Beiträge von Bandit

  • 2 Zylinder vs 4 Zylinder

    Ich und au dä Monobeton händ vo nem Reihe 4 Zylinder Motor gredet..

    Vielleicht lieg ich jetzt au falsch.. Aber ich glaube s normale sind entweder V Motore (http://de.wikipedia.org/wiki/V-Motor) mit 2 Zylinder und Reihe Motore (http://de.wikipedia.org/wiki/Reihenmotor) mit 4 Zylinder.. Also sowiet bini eigentlich na ziemlich sicher.

    Aber.. Gits denn au Reihe 2 Zylinder Töff? Glaub V4 Töff gits ganz vereinzelt, aber das sind eher usnahme oder?


    Und ja zumindescht bi minere 1000er V2 Superduke muss ich i dä tüüfe Drehzahle immer mit dä Kupplig spiele bim Manöveriere..
    Aber wie dä Mädu obe gseit hät chans sehr guet sie dases binere chlinere (wie ebe zB Suzuki SV650) Maschine wo denn au na drossled isch lang nümme so schlimm isch mitem geruckle.

  • 2 Zylinder vs 4 Zylinder

    Also jetzt ohni gross ufs technische i zgah..

    Ich han mit nem Reihe 4 Zylinder agfange und fahre jetzt en V2 (Zylinder).

    Ich han d Erfahrig gmacht das dä V2 es einiges bessers Gfühl i dä Gas- und Kuppligshand bruucht.

    Ebe genau wäge dene zwei Pünkt wo dä Eric und dä Boo erwähnt händ!

    Uf dä eine Siite bremst dä V2 relativ stark wenn abem Gas gahsch und uf dä andere Siite gaht aber au brutal öppis wenns Gas ufmachsch :grinning_face_with_smiling_eyes: Das heisst wenn du ned en relativ feinfühligi Gashand häsch oder ned güebt bisch isches wahrschindlich am Afang weniger es fahre sondern es umegeruckle! Will du s Gas ufmachsch, denn machter en Satz nach vorne, denn verschricksch, machsch s Gas wieder zue und er bremst stark ab.. Verstahsch was ich meine? Dazue chunnt das dä V2 i ganz tüüfe Drehzahle ned so ruhig lauft wie en Reihe 4er, also wenn du zB ufem Platz d Manöverprüefig machsch muesch du mit dä Kupplig immer chlie mitschaffe um dä Motor ruhig z bhalte.

    So isches zumindescht bi minere Superduke, weiss ned ob die es speziells Exemplar vo dä V2 Gattig isch oder ob das bi allne so isch :smiling_face:

    Ich find dä Reihe 4er Motor isch eher Afänger geignet.. Ebe willer wie dä Boo seit ruhiger lauft und viel sanfter zum fahre isch!


    Däfür hätten V2 meh Charakter, tönt besser, gaht wie ebefalls dä Boo scho erwähnt hät i dä tüüfere Drehzahle scho ab.. Kurzum, mir persönlich macht dä V2 viel mehr freud! :grinning_squinting_face:

    Aber die Geschmäcker sind verschieden und das isch au guet so :thumbup:

  • Lautstärke Rennstrecke

    OT: Das mitm Video ufelade isch bi mir au ned gange.. Chasches nur bi Youtube druff tue und denn im Videoportal im Forum statt "Hochladen" irgendwas mit "Youtube" uswähle und dete denn dä Link ifüege!

  • Eure Erfahrung: Welcher Reifen?

    Mhm ich weiss ja ned.. Tuet mer ufen Supersportler nur "reini" Sportreife? Touresport wär kei Alternative?

    Han uf minere Superduke vorher d PiPo druff gha und jetzt sitem Samschtig d Pilot Road 3.. Und vo dä Haftig her merki jetzt kein Unterschied, und ich fahre relativ zügig..

    Mitem PiPo hani guet 3000km gmacht und vom Pilot Road 3 erhoffi mer jetzt so um die 4.500km..

    Oder susch dä Pirelli Angel ST.. Dä Dorso-Treiber fahrt dä uf sinere 1200er Aprilia Dorsoduro und glaub meh id Kurve saue als er chamer jetzt gar ned.. Und dä Angel hebed bi ihm, das heisst was :grinning_squinting_face:


    Aber ebe, vielleicht verstosst das gege irgenden Kodex ufem Supersportler en Touresport Reife z tue.. Aber vo dä Haftig her würd ich säge langed die allemal und händ halt eifach die besser Laufleischtig!


    btw.. Reifethreads händ mir bi eus im Forum glaub scho sit längerem nümme gha.. Wenn überhaupt scho sit ich däbi bin! Eigentlich na Interessant, i andere Fore sind Reife ja zT Dauerthemas :grinning_face_with_smiling_eyes:

  • DER FILM zur organisierten Chaoten-Tour Teil 2 / Pfingstmontag

    Super gmacht Eric! Tolls Video, gefällt mir!

    Hoffe nimmsch mer das mitm B52 Bomber ned übel... Aber dä Vergliich hät doch was? :grinning_squinting_face:


    Nei Seich, mer gseht ja ufem Video sehr guet das din Oldie tiptop um d Kurve chunnt! :thumbup:


    Aja und ich han s Filmli vom Port und mir womer dä Stoss duruf fahred mal is mp4 Format convertiert und versuechs da id Forum-Videosammlig ufe z lade.. Das vom Ruppen gaht leider ned wills 210mb gross isch.

  • Wie weiter....welcher Töff passt

    Sali Hoi, :welcome: da bi eus im Forum!

    Ich bin bis vor nem Monat en 1200er Bandit gfahre.. Isch zwar en ältere gsie (1997) aber ich denk mal so vom Fahrgfühl her werded die sich ned gross veränderet ha.

    Es isch sicher en guete Töff, die alte händ Drehmoment i allne Lebens- resp. Drehzahllage, brucht ned bsunders viel Benzin und bi dä alte Motore chan au ned viel kaputt gah.. Die sind irgendwie untötbar wenn chlie druff luegsch.
    Ich bin viel ein- und zwei Tagestoure mitem gfahre i dä Schwiiz und er isch absolut Touretauglich, dä Sitz isch bequem und dä Hinter tuet der au nach vielne Kilometer ned weh (wobi das isch wohl Subjektiv und isch vo Hinter zu Hinter verschiede :winking_face: ). Zur Soziustauglichkeit chani ned viel säge da ich wägem L immer allei ufem Töff gsässe bin.
    En Bandit isch sicher en guete Töff würd ich mal säge! Bin mine gern gfahre...

    Aber.. Und das isch für mich es grosses Aber gsie :smiling_face:

    Er isch sicher ned agil!!

    Dä Bandit isch en Bomber.. Vielleicht ned grad en schwere Bomber, eher sowas wie en Jagdbomber.. Aber nichtsdestotrotz wird us nem Bomber halt eifach keis Jagdflugzeug :grinning_squinting_face:

    Dä Bandit isch schwer (glaub so irgendwas um 240kg), hät en relativ lange Radstand und halt doch für sis Gwicht ned übermässig viel PS.. Zum Kurve heize ischer ned würklich was! Eher zum Cruise, vielleicht chlie zügiger als mit enere Harley oder so, aber mit emene Sportler oder dä hütige Naked Bikes chaner halt scho ned mithebe :smiling_face:

    Dä Bandit ischen guete Töff, aber agil ischer ned..

    Aber ich find mini Bandit super und er hät sicher au sini Daseinsberechtigung drum hanen jetzt au per Wechselnummere bhaltet als zweit Töff zum go schaffe, wenni mal id Ferie möcht oders susch mal chlie gemütlicher wott agah :smiling_face:

    BMW's kenni gar ned.. Han bis jetzt nur mini Bandit und jetzt d Superduke vo KTM gha..