Beiträge von Bandit

Ajo wird sicher gemütlich s erschte richtige Tourli das Jahr! Freu mich :thumbup:

Zitat von EffJottEric

http://www.motocenterschwyz.ch/multi/de/mehrinfo.html

Begleitete unser Ex KTM-Girl mehrmals nach Schwyz, als sie auf ihre 390'er wartete, welche einfach einfach nicht kommen wollte
Aber das ist eine andere Geschichte.....
Auf jeden Fall lernte ich so das Team kennen und muss sagen: Absolut TOP
Trotz der Grösse des Ladens sehr freundliche Kontakte, nehmen sich Zeit, gute Beratung, Ersatz- und Mietmotorräder ebenfalls vorhanden.
Wäre ev eine Alternative vom Oberland her (über den Damm und Sattel, schon bist du dort).

In der ersten Dez-Woche findet ein Apéro statt, die Gelegenheit also, mal vorbei zu schauen inkl. Präsentation der Über-Super-Duke.

Ich han mini Superduke usem Motocenter und bin sehr z friede.. Sie sind definitiv ned billig, aber mached ihri Arbet immer guet und ich vertrau dene voll und ganz.
Was mer aber muss säge isch das dä Patrick, dä ehemalig KTM Chef-Mech ufghört hät und irgendwo zu Ducati gwechslet hät. Dä Mike isch jetzt dä KTM Verantwortlich. Kenn ihn aber au scho länger und er hät grad letschti neui Blinker anegmecht bi mir und das isch super Arbet gsie.
Zudem wie dä Eric seit, wenns anmeldisch bechunnsch immer gratis en Ersatztöff, im Frühlig hani die dete na ganz brandneu 1190 Adventure becho, und letschti bi dä Blinker en 690er Duke R.
Im Winter händs 10% Rabatt uf d Arbeit und wenns ameldisch chömeds bi Ufträg ab 350.- din Töff bi dir dihei go abhole und bringed en der wieder. Isch aber glaub nur i nem Umkreis vo 50km oder so gratis.

Chan s Motocenter Schwyz also voll und ganz empfehle :thumbup:

Zitat von EffJottEric

@ Bandit: DIE Uusag isch NUR für KTM-Freaks gültig

Nene, das die neui Superduke d Referenz im Naked Bike Segment isch seit dä Chefredaktor vo 1000PS mehrmals im Video.. Und die teschtet ned nur KTM's

Wobi mer fairerwiis muss säge i dere Teschtbewertig sind die neui Z1000, s BMW Naked und d 1200er Monster nanig drin, aber ich gsehne da ehrlich gseit ned gross Chance irgendwas z ändere a dä Dominanz vo dä neue Duke.

Wenn mer nur im Lotto würd gwünne, müsst mer sich ned Gedanke mache ob mer sis Geld jetzt lieber inen wiiteri Fortbildig- oder inen neue Töff söll stecke

Bin mega gspannt gsie uf die neui Z und s BMW Naked..

Aber jetzt sinds dusse und mer chan mit guetem gwüsse säge sie stinked beidi total ab gege die neui Superduke, sowohl vom Design wie au vo dä Leischtig her.
Däzue ane sinds 4er Motore und kei V2

KTM isch definitiv die neui Referenz im Naked Segment. Wobis das ja eigentlich scho mit dä alte Superduke gsie sind

http://www.youtube.com/watch?v=nMqbKkwiK6Y

Oder dä Tescht vo 1000PS.at

http://www.youtube.com/watch?v=t65XX47M83U

1. Fahrt ihr generell lieber mit oder ohne Sozia/Sozius ?

Mir isch das relativ egal. Letscht Jahr wohni en Fründin gha han wo sich fürs Töff fahre interessiert hät isch sie eigentlich immer mitcho und das hät mi emal ned gstört, im Gegeteil, isch amigs cool gsie. Gange aber au gern allei, also ohni Sozia, go fahre

2. Macht es für euch einen Unterschied, ob ihr die Person persönlich kennt oder nicht?

Ned würklich, vielleicht uf dä erschte paar km bis mal chlie chasch abschätze wie sich diesi verhaltet..

3. Welchen Einfluss hat eine Sozia oder ein Sozius auf euren persönlichen Fahrstil?

Häsch halt d Verantwortig für en anderi Person, und ich persönlich möcht ned däfür verantwortlich sie das sie stirbt oder schwer verletzt wird. Zudem sött sich die Person ja au wohlfühle hinnedruff. Dementsprechend viel apasster.
Usser es isch en Sozia wo scho monatelang mit ihre gfahre bisch, denn chasch au chlie Guzzi gäh i nem bestimmte Rahme

4. Was ist aus eurer Sicht die geeignete, soziataugliche Maschine?

Bin mit minere Ex uf dä Superduke scho 650km gfahre und sie hät sich emal ned beklagt - also würd ich säge d SD isch sicher soziatauglich Im Prinzip aber wahrschindlich en Tourer, Reisetourer, Reiseenduro oder vielleicht na en schwere Chopper

5. Wenn ihr jemanden mitnehmt: wie verständigt ihr euch? Hand- oder Klopfzeichen, Scala rider oder dergleichen?

Rede chamer i dä Pause oder vor Lichtsignal, susch wird gfahre

Min gröschte Traum isch immer en Fighter gsie.. Also eigentlich isches es immer na!

Han mich mit minere Bandit mal intensiv dämit beschäftiget en Fighter druss z mache, und wie dä Phil seit, d Bandit isch scho es Naked Bike. Aber es isch eifach zu teuer! Ganz ehrlich. Wie scho erwähnt muesch sämtlichi Umbaute, insbesondere Rahmeänderige für en Fighterhöcker per Einzelabnahm zu MFK go abnäh lah, das choschtet es Vermöge.

Bi dir chämt na däzue das en Schale dra häsch was ebe mitm Lärm und dä Vorbeifahrmessige massivi Problem git.

Ich han d Bandit eifach umgsprützt, en Maske dra gmacht, s Heck öppe 3cm steiler ufe zoge und dä Uspuff dä Hecklinie folgend. Das isch alles easy machbar. Zwar no lang kein Fighter, aber wenigschtens es bitz öppis wo i die Richtig gaht.
Trotzdem, ich han s Fighter-Magazin us Deutschland abonniert. Jedesmal wenn ich die absolut abartig geile Töff det drinne gsehne chunnt mer s Augewasser warum d MFK bi eus i dä Schwiiz so dumm tuet echt. Mängisch chönnti d Schwiiz mit ihrne ganze Gsetz und Regle

Setzt dich mal mit Streetfighters Switzerland in Interlake in Verbindig oder gang mal verbie dete mit dim Töff, die beide Type sind sowas vo super.. Meeega Nett! Die gäng der kompetent Uskunft was machbar isch und wie teuer dases chunnt. Sie beschönigets aber au ned.

http://www.streetfighters-switzerland.com/

Also bi minere Bandit hät nur es Fighterheck mit Heckrahme Änderi mit MFK-Abnahm glaube öppe 4500.- koschtet. Nur s Heck, nix anders. Es isch eifach bitter

Und wäge ned fahrbar. Mal i dem Video ab 16min 15sek luege.

http://www.youtube.com/watch?v=zaMk_nt1AHg&feature=share

Das isch dä geilscht Umbau uf dä Welt, und dä fahrt super, au mit sim riese Hinterrad! Sicher isches keis Bike um in Schwarzwald z gah oder über d Pass, aber zum chlie cruise sicher dä Knüller..

[Blockierte Grafik: http://sphotos-h.ak.fbcdn.net/hphotos-ak-snc…110854438_n.jpg]

Schön gschriebe! :thumbup:

Aber ehm, also ich bin d Streety und d Speedy beid scho gfahre.. Und d Superduke isch jetzt sicher aggressiver zum fahre!
Dä Streety fehlt eifach dä Pfupf vo dä SD und d Speedy isch guetmütiger, weniger rucklig, aber au schwerer und weniger handlich. Däfür hät sie es bitz meh Dampf und Drehmoment. S Fahrwerk find ich aber vo beidne ned so geil wie das vo dä SD. Mhm, wie s subjektive Empfinde mängisch vo Mensch zu Mensch unterschiedlich isch.

Aber sonen 800er Brutale hani scho paarmal denkt das mi das extrem würd reize mal probe z fahre! Din Bericht hät das grad nachlie agheizt.. Ma gucken

Sali Hoi

Bin us dä Riedmatt, also vo Zug selber Vielleicht trifft mer sich ja mal ufen Usfahrt wenns Wetter im Herbscht nachlie mitmacht.. Schau mer ma

Also ich schriebe bi mine Toure ja immer ane "kei 125er".

Das liet aber ned dra das ich grundsätzlich öppis dägege han das mer 125er fahrt.. Nur lieber ned mit mir Und wie dä Maini seit find ich das au legitim.
I dä Kurve möged 125er ja vo mir us theoretisch na nache möge. Aber spätestens bim us dä Kurve beschleunige und vorallem überhole hörts denn eifach uf. Und ich denke das macht dem weder em 125er Fahrer na mir Spass wenns vom Tempo her eifach ned passt.

Prinzipiell söll aber jede das fahre waser wott und mich störed d 50erli und d 125er im Forum au überhaupt ned. Solangs ihri Gurke ned i jedem 2te Post in Himmel lobed

Also das ganze gelabere unter dä Gürtellinie müsst echt ned sie..

Aber im Grundsatz isch d Diskussion na Interessant und au ned so völlig dänebe. Ab wieviel Gewichtsreduktion wirds spürbar
Han scho vo verschiedne ghört, unter anderem au vo ihm woni letscht Wuche die gross Tour gmacht han, das mer d Karbon Teili merkt.. Naja guet a dem sinnere BMW S1000RR isch au fascht kei Plastik sondern nur na Karbon gsie, aber er hät au gmeint er merki das deutlich. Isch wohl immer d Frag wieviel Ersparnis holsch use.. Und das vorallem zu wellem Priis, das ganze isch ja ned ganz gratis!

Das mitm Benzin findi au na Interessant. Also ich zB han ned gwüsst das 1l Benzin 700gr sind

Und denn natürlich d Möglichkeit s Gwicht statt dur Karbon a sich selber i z spare.. Ich han sit letscht November 15kg abgnoh, glaub für das müssti fascht die ganz Superduke in Karbon kleide um das use z hole

Sind chlie z lang uf dä AB bliebe und händ drum en Teil verpasst.. S nächscht ma würdi glaub bi Mesocco drab oder vielleicht sogar nachlie vorher.

Eigentlich genau e so wienis au plant gha han hätte mers sölle mache, aber has nümme so genau im Kopf gha drum simmer bis Usfahrt San Bernadino uf dä AB bliebe :pinch: Janu! Isch sicher ned s letschte mal woni det dure bin, isch mega schön dete. Au uf dä Passhöchi Splügen häts mer mega gfalle..

Super Tag gsie... Relativ wenig Verkehr, perle Wätter, Unfallfrei (!!) *hust*, eifach tiptop! Und han endlich mal en Teil vo dä San Bernadino Passstrass und dä Splügen gseh (dä häts na in sich.. coole Pass!)

Viele Dank an s1rr für die netti Begleitig

Oki super Sach, mache mer so! Denn bis Morn Morge idemfall

Mhm bin jetzt grad chlie am überlege.. Wenn du vo Sursee her chunnsch isches ja Blödsinn wenn du uf dä Autobahn Richtig Zug fahrsch, denn gasch besser direkt dure Seelisberg Tunnel und wiiter richtig Gotthard..

Säge mer z Amsteg vor dä Poscht?

Für mich wär das denn so:

Bandit ~ ungefähr 50min zum fahre.. Also säge mer ich fahre am 07.00 dihei ab, denn würde mer dete uf die 8i abmache?

Vo Reiden her würds so usgseh:

s1rr

Wänn mer nur z Zweite sind chömer ja au d Tour na bespreche wodure und wie lang mer denn genau wänd fahre :thumbup:

*hust* Wie isch das gsie mit "ist der Ruf... öhm Lack erst ruiniert, fährt sichs ganz ungeniert"! - Drum reparier i d Kratzer a dä SD scho gar nümme :pinch:

Nei so schlimm isches ja gar ned! Es sind meh amigs chlie ähm unglücklichi Umständ wo mich sporadisch dä Richtig Weg, sprich d Strass, verlah lönd
Und zu minere Verteidigung chani na aführe dasi mit Sozia immer sehr aständig fahre. Da treisch Verantwortig und ich möcht ja ned das öpper wäge mir stirbt oder ernsthaft verletzt wird.

Aber da isch ja ned s Thema

@ Bikerbabe: Ja theoretisch chönnt mer das schonmal mache, kenne mich eifach null us i dä Westschwiiz, bin na nie im Jura oder Frankreich go fahre.. Has meh mit Norde, Oschte oder halt ebe Süde

@ Andi: Ja ebe Sunntig chönnt mer na is Aug fasse. Fritig und Samschtig hani kei Ziit.
Aber am Samschtig sött ja mega gewittrig sie, und mer weiss halt ned so recht obs denn am Sunntig-Morge wieder würklich schön isch oder na Nass und denn erscht ufe Mittag hi abtrochnet.