Beiträge von Nemi

Fahrstund Nr. hani jez hinder mir... und....

Min Fahrlehrer isch usem auto gstige und hätmr d'hand gschüttlät bim gratuliere Er seg mega STOLZ uf mich, heg das also super gmacht, hetter jez nie im Läbe dänkt
Huuu, und sowas vomene Mänsch, wo nöd mit Lob um sich wirft, hätmi also au grad chli ufgmunteret Er hät gmeint, seg jez also bereit für dä Grundkurs!!! Söll vo jez ah mitere go schaffä, dasi nachli cha üebe, aber dä bini würkli bereit, am 10. Sept chani cho

Huiii...bii mega happy Au ischer hüt mega ahständig zumr gsi. hät au am ahfang gseit, daser mirs früehzitig seit, wänni muss abbüge, nöd dass's wider än abstächer is Fäld use git...ha s'gfühl er häts ihgseh, daser da würkli chli vill erlaubt hät. Aber er hätmr mis Garage-Toor göölet, da isch das schnäll verzeit gsi hihi

Hüt ischer im auto hinder mir härgfahre, ich mitem funk im ohr. Isch ahgnähmr gsi so, au willer hüt mal vill entspannter gsi isch, hät guet ta.
Sind s'Tösstal durab und dänn zur Kyburg ue. Hammer gsi, gnau wo d'Sunne undergange isch und dänn dete wider durab und über Wildberg dänn hei.

D'Kurve bide Kyburg sind eigetli guet gange ussert eini isch huere äng gsi und dä chunnt grad na äs auto obe abe... hani grad chli än schreckmomänt gha..isch aber sinnlos gsi, da ich schön ide spur gsi bi

Fazit also: Super stund gsi, mal än ahgnähme fahrlehrer, wo eim sogar mal lobt richtige ufsteller vom Abig isch die stund gsi! Und freumi drüber, dases mit minere Lady immer besser gaht, isch ä super sweets Meitli, wür sie am liebschte mit übere näh, wänni d'Route 66 gah go abfahre :love:

Ich säge nur eis: Namal danke a dini Eltere, dass's dich git Wipeout! Ich schlüss mich dir nur ah. Ha au niemert welle beleidige.

Aber ich ha mis Bike weder uf youtube na susch irgendwo gseh...hami bis 17ni gar nöd däfür intressiert, aber dänn sone Rebel am Bahnhof stah gseh und eifach nöd chönne dra verbii laufe...det is also bi mir passiert. Bi dänn sicher eimal ide wuche ä station früener usgstige, dasi si eifach chli ha chönne go ahluege Ja, dete is losgange und für mich isch eifach klar gsi, so eini oder keini. Für mich isch än Ränntöff vo dämm här gar nie i frag cho...

aber ebe, ich säg jez nütme däzue, nöd dass sich wider öpert verletzt fühlt...und susch münders halt säge, wänni is chopperforum söll wächslä...isch amigs nöd eifach imfall, wänn da all sone rännmaschine händ und ich anschinend di einzig miteme chopperli bin

Und mini Lady hät au ä seel! Rede immer mitere währedem fahre und sägere hoi und tschau und ha di lieb, wänni sie id Garage stelle oder usenimme oder dass sie sich hüt bitte chli benäh söll chunnt ä kurvä, sägi ihre "Langsam Pfupfi, da gahts dä durab " oder dänn streichli si, wänn sie wider mal hät müsse im 2. oder 3. Gang mitmr hät müsse ahfahre :pinch:
Söttmr jez peinlich si, aber falltmr irgendwie nöd schwär däzue z'stah, dass sie für mich vill meh als än töff isch :love:

Ha ja gar nüt gäg SIN Töff gseit, mensch-.-

hami eifach über di ander ufgregt, dass sie mi ah sones wüeschts ding (und s'isch würkli wüescht gsi! sorry!-.-) hät welle verwiisä bzw. ebe so über mini Rebel herzoge isch-.-

und ich ha nüt gäg ALL ränntöff..git durchus sonig, wo au mir na gfalle würed!-.- d'Ninja isch da imfall au däbi!-.- wäg dämm musser glich nöd grad so hine füre cho-.-

Bin au dä meinig, dass jede doch däff fahre wasr wott, aber ebe, wänns sonen Konkurränzkampf git, mussi säge, das isch Chindegarte!-.- Und ha würkli nüt gäg sin Töff gseit-.-

entschuldigung ad Forumsreglä und wänn ich öpert kränkt ha-.- omg-.-

Zitat von Ninja83

Also egal welle Töff fu mit Gschwür meinsch, aber hesch nöd grad im erschte Bietrag öppis verzellt du würd anderi Töff nöd so in Dreck zieh und hegsch es nöd gern wemme dich so aficked???? Aber genau das masch grad...ich fahr en Supersportler :love: und chume selbscht mit de Z750 nöd klar, will mich ded de Wind stressed aber easy...also schön ruhig mit de junge Rössli

Wow...hängs! -.-  
Ja, däff mich doch wohl wehrä, wänn mir öpert chunnt mis Meitli go färtig mache!!-.- Du würsch dich wohl au wehre für din töff, wänn eifach eine zlaufe chunnt und seit, seg än scheiss wott da häsch, oder!!!??? Und ja, muss mir na öppe ahlosä, dass d'chopper bzw. mini Rebel än scheisse seged, dä däffi wohl au zum usdruck bringe, dass mir d'ränntöff nöd gfalled!-.- Hei namal, kän grund zum grad d'schrube z'mache...Mensch-.- Und wänns di störrt, dass ich na ä eigni meinig ha, musch nöd uf min Blog cho, go umestänkärä!-.- Mingia-.-

Zitat von Easy lid Wipeout

Pff.

Nachbar isch mit sim Töff und emene gfühlte Wändechreis vo 200 Meter au dur d' Prüefig cho.

Wobi de Chreis, s Achti und versetzte Slalom unmöglich gsi isch.

Solang du din Länker sichbar ganz ischlasch, chumsch au dure. Da gits kei Diskussion.

De Prüefer will eifach gseh das du dich bemüesch, wenn er also gseht das du d' Lenkig igschlage hesch, aber es TECHNISCH nöd möglich isch, denn bestasch trotzdem. Au wenn du de Chreis/s'Achti und s' Slalom ned packsch.

Usserdem chammer Supersportler für d' Prüefig i d' Tonne kicke.. Zumindescht als Afänger.
Supersportler sind i minere Auge die komplizierteschte Töff, und dementsprechend au nur für lüüt mit viel Praxis/können geignet.
Jedefalls i minere Auge

Obwohl ich wahrschinli au uf dich zuegluffe wär..
Aber im stil vo "Dürft ich es Fötelisch schüsse?" "Dörf ich de dräck vom Reife knutsche?" "Dörf ich mal drufsitze?"

Ich weiss zwar ned wieso, aber Fraue uf Supersportler isch für mich extrem ungewohnt.
Ufene schwarze Rebel en Frau mit schwarze haar... :love:

...Ich glaub ich muess minere Schwöschter au eini chaufe

Alles anzeigen

Hey Wipeout

Joa, also ich nimms relativ glasse...ebe ich lueg mal, wis am grundkurs gaht...und dänke, wänni die wahr dänn gnueg üebe, wird das scho klappe und susch, mieti halt rasch sones hässlichs Gschwüür...dänke aber, dasi dänn ersch rächt dureghei, wili mi nöd mitem töff undem gedanke cha ahfründe, dasi jez da sones wüeschts dings underem Füdli ha Ha das scho mängisch ghört, dass'd än töff, wo dir nöd gfallt au nöd chasch fahre, will sich eifach dis unterbewusstsi so dägäge wehrt...chani mr also guet vorstelle Und ich ha na bis im nöchschte Novämber ziit...also chani na paarmal go üebe, vo dämm här. Und mini Pfupfi weiss, wänns druffah chunnt, mir sind äs guets Team! :love:

Oach äntlich mal öpert, wo mich verstaht, dassmr ä Honda Rebel muess ahbättä, verehre und achte und eifach nur cha liebe! Danke a dini eltere, dass's dich git!

Naja, isch zwar ä blaui Rebel, aber gfalltmr mega so...isch eh scho alles schwarz ah mir, da git das än super kontrascht! :love: Und sie hät ä mega schöns blau, passt super! :love: chönntere nie ä Umlackierig ahtue ;( Da würed sich grad nurna halb so vill anderi Töfffahrer nachere umtraie und das wottere also sicher nöd ahtue! :love: Sie sticht also härvor, das findi mega edel...musch sie eifach än momänt ahluege, wänn sie irgendwo staht und sogar ich hami na lang nöd satt annere gseh! :love: Jedes mal wänni s'Garagetor ufmach und sie dete staht, stocktmr immer rasch dä atem, eifach ä wunderschöns Meitli :love: Und ich dänke dänn nur immer "MEINS!!! " Ha sie gnueg lang gsuecht und fasch verzwiiflät, will's chum ä occasion ume gha hät ;( Aber jez is sie daaaa!!! Bi mir!!! ha, bi so happy! und verliebt :love:

glg

Zitat von sniffler

Vielen Dank für die herzliche Begrüssung.
Meine Baustelle soll in diese Richtung gehen.
[Blockierte Grafik: http://4.bp.blogspot.com/_4fIuOHxJhQw/Sp4vn06YTJI/AAAAAAAAAHg/tA8yOh1Z7u8/s1600/DSC009881.jpg]

:love: Edel!

Musch sie dä aber diebstahl sichere! Such chönnt da eini na uf dummi gedanke cho

Hübschs Ding :thumbup: Vill spass dämit

glg

Zitat von Hyura

@ Nemi Ech ha dini Biiträg do ez länger nömme gläse aber wie gsehts jetz us? hesch dini erste Kilometer scho gmacht ond wie eschs gange?

Heyyy Hyura Gseht mr dich au wider mal!
danke gseht immer besser us. Ja s'chunnt langsam glaub würkli...stirbtmr äml scho nümm so vill ab und s'Beschlüünige bzw. mini Angscht machedmr langsam au kei problem meh Ja, di erschte 150 Km hani jez scho hinder mir und bi je länger je meh begeischtärät vo minere chline Pfupfi Händ amigs schona meinigsverschideheite, aber die entstönd meischtens wäg Ahfänger-fähler vo mir Aber sie verzeit mr die grosszügig ussert wännsere ab und zue wider mal dä deckel lupft, aber chunnt au immer weniger vor Hüt bini au 3 Stund underwägs gsi. Zersch uf Rüti uegfahre und wider zrugg und dänn nachli ufdä Platz go üebe ahfahre und schnäller schalte und brämse mit dä Vorderbräms Härrlich gsi :love:

Und bi dir lauft au?

glg Nemi

Hihi, di ganz nacht häst dunneret und gschiffed, was's hät welle und hüt morge 10.30 d'strasse troche und d'rotliechter händ sich ih luft ufglöst Ha glaub nanie sones Glück uf eimal gha i mim läbe!

Gyrebadchrüzig isch dasmal besser gange (nix abgstorbe)...bis uf wila au ok und dänn dete umdä rank und dete staht än traktor, sinds am Papier ufsammlä :pinch: phaha...ich im 5gang (glaub) riiss än stop, d'kollone löst sich ganu dänn wider uf, traktor fahrt wäg, Nemi blibt stah s'Altbekannte spiili wider losgange, Töff ahlah, 1. Gang go sueche und wider schier verzwiiflät däbi isch aber dä gange
Witer dur bauma dure, wo all ohni luege eifach überd strass ränned...schöni Bräms und Schaltüebig gsi :pinch: Und schliesslich heil bidä Honda Garage z'Bauma ahcho! Hei bin ich stolz gsi

s'Rückliecht wi vo geischterhand plötzli wider gange, ich dumm dete gstande :pinch: Mech hät d'brämschlütz usgwächslät, isch go probefahre und wo ich wott gah: Brämsliecht gaht wider nöd! HA!! Has doch gseit!! Mech nimmt sie namal id wärchstatt ie und märkt, dass das ganze am zündschloss liiht :pinch: Söttmr mal uswächslä...hät irgend än Wackelkontakt :pinch: Aber er häts chönne behebe, vorübergehend zumindescht :pinch: Naja, machi dänn im Früelig...für das Jahr hani gnueg Gäld in Töff gsteckt

Und dänn isch na eini go Striit sueche cho, woni uf mini Lady gwartet ha vordä Garage Mingia..gwüssi lüt hettet eifach sölle verhüetet wärdä :thumbdown: "Was isch das füren Töff???" "ä Honda Rebel 250er :love: " "Ahaa, und mit däre wotsch ad Prüefig??" "Mit was susch?" "Tue dr än Ränntöff zue, ha dazumal au ä Rebel gha, isch än seich mit däne!! Überhaupt nöd wändig, chasch nöd bruuche!" "Tja, ha z'churzi bei füren Ränntöff und ha au nanie eine welle! -.-" "Ja aber mit dim chunnsch nie durd Prüefig!" "Bitte???" "Nei, das chasch vergässe! Musch sonen liechtä näh, wi dä da äne!" Boa mann, wi chamr so fräch si?? Gah also au nöd eifach dä Töff vo öperem anderem go färtig mache! Chamrem ja grad so guet "Arschloch" is gsicht säge...hei, als wär s'ganze än huere Konkurränz-Kampf! Däff doch wohl fahre was ich wott und was mir gfallt X(
Naja ha sie stahglah und bi zum Mech id Wärchstatt go zueluege. Mussmr wohl nöd überall und immer ahlosä, was ah mim Töff nöd guet isch!!! :cursing: Und falls sich dänn bim Grundkurs würkli wür usestelle, dass bögli und 8i fahre schwär isch mitere, chani dä wohl immerna luege...aber git villicht au lüt, wo das miteme chopper härebringed!

So, gnueg ufgregt, hauptsach mis meitli fahrt wider. Heiwäg isch au guet gange, aber isch dä go rägne cho...isch aber nöd so schlimm gsi Abgstorbe is sie mr dasmal au nöd

Gaht also immer chli besser und bechume immer meh freud ah minere ober geile schöne und beschte Honda Rebel, än Chopper!!! Ja genau!! Und stolz druff!! :love:

Salüüüü Wemmsi und bi eus!!!
Vill spass da ine!

glg, Nemi

bi eus!!! Und vill spass

Also dini Baustell gfalltmr fasch am Beschtä! Ganz min Gschmack! Aber dini andere 2 sind au schön.

glg Nemi

*Räusper* Muss morn zu mim Mech uf Bauma
di vordere Brämschlötz wärded langsam gföhrlich, s'hinderliecht hät dä geischt ufgäh und min Ersatzschlüssel sötti aumal go holä :pinch:

Ich ha zwei Problem, womr morn wärded s'läbe schwär mache

1. In Turbethal tüents d'Strasse erneuerä, also hät äs paar Rotliechter umestah...ha ghofft sie wärded bis hüt abig färtig, isch aber nüt gsi

und 2. Sött Rägne morn.... :love: 8| Ich weiss nur, dassmr bi räge umbedingt ade Strassebemalig sött uswiche...me aber eigetli nöd :pinch: Naja, ussert villicht, dass morn wider eini mit 30kmh wird underwägs si und dä Töff wird um d'Kurve ume schiebe... Mis Meitli hät na neui Finke druff, wo dä mech gseit hät, söll ufpasse, die rutsched na gärn, wänns neu sind...also isch mis Stäberisiko morn generell schomal erhöht...und mit nasser fahrbahn na däzue? Mis Toodesurteil?? :pinch:

Also: Wie überläbi das morn, wänns tatsächli abeläärt, wänni muess gah am halbi 11i? 8| Villicht hät ja wär paar survival Tipps für nassi Fahrbahne

Ou mann...das git wider ä schlaflosi nacht :pinch:

Zitat von ivan

Probier mal während em zuefahrä uf e Chrüzig abeschaltä, denn bremsets vo ellei. Sparsch dezue no Bremsbeläg und -schiebe.

Eifach nöd z fescht abeschaltä, immer Gang für Gang. Wennder dänn sicher bisch, chasch au zwei Gäng abeschaltä.

Wenn e so uf e Chrüzig/Chreisel/Ample zuerollsch, bisch immer im ideale Gang und chasch gad wieder losfahrä wenns möglich isch.

Uf dä Autobahn chasch denn au hervorragend mitem Luftwiderstand brämse, mach ich immer so. Wenns vo 120 uf 100 und denn uf 80 gaht, eifach grad häresitze, Bei abwinkle und mer brämset hervorragend ab.

P.S.: Wohne im Moment ziemli nöch bi Dir, in Wald ZH. In Wald isch übrigens das Weekend au Chilbi.

Viel Spass
Ivan

Alles anzeigen

Ja das mitem Gang für Gang abeschalte und däbi Kupplig immer zwüsched ine wider chli loslah, gaht bi mir auna mega stotternd.. bzw. dä wäg bis zum ahhalte isch däfür immer z'churz bi mir dä chunnts meischtens so use, dasi na irgend im 2. Gang bi oder gar kän plan ha, ih wellem gang dasi jez bi und dänn die ziit wonni still stah grad wider z'churz isch, dä neutrali zsueche... :pinch: ode dänn bini im 1. und wott dä hebel immerna abetrucke, däbi chönntien dä eifach siilah
Am beschtä wär, ich wür immer im 1. gang fahre, dä gäbts glaub nurna halb so vill hässigi lüt i minere nöchi aber ich weiss, dä chönntimr au grad so guet äs töffli zuetue :pinch: Aber äs chunnt alles langsam...hoffi

Ja ha was gseh vom Zügli us...sind am ufstelle gsi Tutschi-Bahn!!! :love: Mussmr wider mal äs Schlüüdertrauma go holä!!

wott das trotzdämm mal gseh ha

Zitat von Young Speedy

Solange ihr über das ganze Haar nicht die Passform vergesst... Ich denke nämlich nicht, dass Haare ähnlich gute Dämpfungseigenschaften besitzen wie Styropor

Pssssssst!!! Lah eus jetzt die Freud!