Beiträge von Nemi

die sind ja nöd ganz bachä 8| haha sowas wärmr jez nie in sinn cho, dass das wär chönnt baue...

hettets ja gra so guet ä Sälbschtschuss-Ahlag chöne annestelle

Naja, ich "freumi" ufdi erschte bilder, wänn sich dä 1. dete ufgspiesst hät... :pinch:

Pufpi hät bis am 4tel ab 6si brav vordä tüüre uf mich gwartet...scho dänkt, ich müss dä zug näh, wills si ahgschisse hät, aber nei, die Honda Rebels sind so treui Wesä :love: Und klaut is si mr au nöd wordä..hamr scho sorge gmacht :pinch:

Also hani sie wider gsattlät und das verdammte Chiiswägli abemanövriert haha sind mir wider dumm ahglueget wordä :whistling: :pinch: dä hät sis also grad chli welle wüsse, aber dä parkplatz unedra isch zum glück scho läär gsi, hani si also gah lah

Heiwäg isch sowit guet gange und abstärbe tuet si mr jez definitiv nümm :love: ich ha sie zähmt! oder mini kuppligs-phobie überwundä :whistling: hihi und sie isch so härzig im 1. und im 2. Gang: Miiiiiiiiiiiiiiiiiiiiiiiiiiiiiiiiiiiiip und bim schalte hät sie immer än so än langsame momänt, bis dä nöchscht gang dine isch, dass hinedra wider all umespinnäd aber ich schaffe dra, mis schalte zverschnällere :pinch:

Und mini Kurve und Blicktechnik laht auna sehr z'wünsche übrig :pinch: zweimal fasch gradus gfahre... eimal hani amene Challenger müsse nahäuge und bim andere mal hani gmeint, bis zudä kurve ane gächs doch na viiiiiil länger und PÄNG isch sie scho da gsi... :pinch: und bim dritte mal hetti däne hübsche Chuäli und d'rössli, wos da zu hauf im Tösstal hät, nöd sölle bim weidä zueluege... :pinch:
Und irgendwie hangtmr dä verrägneti sunntig na nache...hami fasch nöd traut id kurve zligge oder schowider gmeint, woni än zebrastreife verwütscht ha, jez rüerts mi :pinch:

Aber im grosse und ganze bini doch zfride

und am Bahnübergang in Saland häts wägem Tschutschu namal än längere stop gäh...ich wächslä in neutrale und lah sie laufä... (jaja mussmr abgwöhne, sie abzstelle)..da schmöckts ufeimal huere verschmörzälät ich so "scheisse, was isch jez los"...hihi häts ufm motor sones Beeri vom Baum, wo vorem gschäft staht, gha das wär glaub meh als gedünschtet gsi...hät sogar fäde zoge, wonis wäggschupft ha Mein Pfupfi ist auch ein Grill

Zitat von Easy lid Wipeout

Hey Nemi, wie wär es mit ufe fahre, statt stosse?

Hey Chätzli, wott ja mal gseh, wie du det uefahrsch und um dir scharfi rächtskurve ume zum veloständer ane, dä chasch wider go schnurlä cho...krauli di villicht sogar als belohnig im Nacke und gibdr äs schäleli milch

Zitat von EffJottEric

Han da en tolle Vorschlag schiebsch mal mini FJ mit ihrne 260 kg das Chiiswägli ufe, dänn sind die 150 kilööli vom Pfupfi nüd meh
Schön z'gseh, das so richtig Freud häsch :thumbup: und in Sache Händsche: WAS HAN ICH DIR G'SAIT???? Richtige Händsche söllsch näh
Sind nöd in California mit 40 Grad im Schatte......tztztz die Fraue wänd eifach nöd zuelose, wänn en alte Haas öpis sait..... :whistling:
Grues Eric

lalalaaaa...ich weiss, mini Pfupfi isch ä schlanks Flüügegwicht, trotzdämm hät sie mis härz schwär eroberet :love: wott das verhältnis trotzdämm mal gseh, ob du dini na det uebracht hettisch mit dinere manneschraft drumm... pssst

Was, mini händsche sind super wür susch nütme a taschtsinn ha, wänni so dicki boxhändsche ahhett...wott doch mis Pfupfi na gspüüre, wänni sie ahlang :love: aber ja, sind scho eher Summerhändschä... :pinch: Ma gucke, villicht tueni mr dä doch nachli was gfüetereters zue, fallsmi im Winter aumal juckt zum ä rundi go traie

und ich lose immer uf dich, eric...setztes villicht eifach chli andersch um

glg

Zitat von ivan

Das mitem Singe ufem Töff känni, machi au immer gärn

Isch suscht so monoton uf dä Autobahn

Und vo wäge Händsche: Jetzt chaschder mal vorstelle wie ich jede Tag uf dä Autobahn liidä ohni Händsche
Vorallem Gester wos grägnet hett - schmääääärrrzeeeeeeee X(

Wenn in Rüti schaffsch sinnmer ja fascht Nachbere, bin im Moment in Wald

Gruess
Ivan

Alles anzeigen

Hihi isch würkli luschtig...vorallem ghört di eh niemert, was bi mim Chatzegejammere na guet isch bzw. wännd zwar gärn singsch s'aber überhaupt nöd im griff häsch

Ohni händschä? 8| auaaa :pinch: da chadi aber nöd würkli bemitleide

Hehe, ja, weiss wo du diheime bisch und usgangs Wald immer die huere mörderkurve ah dämm steile hang :pinch: ich sägere jez Ivan-Kurvä

glg

Sodäli...hüt morgä hämrs welle wüsse Pfupfi und ich sind zu grosse Tate ufbroche und mitenand zur Arbet gfahre...oder sowas ähnlichs

morgä am halbi 7ni schön all Nachbere gweckt und müsse feststelle, dass s'Ührli ah minere Pfupfi ä 4telstund hinedrii gaht... haha:D Also hämr eus umso motivierter under dä hektisch Bruefsverchehr gschmischlät Und schomal all Büezer, wo mit ihrne Garetteautos underwägs gsi sind, chli gnärvt, willmr ide 80er Zone nöd 100 gfahre sind...wiso händ die nur all sonen stress, zur arbet z'cho? Pfupfi und ich händ eus aber nöd lah stresse, im Gägeteil, händ dä Sunneufgang ahglueged und Highway to Hell gsungä (wämmr scho nöd sött Musig losä ) Muss aso säge, s'Pfupfi git än super DJ ab

Isch eigetli guet gange, nur sind mini Händ scho bald nümm z'gspüre gsi (die Läderhändschli sind glaub doch vonnere sehr dünne chueh..)

Vor Gibswil häts am bode ä Brämsspur gha...also zumindescht hani gmeint, seg eini gsi und ha sie also nöd gross beachtet und fahre drüberd ie...jez isch das aber sone tööfi brämsspur gsi, dassmr scho fasch spurrille hett müsse säge Pfupfi wider chli grutscht und ich mich schowider ah minere Beärdigung gseh :pinch: isch aber dänn doch nüt schlimmers passiert - eimal meh.

Ja und dänn z'Rüti bid Bude ahcho und welle s'Pfupfi s'chiiswägli duruf schiebe, dasi sie schön näbedem Veloständer cha platziere...

nur schieb mal 150kg zuerscht über än 8cm Randstei und nachher äs knapp 1m breits chiiswägli duruf Bi also schier verzwiiflät Sones Morgetraining hani au nanie gha...läck bobby Dänn äntli dobe ahcho, bschlüssi alles schön ab und wott is gschäft ie...Länkschlossschlüssel scho nümme ide hand gha ;( 8| Bini fasch namal gstorbe...wo isch jez dä huere schlüssel???? 8| namal alles abgsuecht und huiii zum glück gfunde, än Meter näbed dä Pfupfi im Chiis...uff ha scho min undergang gseh cho

Jaja und jez staht sie da und wartet uf mich :love: Gangere immerwider mal go zuewinke :love: Und ich machmr jez na 5 Stund drüber Gedanke/Sorge, wieni sie wider das Chiiswägli durabbringe :pinch: Hoffentli bringi das irgendwie häre...will s'Träge hani hüt morge scho nöd gschafft Bi ja gspanne... :pinch:

Aber all händ mega freud annere :love: sind all go fröge cho, ob das mini isch und dass sie uuu mega schön isch :love: hihi guet hani sie abbschlosse MEINS!! Aber has doch gwüsst, mini Pfupfi wird vode Mänschheit gliebt! :love:

Ich hoffe jez eifach, dasses hüt abig mit dämm dumme chiis wider gaht undi evt d'Chefin nacheme geeignete Plätzli cha fröge, wo mini Pfupfi däff uf mich warte. Ma gucke. Und dass dä Heiwäg chli entspannter wird :pinch:

Zitat von EffJottEric

Da Du ja schon einige Kilometer rumgefahren bist, denke ich nicht, dass es die Silikonschicht ist..... vielmehr werden die Reifen bei der gefahrenen Geschwindigkeit (!?) nicht richtig warm
Dieser leidigen Schicht entledigten sich meine Kumpels früher wie folgt (da hatte ja noch jedes Motorrad einen Hauptständer):
Aufbocken, Motor starten, 1. Gang einlegen und das Hinterrad drehen lassen.... nun Schleifpapier in die Hand und schön über den drehenden Reifen damit...... innert einer Minute ist der Mist weg :thumbup:
Am Vorderrad halt konventionell das Rad von Hand drehen, hierfür aber ist dieser ja auch viel schmäler.....
Gruss und toi toi toi..... wäre wirklich ein Buch wert, Deine Geschichten

Ja, so wirds gsi si...isch alles ihgfrorä gsi, so wie ich wi uf rohä Eier gfahre bi Hamr hüt wider richtig müsse müeh gäh, dasi kei angscht me muss ha, will alles wider troche isch...

Ne ich dänke, die schicht sött sicher scho wäg si...ha jez scho über 350km mitere gmacht mit dä neue Finkli... Aber din Tipp isch nöd schlächt, nur dass ich nur än Sitäständer ha Trotzdämm danke

Zitat von Ninja83

Das ist das Titelbilld zum Buch....Buchtitel: Never Give up Untertitel...mein Weg mit meiner Rebel...Copyright: by Nemi

hihi..ja ha dänkt, da zeiged sich all, wie's uf ihrne töff hocked...oder als chätzli, gäll Wipeout Also hani gfunde, stell jez au mal äs ahständigs Bild ie

Aber s'Pfupfi gseht vo vorne abartig dünn us...gseht hja fasch us, als bricht sie jede momänt under mir zämme ma gucke, obi glich na äs föteli vode Siite nimme, det gseht sie mächtig us

Dä Titel däffi jez aber scho nümme näh, will du jez d'Rächt anem häsch :pinch:

Zitat von Mädu

Jap,verschrocke bini...grad wider tätsch-wach gsi ja dänke dasi bi däne 30kmh dä töff na hett chönne uffange, ihdämm dasi eifach s'bei an bode gstellt hett Aber hoffe, has s'nöchschtmal chli besser im griff :whistling:

Zitat von Easy lid Wipeout

Jööö, d'Nemi het es neues Profilbild..
Jetzt wotti das Bild aber in Gross gseh!

Haha, du Chätzli muesch gar nüt säge!

Zitat von Mädu

kline tip, vorrusschauend fahre und rechtziitig dener teiler usm weg goh, wennd zspoht dra bisch eifach grad drüber fahre, dänn rutschs au nid. dänn wenn du versuachsch uszwiche, machschs eh falsch, isch dänn besser zum eifach drüber zfahre als ob nüd wär. dänn bis ma reagiert hät, isch ma scho dra verbi.

anderi frog, wia alt sind dänn dini reife??

Vorrusluege machi immer...aber gester isch ächt doof gsi, ha fasch nüt gseh, wills so abeglärt hät, Visier isch au immer halbe beschlage und voll räge gsi und ich hett würkli nur chönne uf gägefahrbahn uswiche, was i däre situation nöd gange isch

Mini reife sind neu..im Juli neu ufzoge worde, hine und vorne...cha guet si, dases ah dämm liit...dä mech hät au gseit, söll am ahfang vorsichtig si, bis d'silikonschicht wäg seg...

Zitat von Easy lid Wipeout

Jaja, Nakedbikes sind scho öppis tolles..

Appropos;
Min Töff het mir geschter sehr viel schmerze bereitet.

Han de Töff uf de Hauptständer gstellt und echli die gröschte Flecke wegputzt.

Denn wott ich en wieder zrugstelle und stoss in dafür echli füre demit er vom Hauptständer abechunt.

Ich Trottel han natürlich de Siiteständer au no dunne gha, und de het mim Fuess en blaumose verpasst

Alles anzeigen

hihi, ich chamrs bildlich vorstelle, wie'd umeghüpft bisch, dä eint fuess ide hand aber nei, wott jez nöd gemein si :love:

Zitat von Easy lid Wipeout

Es git zwei arte vo Töfffahrer, die wo es scho grüert het, und die wo es no wird rüere..

Machmr nöd na meh angscht, als dasi eh scho voreme Fall ha ;( Und vorallem machi mr meh sorge um mis pfupfi als um mich, wänn's än unfall git ;( wie chönnt ich mir ä Büüle ih ihrem Tank oder än verchratzte Uspuff je verzeihe? ;( Und glaube fasch nöd dassmr das vollständig wider flicke chönnt, ohni dass d'orginalteili erhalte bliibed ;( däff gar nöd dra dänke ;(

Ach was..... eifach en Azeig mache und fertig.
Das isch ja schliesslich Sachbeschädigung.
Und am beschte machsch auno en Azeig wäge Unfallflucht

Din Pfupfi wird dänn wieder gflickt, bzw. d' Chratzer besitigt, und glichzitig hesch du grad dini rache wenn d' Polizei au meint es sig "Unfallflucht".

Glaub mir, die wärdet niemeh amene Töff z'nöch cho

Ja, s'problem isch eifach, müsst dänn gäge unbekannt ahzeig mache, willi mis schatzi nöd gseh, wänni usm feischter luege bzw. eine wür dra ginggä, wännr zur tüür usgaht ;( und gäg unbekannt häsch eh meischtens verloore

Alles anzeigen

Zitat von Ninja83

Nemi: Ich liiiebe dini Biträg, du sötsch echt es Tagebuech schriebe und es Buech drus mache....was ich no viiiil meh als Kreisel hasse, sind bodewelle. Weg de Autobahn: ich bin s'erschte mal druf nach 2 Wuche woni 2'000 km ufem Töff vebracht han....het mi aber scho glich ahgurgt für die paar Mönet no e Vignette chaufe...chöntets wenigschtens % druf geh. hey und ich mein Rappi Hirzel usw. das isch es Hammer strecki für L fahrer...also huet ab für din Muet. Und geili Reaktion mit dem Kiess uf de Strass, en andere wär voll ufd Chlötz und den hets en würkli verrührt.....macht witer so ...und Easy, dieni Poests sind au de Hammer

Danke Ninja hehe, ja ich beschränke mich im momänt uf dä Blog...wär aber schona luschtig ä grössers Projekt über mini kuriose erfahrige z'starte ma gucke

Ja isch ä schöni Strecki, aber ha ächt amigs chli Bammel gha wäg dä verchehrsregelige und so...aber isch gange. bruche trotzdämm na mega vill üebig :pinch:

Det mitem Chiis bini huere verschrocke und ha würkli dänkt, mich hauts bi eifach froh isch nüt passiert

Fahrlehrer hät gmeint, ich söll afah mitem Töff go schaffe gah, seg ä gueti üebig...

Also hani dänkt, ich starte die wuche dämit und wott gester dä wäg namal abfahre... Hät zwar Wulche ume gha, aber hett jez nie dänkt, dass ich da inne Sinnfluet inechume

Zersch z'Pfupfi z'wila go tanke und dänn losgfahre...z'Bauma scho fasch bis uf d'Underhose nass gsi...Pupfi hät eigetli welle chehre...ich ja eigetli au :pinch: Hani mi aber gfrögt: Wie söllis dä susch jemals lärne im Räge zfahre, wänni immer grad hei ränn, wänns afaht tröpflä? :pinch: Also sind s'Pfupfi und ich dänn dr meinig gsi, dassmrs dureziehnd

Puhuuuu isch das än verdammte Hölleritt wordä :pinch: Bis uf Rüti is guet gange...dänn dete rasch in 1. Chreisel und grad wider richtig Turbethal kehrt... und dänn usgangs Rüti häts sonen behinderte Bode-Pfiil und zwar nöd eifach eine wo gradus zeigt, sondern so eine wo gradus und dänn na ahzeiged, damr au gäg links cha abbüge...brucht also di ganz strassehelfti Ich probier chli uszwiche, verwütsch aber doch na ca. 10cm mitem Hinderredli und schwuubs, das schlifärät uf d'site hei namal, hetti also nie dänkt, dass die dinger so brutal rutschig sind Naja zum glück is Pfupfi sone standhafti...händ eus also grad na chönne uffange, bevormr glandet sind När bini chum me schnäller als 50 gfahre...au ide 80er zone...ha eifach nütme welle riskiere :pinch: Autofahrer natürli wider ä dummi gha, aber has regelmässig füre gwunke und bi an rand usgwiche...nur häts am rand dänn sone schöni wasserahsammlig (=Bächli) gha...ischmr dänn doch zgföhrlich worde, bini halt wider schön id mitti vode fahrbahn und ha dänkt "Jez chönndrmr eifach mal!" . Sorry, ah all, aber wäg eu wotti nöd stärbe

Naja z'Bauma häts mi dä namal fasch gleit...hät irgend ä spurrille oder was gha...aber au dete hämr namal schwein gha

Isch gueti erfahrig gsi, aber zuekünftig wirdis also vermeide, bi nasser fahrbahn go fahre zgah :pinch: Hüt bini deswäge au nöd mitem Pfupfi go schaffe...hät mega abegläärt, woni usm huus gange bi. Morn sötts aber troche si, dänn däff s'Pfupfi mitcho :love: Freumi mega, dass sie dänn dä ganz tag brav forem Büro uf mich wartet Hoffe eifach, sie wird keis Opfer, vo eusne teils hässige Chunde... ;( Machmr ächt sorge, dass wänn eine äs schlächts gspröch gha hät, zur tüür usegaht und dä Pfupfi zersch eis chönnti gingge, will sie eifach grad dete staht ;(