Beiträge von Bandit

  • Ideales Motorad (Kat. A) zum Anfangen für eine Frau

    En Kollegin vo mir hät sich zum Afange en Speed Triple 1050 kauft, chunnt aber mit dere mit 1.58m und irgendwas über 50kg überhaupt ned klar.

    Jetzt simmer am Sa mal chlie go luege, denn isch sie d Street Triple Probe- gsässe & gfahre und hät sich sofort mega wohl gfühlt ufere..

    Jetzt wirds also druff use laufe das sie d Speedy verkauft und sich d Streety, evtl i dä R Usfüehrig, zueleit.

  • Schutzbekleidung

    Ich find d Argumention luschtig das Kevlar-Jeans für Kurzstreckene ok sind aber für längeri Toure ned.. Wenn uf d Schnauze gheisch isch das dinnere Huut, dä Kevlar Jeans undem Töff ziemlich egal ob das jetzt en kurzi Strecki oder en längeri Tour gsie isch! :winking_face:
    Und mer chan au uf Kurzstreckene umgheie, mer muss ja nedmal selber Schuld sie. Chan der bim Buurehof i dä nöchi en Traktor usefahre, oder es Auto abbüege wo ned blinkt, was weiss ich. Bremsisch falsch, Hinterrad verreist und scho liesch im dümmste Fall.

    Naja und zu pro & kontra Leder / Textil.

    Ich bin ja mittlerwile es bitz Sturz erprobt :kissing_face:
    Und bis jetzt händ d Textilhose (Textil, ned Kevlar-Jeans) immer ghebet. Grad bim letschte mal vor knapp 2 Wuche bini doch mit knapp 70km/h us dä Kurve grutscht und öppe 25m über dä Asphalt gschliffe, d Gegefahrbahn überquert und denn na s Bord durab namal öppe sowiit über d Wiese. D Hose hät ghebet, sie isch zwar völlig zerfetzt gsie, aber ich han kein Kratzer, kei Schürfig, gar nix gha. Vo dem her vertrau ich dem Zeugs scho ziemlich. Für d Rennstrecki isches sicher nix (dörf mer ja gar ned), aber ich finde zum normal i dä Gegend umenand fahre isches ok mit Textil.
    Was aber dä grossi Nachteil isch. Mini Lederjacke hät scho 3 Stürz miterlebt, isch 3x übere Apshalt gschliffe und isch immer na guet zwäg. Vielleicht chlie verkratzt und jetzt mussi dä Riisverschluss am Ärmel ersetze wills en verschliffe hät, aber d Lederjacke isch na ganz und erfüllt ihre Zweck immer na hervorragend. Das sie Kampfspure hät stört mich ned :smiling_face_with_sunglasses:
    D Textilhose muesch halt jedesmal ersetzte wenns die leit, will die hebed jetzt echt nix us. Und wenn ich denke das ich für sonen Textilhose au über 200.- zahle hätti mer i dene 3 Stürz au grad so guet en Lederhose chöne chaufe für 600.-

    Aja und dä besagti Unfall obe vor zwei Wuche isch ganz bi mir i dä nöchi gsie! Also definitiv Kurzstrecki. I Kurve woni scho 100x gfahre bin, aber wies halt so isch bi Kurve wo guet kennsch.. Da gaht nachlie meh! Oder ebe denn halt ned :thumbdown:

    Zämefassend würd ich säge, wenns eim egal isch d Textilhose bi nem Sturz z ersetze und mer ned uf d Rennstrecki gaht find ichs ok (oder denn halt es Lederkombi extra für d Renne). Kevlar-Jeans würd ich persönlich ned azieh.

  • Benzinverbrauch Liter per 100 KM / Reichweite

    '06er 990 Superduke

    Tankinhalt 14.5l, 3.5l dävo sind Reserve

    Nach 140km fangt d Reservelampe a lüechte.. Naja, mer läbt dämit, au wenns ned grad toll isch!

    D 1200er Bandit hät glaub en 19l Tank, wobi i aber ned sicher bin wieviel dete Reserve isch. Und Mit dere fahri locker 260km bis id Reserve

  • Welcher Reifen?

    Wenn meh als 4500km wotsch chunnsch um Touresport fascht ned ume. Det würdi dä Angel GT näh.

    Wenn bi Sport wotsch bliebe wär dä Conti Sport Attack 2 au na en Alternative!

  • Samstag, 15.6. - Umbrail oder Stilfserjoch Eröffnungstour

    Zitat von B2R

    Edit: Bandit... die SuperDuke hat mich überzeugt, werd das Teil mal Probefahren gehen !!!

    D Superduke hät definitiv was.. En Probefahrt würdi mer aber guet überlege, da chönnt nachher evtl dä "haben will"-Gedanke ufchoh :grinning_squinting_face:

    Ich denke für so Toure wie geschter isch sie wahrschindlich sicher eine vo dä beschte Töff! Mega handlich, gnueg Power um au mit dä grosse Supersportler chönne mitzhalte, ufrechte Sitzposition um au viel Kilometer chönne z fahre.. Und es isch halt kei GSR, Z oder susch so irgendwas. Es isch kompromissloser, brachialer :smiling_face_with_heart_eyes:

    Weiss ned wie mer das söll beschriebe, muesch halt doch go Probefahre :thumbup: Würd mi wundernäh was denn seisch hehe

    Sie hät aber au Nachteil:
    Dä Spritverbrauch isch sicher z hoch. Wobi das bim überarbeitete Modell ab 2007 besser isch und die hät denn au en grössere Tank. -> Reichweite über 200km

    Und sie verleitet brutal zum z schnell fahre.. Die Maschine wott das du ihn triebsch, die brucht das. Aber das muesch erlebt ha dases glaubsch!
    Bim Bandit isch das nie so, dä isch z friede wäner gemütlich im 5te Gang mit guet 80 über d Landschaft cruised. D Superduke definitiv ned, die fühlt sich denn misshandlet und schreit nach meh :thumbdown:
    Es isch eigentlich en andauernde Kampf mit dir selber dä versuechig vom Töff ned nach z gäh :kissing_face:

  • Samstag, 15.6. - Umbrail oder Stilfserjoch Eröffnungstour

    Legendäre Tag gsie!

    Supertolli Gruppe, dynamisches Tempo wo allne passt hät, s Wätter hät au mitgmacht (ich persönlich bin gar nie nass worde, die andere nur am Morge bitz ufem Wäg zum Treffpunkt) und Verkehr fascht kei.. Eifach rundum glunge!

    Am beschte gfalle händ mer dä Gaviapass und dä Passo del Mortirolo. Zwar ned eifach zum fahre, aber vo dä Ussicht her mega und au mal öppis anders als eusi Autobahnpäss i dä Schwiiz.

    Viele Dank em Andi fürs organisiere und dä andere beide dases mitcho sind! :freunde:

    Aja bi mir sinds schlussendlich ufs Loch genau 710km gsie und 15h unterwegs.. Tot kaputt aber mega happy!


    Das schreit nach Wiederholig! Im gliche Rahme aber vielleicht a nen andere Ort :thumbup: