wenn mer d Testbericht liest söll sie recht ähnlich wie d SD zum fahre sie, au churze Radstand, sehr agil, super Fahrwerk und en gliichmässigi Drehmomentkurve mit max. 111 Nm. Das tönt für mich scho attraktiv.. Däzue chunnt das mir Underseat Uspüff gfalled und d Speedy au viel seltener gsehsch als die ganze Japaner.

    D Kawa find i vom Design her na nett, aber ebe, isch halt ungefähr dä Massetöff schlechthin.. Wie du selber seisch, jedes zweite Naked Bike isch en Kawa. Schlechts sinds aber sicher ned, git da im Forum es paar wo Z's fahred, wobi viel meh 750er als 1000er..

    d FZ gfallt mir persönlich eifach ned würklich und drum würdi die nedmal aluege :smiling_face:

    Aber uf was ich use wott, wenn du da im Forum oder überhaupt au uf dä Strass mit dä Lüüt redisch werded die meischte säge min Töff isches! D Z1000 Fahrer werded säge mir sind super z friede und er isch dä bescht, ich säge mini Superduke isch dä absoluti Hammertöff und en dritte wird säge er fändi sin Töff toll.

    Ich finde en Töff uswähle isch au en Gfühlsentscheid (zumindescht unter dene Modell womer weiss das d Qualität in Ordnig isch).

    Ich han paarmal öppis über d Superduke gläse, bin denn mal perzufall uf einere churz gsässe, 3 Täg spöter go probefahre und nach nedmal zwei Wuche isch sie bi mir i dä Garage gstande. Däbi hani eigentlich nedmal welle en neue Töff chaufe. Es isch liebi uf dä erschti Blick gsie :smiling_face_with_heart_eyes: Da läb ich au gern dämit das sie meh trinkt als mis Auto. Dä Fahrspass überwiegt dä Ärger über die nur 150km Reichweite.

    Drum verstah ich ned so ganz was vo eus wotsch ghöre.. Schlussendlich muss dir dä Töff passe! Gang go probesitze und probefahre. Und irgendwenn hocksch uf eine druff und seisch das isches! :thumbup:


    Das isch na en interessante Verglich zwüsched Superduke und Speedtriple.. http://www.motorradonline.de/vergleichstest…ergleich/351677
    Scho ned ganz s gliche, aber ich denke wenn d SD überhaupt mit öppisem Vergliche chasch scho am ehnschte mit enere Speedy :smiling_face:

  • Hy all

    Was wotsch ghöre? Schlussendlich sind sicher all vo dene Maschine gueti Töff.. Und was dir persönlich zue seit muesch du selber wüsse!

    Wenn ich vo dene 3 müsst wähle würdi d Speedy näh. Aber das muss jede für sich selber entscheide :winking_face:

    Wonen Virus chasch go Probefahre wüssti jetzt au ned grad. Aber ich denke paar Minute google und denn söttsch das scho usefinde

  • Autos von Töff fahrer

    Ich han au en Mazda3, wobi ich jetzt dä 2.0 Benziner ned würklich sparsam finde :winking_face: Brucht so knapp 8l im Schnitt ohni ihn jetzt gnadelos z drucke..

    Aber susch es tolls Auto zum vo A nach B z cho.. S Auto isches reins Nutzfahrzeug für mich vo dem her langet dä 3er meh als vorig. Wenner nur chlie weniger durstig wär :smiling_face:

  • Mein neues Mofa

    Mer händ ja scho usführlich über das Ding gredet. Aber ums da namal ganz offiziel z schriebe.. Hammerteil häsch der kauft! :thumbsup:
    Und sicher en würdige Nachfolger zu dinere SV, au wenns kein V2 meh isch :winking_face:

    Au wenn ich immer na der Meinig bin en Superduke hät au zu dir passt :grinning_squinting_face:

  • Hy all

    :welcome:

    Kawas sind zahmi Massetöff.. Blieb KTM treu :winking_face:

    Wenn jetzt scho en Töff wotsch chaufe en 990er SM-R oder en gueti 990er Superduke Occassion, und wenns ned so pressiert wart würklich na es Jahr uf d 1290er SD, die wird scho cool, au wenn die aktuelle Fotis nümme so guet usgsehnd wie dä Prototyp im Video. S Serie Liecht wo zB vorrussichtlich anechunnt isch potthässlich, aber das sind Sache wo mer chan ändere :smiling_face:

  • Ride out Samstag 13. April 2013

    Isch bis uf dä Sturz würklich en super Tag gsie! zT chlie Stop & Go, und einisch simmer na recht wiit inen Sackgass inegfahre (warum gnau macht mer ned une am Beateberg en Tafle das d Strass nach Sigriswil wäge Lawinegfahr zue isch?). Aber d Gruppe, s Wetter und d Stimmig isch toll gsie. :thumbup:

    Würd mal säge mit dene beide Toure vom Samschtig und i dä Schwäbisch Alb am Sunntig isch d Saison für mich persönlich ganz offiziell eröffnet :smiling_face:

    Scheisse dases dich doch au no verwütscht hät Fabi! Hämer doch all ghofft es säg "wenigstens" nur Blechschade. Wünsch der gueti besseri und uf das schnell wieder ufe Töff chasch!

    Wie dä Phil seit, bim Töff fahre häsch dä erscht Sturz entweder hinter- oder na vor dir :winking_face:

  • Auf wieder sehen

    Zugegebermasse en halbi Sekunde hani en chline Schreck gha dasi jetzt uf dich muss verzichte :loudly_crying_face:

    Aber denn isch mer ziemlich schnell in Sinn cho was hüt füren Tag isch :face_with_tongue: