Beiträge von Bandit

  • Welches Motorrad soll ich kaufen?

    Du beziehsch dich sicher ufem Michel sin Post i dem Thread
    Welches Motorrad würdet ihr empfehlen?

    Sicher isch das es Argument, aber für mich wärs wichtiger das ich nach 2 Jahr min Töff chunnt ufmache und ned denn scho wieder müsst en neue chaufe! Aber das muss jede selber wüsse. Das eine wo ohni drossle nur 25kw hät sicher besser abgstimmt isch stimmt wohl, aber ebe, däfür muesch nach 2 Jahr wieder verchaufe und neu chaufe :smiling_face:

    Und ja wenn der d Nakeds ned gfalled (was ich persönlich überhaupt ned chan verstah ^^) den muesch wohl en Sportler chaufe, will schlussendlich möcht mer ja mit nem Töff fahre wo eim gfallt!


    Freu mich denn scho ufe Thread nächscht Saison "Wie söll ich mitem Supersportler nur jemals dä Parcours a dä Töffprüefig schaffe" :thumbup:

  • Welches Motorrad soll ich kaufen?

    Sali Hoi, :welcome: bi eus im Forum!

    Die Frag hämer allei i dere Saison scho öppe 3x gha, würd mal d Fore-Such Funktion benütze :winking_face:


    Minere Meining na wär en drossleti 600er - 750er guet, optimalerwies es Nakedbike... Aber ebe, die Frag hämer scho paarmal gha, eifach chlie dur s Forum läse denn findsch sicher was :thumbup:

  • Knieschleifer

    Sie haben einige Artikel im Onlineshop die ich mehrmals im Laden sehen wollte um sie anzuprobieren und als ich danach fragte hiess es immer Sorry die sind im Moment ausverkauft.
    Würd mal direkt im Onlineshop suchen!
    Ich hab die Alpinestars Stiefel dann Online bestellt, dummerweise haben sie beim ersten mal ned gepasst und ich musste sie gebührenpflichtig zurück schicken und eine Nummer grösser bestellen.

    Also soooo Fan bin ich auch ned vom Polo!

  • EU-Norm ist Schuld an Töffunfällen

    Ich find zwei Sache na interessant..

    S Erschte isch das d Schwiiz mitunter in Europa wohl die strengschte Gschwindigkeitsvorschrifte hät und die au mit drakonische Strafe (wenn mer zB mit Deutschland verglicht) duresetzt. Uf dä andere Siit chan sich wie obe gschriebe en 25jährige wo na nie uf nem motorisierte Zweirad gsässe isch en Lehrfahruswiis bstelle, sich en 180PS Maschine chaufe und denn ohni jemals en Kurs bsuecht z ha uf d Strass go fahre :astonished_face:
    Sicher musser irgendwenn denn mal die Kürs mache, aber uf d Strass go fahre chaner mit Null Erfahrig und das isch das wo ich ned so ganz verstahne und au ned unbedingt guet finde. Ich findes guet das mer ab 25i chan offe fahre, aber ich meinti es wär ned schlecht wenn mers so würd regle das mer zumindescht die obligatorische Kürs muss belege bevor mer sich ohni Begleitung chan in Strasseverkehr begäh.
    Wobi mer muss säge für dases so isch wies isch gits ja doch relativ "wenig" Umfäll, es isch ja ned so das sich all 2 Wuche en Neulenker mit sim übermotorisierte Töff is Nirvana beförderet...

    Und s Zweite woni au Interessant finde isch wie sich d Medie uf d Töffunfäll stürzed..
    Min Chef isch en ziemliche Anti-Töff fahrer, er findet das unsinnig und sehr gefährlich. Aber uf dä andere Siite isch er en begeischterete Hobby-Wanderer und Skifahrer..
    Woni am Mäntig Morge mitm Auto go schaffe bin hani Radio glosed, und dete isch grad i dä Nachrichte d Meldig cho das em Wucheend glaub 4 Töfffahrer tödlich verunfallt sind, die gnaue Unfallort sind ufzählt worde usw. Die nächscht Meldig isch denn aber gsie das am gliche Wucheend 5 Berggänger gstorbe sind, dete hät mer aber ned gross usgholt wie und wo dases ums Läbe cho sind!
    Han den mit mitm Chef über das diskutiert und es isch halt scho so, bim Töfffahre isch oftmals nedmal unbedingt dä Töfffahrer selber schuld sondern er wird vo andere Verkehrsteilnehmer abgschosse. Wenn aber irgendwelchi Hobby Berggänger is Hochgebirge gönd, ned richtig usgrüschtet sind (Turnschuh), sich ned übers Wetter oder dä Schwierigkeitsgrad vo dä Route informiered sind ganz klar sie selber Schuld.
    Es git ned viel Szenarios wo mir in Sinn chömed wo en Bergstieger ned selber a sim Tod schuld isch. Au Lawine im Winter werded meischtens vo dä Skifahrer selber usglöst wills halt ned uf dä markierte Pischte fahred.

    Uf was ich use wott.. Dur s Bild wo dä "nicht-töffahrende" Bevölkerig vo dä Medie vermittlet wird denked all Töff säg so mega gefährlich und es sterbed dauernd Mensche, ich meinti aber gläse z ha das glaub im letschte Jahr meh Mensche bi so öppis "gesellschaftlich anerkannten" wie Bergstiege ums Lebe cho sind alls bim Töff fahre. Aber da redet irgendwo niemmert gross drüber und es würd irgendwie au niemmertem in Sinn cho mal Gsetzt z erlah wie mer sich i dä Berge sött verhalte und wie mer sött usgrüschtet sie.
    Irgendwie hät das chlie was mit dä Diskusion über dä Alk und s Kiffe. Das wo d Mehrheit (und vorallem die älter Bevölkerigsschicht) macht isch ok, und was die andere mached isch des Teufels und mega gefährlich! :winking_face:

    Naja jetzt bini vielleicht chlie vom Thema abgschweift, aber woni die Posts gläse han isch mer ebe d Diskusion mit mitm Chef in Sinn cho :smiling_face:

  • Ich sag dann mal Tschüss

    Hey Marc,

    en truurige Tag fürs Forum :loudly_crying_face:

    Du bisch wie sonen guete Huusgeischt gsie! Nie im Vordergrund, häsch dich au nie am alltägliche gelabere und "blödsinn" beteiliget (zumindescht ned sit ich mitdäbi bin), aber mer hät gwüsst du bisch da und wenn mer en ernschthafti Frag wo know how erforderet ghä hät, hät mer sich chönne sicher sie es chunnt en usführlichi und fachlich iwandfrei Antwort vo dir.. Das han ich (und ich denke all im Forum) mega gschätzt und das wird em Forum uf jedefall fehle!

    Sicher gits au anderi Lüüt wo uf bestimmte Gebiet au guet druus chömed, aber ich denke es komplett Paket wie dich gits keis zweits mal bi eus - ned umesusch bisch du dä "Specialist" gsie! :winking_face:

    Wünsche dir alles gueti uf dim wiitere Lebenswäg und vielleicht findsch ja irgendwenn mal wieder Ziit / Geld / Luscht zum Töfffahre und wenns sowit isch heisse mer dich wieder herzlich willkomme bi eus!
    Und susch findet ja vielleicht dini Jungs irgendwenn mal dä Weg is Töff Forum wenn bi ihne s fahre aktuell wird :grinning_squinting_face:

    Gruss,
    Felix

  • Mondscheintour zum Sonnenaufgang (09.09.2012)

    Das fahred ihr nie im Lebe i eim Tag, das sind mit Afahrt us Züri öppe 800km.. Und das nachdem er am 02.00 ufgstande sind i dä Nacht. Das isch scho fascht grobfahrlässig :astonished_face:

    Ich würd mer scho dä Gaviapass guet überlege (dä isch echt ned ohne) wenni die halb Nacht wach wär, müed und ned würklich voll konzentriert... :face_with_open_mouth:

  • Derbi Gpr 50

    :welcome: bi eus im Forum!

    Minere Fründin ihre Brüeder hät so nes Ding und gaht mit dem go schaffe, id Berufsschuel und au susch so ziemlich überall hi... Also definitv füre Alltag :winking_face:

    Was verstahsch du unter längere Strecki? :confused_face: Bin au mal es paar Meter gfahre dämit, chan mer ned vorstelle das mer mit dem chan länger fahre.. Hät ja kei Pfupf nüt, dementsprechend machts ned würklich Spass und was kei Spass macht fahrt mer au ned meh als nötig :grinning_squinting_face:

    Ich würds alls Alltagsgerät aluege.