Beiträge von Bandit

  • Scheisse gebaut

    Häsch mer dete wo mich heigfahre häsch ja na verzählt das jetzt denn wieder uf d Rennstrecki gasch, schad dases jetzt so use cho isch :frowning_face:
    Aber hauptsach du bisch na einigermasse ganz!

    Wünsch der gueti Besserig und denn viel Spass mit dinere neue GSR :smiling_face:

  • Ausflug mit Meitschi und Dampfhammer

    Däbi fahred mir doch so ruhig :winking_face:

    Nei aber mir händ i sonere Situation eifach na d Reserve no meh Gas z gäh!
    Wobi wenns so isch wie du seisch (was ufem Video würklich ned so klar ersichtlich isch) isches scho ned korrekt vom Autofahrer gsie.

  • Ausflug mit Meitschi und Dampfhammer

    Nachdem ich jetzt die Kommentär gläse han hani s Video au na fertig glueget :winking_face:

    Bin em Dani & em Alex sinere Meinig, dä Autofahrer hät eigentlich ned würklich was falsch gmacht! Du häschen ja au ned zackig überholt sondern bisch so langsam a ihm verbie und mein Gott hätter halt Gas gäh. Mit dem muesch rechne wenn mit 25kw en Sportwage wotsch überhole :smiling_face:

    Und die Szene mit dä Chüeh isch ja wohl sehr fragwürdig, dete überhole :astonished_face: Und nachher na über die uszognig Mittellinie.. Naja!


    Aber wie obe scho gschriebe, s Video an- und fürsich isch super, au en schöni Gegend! Wäri gern däbi gsie :thumbup:

  • Bestimmter GPS Tracker / Homepage

    Ich au.. Git sogar en Töff - Forum Gruppe!

    Wobi in letschter Ziit hani es paarmal dä Sportstracker usprobiert..
    Aber eigentlich isch bi all dene Route Tracking Apps s gliche Problem - Min Akku hebet nie im Läbe für en ganz Tages Tour :thinking_face:

  • Grilltag Vol. 2

    Finds au chlie enttüschend! Aber schlussendlich chan mer d Lüüt ned zu ihrem Glück zwinge :grinning_squinting_face:

    Und git halt au na anderi Faktore; die einte würded vielleicht cho aber chönd gnau a dem Datum ned, für die andere isches vielleicht z Wiit weg (mer chömed ja scho ziemlich us dä ganze Schwiiz), anderi gönd lieber nur go Töff fahre und chönd mit Grill n' Chill gar nüt afange.. Weiss halt au ned a was das Desinteresse liet!

    Ich würd mal en Kalender Itrag mit Ameldefunktion mache und wenn sich bis ei Wuche vorher ned meh als die 5-6 Lüüt wo bis jetzt sind agmeldet händ das ganze abblase..

    Mache mer a dem Tag gschieder en Tagestour z 5te und ihr spared eu dä organisatorischi Ufwand :smiling_face:

  • Ganz viele (dumme?) Anfängerfragen !! :O

    Salut,

    öhm grad e chlie Frage.. Ich schrieb eifach mal was ich zu dä einzelne Pünkt denke :smiling_face:

    1. Das checki ned so ganz.. Also normal fahrsch ja anen Ample ane, schaltisch abe, lahsch usrolle und am Schluss bremsisch ufe Punkt..
    Chasch eigentlich mit dä Vorderbrems mache, denn hebsch s linke Bei an Bode, lahsch dä Töff ganz liecht uf die link Siite so das sichere Stand häsch und mitem rechte Bei bisch uf dä Hinterbrems damit ned füre- oder hindere rollsch falls dä Bode ned grad isch!

    2. Vollbrems lehrsch im Kurs wo ja eh muesch mache damit sich dä Lehrfahruswiis verlängeret. Zerscht üebeders mit 20km/h, denn mit 30, 40 usw.. Glaub a dä Prüefig muesch denn mit 50, aber mir händ im Kurs bis 80km/h güebt.
    Ohni ABS isch d Vollbrems scho ned so ganz ohni, aber das wachsisch dri mit dä Ziit.. Ich han kei ABS und bi minere Töffprüefig häts i Ströme pisst und es isch au irgendwie gange! Au wenns mer scho ned so ganz geheuer gsie isch :smiling_face: Wichtig isch eifach das denn gradus luegsch bi dä Vollbrems und ned an Bode abe ufs Rad, das bemängleds sehr hüüfig

    3. Rege isch scho ned so toll, ich bin eigentlich en Schönwetterfahrer, aber mängisch verwütschts die halt glich! Ich fahre bi Rege düütlich langsamer id Kurve.. Je nach Reife würded die zwar theoretisch uf Asphalt sicher hebe, aber han da chlie bammel :upside_down_face: Und wie du seisch, Gussdeckel i dä Strass, Bitume, Fussgängerstreife etc wenn möglich umfahre und susch grad drüber.. Und wenns mal i dä Kurve sowas hät ned grad s Gas ufrisse :winking_face:

    4. Wind gwöhnsch die mit dä Ziit voll dra, muesch denn halt immer chlie korrigiere oder gegehebe, aber das isch mit dä Ziit echt keis Problem meh usser es sind jetzt grad Orkanböe wo vo dä Siite chömed, aber denn fahrsch normal au ned Töff :grinning_squinting_face:

    5. Wie obe gschriebe machsch ja dä Grundkurs.. Dete lernsch scho so einiges! Ich han nachem Grundkurs na 3 Fahrstunde gnoh, aber eigentlich nur damiti chlie s Gfühl bechume wies isch wenn öpper hinnedruff hockt. Ich han i minere nöchi Umgebig gar niemmert gha wo bi mir als Sozius hät chönne druffhocke drum hani das mitm Fahrlehrer chlie güebt.
    Und es paar Fahrstunde sind au empfehlenswert damit der dä Fahrlehrer chlie chan zeige wo d Experte a dä Prüefig durefahred und der dete chlie zeigt uf was das muesch luege! Zumindescht bi eus in Zug wüssed d Fahrlehrer ziemlich gnau was so dä Experte ihri favourisierte Streckene sind :winking_face:
    Fahrstunde sind sicher ned schlecht, aber bim Töff keis "muss" und übertriebe würdis ned usser fühlsch dich extrem unsicher vor dä Prüefig! Selber üebe bringt sehr viel :smiling_face:

    6. Ich han bis zu dä Prüefig nur dä Fahrlehrer 3x hinne druff gha als Sozius und das hät a dä Prüefig guet klappt. Siti d Prüefig han hockt mini Fründin sehr oft hinnedruff, die erschte zwei Usfahrte sind chlie gwöhnigsbedürftig gsie, aber jetzt nach nem guete Monat merki sie scho fascht nümme :face_with_tongue:

    7. Ich bin mega viel gfahre bis zu dä Prüefig.. Han dä Lehrfahruswiis letscht Jahr im April überchoh, bin denn dä ganz Summer dure bis Afangs Dezember gfahre, Töff bis im Februar id Garage gstellt und nachher vom Februar bis Afangs Juni woni d Prüefig gmacht han! Denke sind über 10'000km gsie. Wobi i sicher au scho frühner ad Prüefig hätti chönne, ich hans nur eifach chlie versifft :grinning_squinting_face:


    Das isch so das wo ich denke zu dine Frage, vielleicht gsehts anderi ja andersch :grinning_face_with_smiling_eyes: