Beiträge von Nemi

  • Praktische Motorrad-Frisuren für XXL-Haare x-)


    Hey schöni Darky :smiling_face:


    Ja sie sind scho fängs huere lang und wännis offe ha, bini än Halb-Ivalid :grinning_squinting_face: Chömed überall in wäg, wänns windet, wotti gar nöd ersch erwähne was passiert und muesch immer wachsam sie, wännd ide Stadt oder im Usgang bisch (Rollträppe, Zigarette und dänn all die Möngis, wos ohni fröge eifach ahgrapsched 8| :böse: ) Drumm hanis meischtens zämmebunde, obwohlis gärn meh offe hett.... :pinch:


    äs isch ä huere scheiss situation :grinning_squinting_face: einersits ebe hettis scho gärn chürzer, aber s'isch halt für mich würkli äs Körperteil, woni mr doch nöd cha abschniide ;(


    Aber ich wott jez au nöd eifach churzschlüssig handle und's abhaue bevori nani mal gfahre bi und gseh, wie's gaht..drumm warti jez, bis's äntli losgaht und gucke dänn bzw. probier mal sones Haarschoner ding us, oder under d'Jagge mitem Zopf ect. Fallses würkli nöd sött gah, hauis halt bis mitti rugge ab, wänn's Töffahre das würkli wert isch :pinch: aber dänke, dass das nur under Vollnarkose gah wird :grinning_squinting_face:

  • Motorrad (Alp) Träume

    Ich ha letscht nacht, wos so piist und ghaglät hät, troimt, dass'mr d'Garage gfluetet hät und mr mini alt Lady nurna entgägezschwümme cho isch, woni nach ihre ha welle go luege ;( Bi nanie so erliechtered gsi, woni churz druffabe verwachet bi :grinning_squinting_face:



    Und letschti hani troimt, segs 1.mal uf minere Rebel gfahre...s'isch uuu huere geil gsi..haha nur is sie irgendwie huere winzig gsi, wie wännd mitem 3Redli vomene 2 Jährige fahrsch hani immer d'chnüü am Länker ahgschlage :lol: Kei Ahnig was dä Traum hett sölle...aber ja :ugly:



    Was händ ihr so scho troimt? :grinning_squinting_face:

  • Hilfe! Praktische Prüfung am 15.Juli!

    OMG, was isch dänn das füres Arsch vomene Fahrlehrer??!! :böse: Neue sueche wird jez knapp.. Aber villicht bringsches na ane dassdr irgendwo ä 2. Meinig chasch go iehole? :upside_down_face: Eifach än andere Fahrlehrer fröge und verzelle was sach isch und wie er dich als Ussestehende wür beurteile? Villicht stuft dä dich ganz andersch ih, wasdi namal chli cha ufbaue fürd Prüefig...
    Ne, däff ja nöd wahr si, sowas :pinch: Voll d'scheiss situation jez für dich :frowning_face:

  • Hallo

    Gugus und :welcome: bi eus :grinning_squinting_face:


    Gratuliere zur bestandene Theorie, jez chas dämfall los gah! :smiling_face_with_sunglasses:


    glg und vill Spass da :winking_face:


    Nemi

  • Praktische Motorrad-Frisuren für XXL-Haare x-)

    Danke für eui (luschtige :P) Antworte :smiling_face:


    Ich dänke dasis mal mit Zopf probier...Oder evt dä Zopf halt eimal zämmelegg und im Nacke wie bimene Rosschwanz zämmebind. dänn gächtetsmr na bis mitti/ändi Rugge, was gah sött :grinning_squinting_face: Villich bringis dänn sogar na ih sones Haar-Schoner teil ie :grinning_squinting_face: Und susch probieris glaub ma, irgend än Socke drüber d'stulpe oder än Strumpf, dass's gäg dä Wind ect gschützt sind :grinning_squinting_face:


    Oder ja, d'Haargelvariante oder äs äxtra loch in helm bore, wär sicher au ä alternative :ugly:


    Abschniide chunnt dä sehrwahrschinli schomal...aber ha jez na äs Ahgebot becho, amene Projekt mitzwirke, wonis nöd däff abhaue...und ebe, wüsst gar nöd, ob ich dä Schritt je chönnti wage ;( Aber hoffe d'entscheidig wird nöd eines tages si: Mini lange Haar oder Töff, will bedes nöd gaht ;(

  • Praktische Motorrad-Frisuren für XXL-Haare x-)


    Ohä, gar nöd gwüsst, dass's sowas git, die Haarschoner. Gschiidi Erfindig! :love: Müssti ma abchecke, aber danke :smiling_face:


    d'Bilder zeigts leider nöd ah...oder min Pc isch z'dumm :pinch:

  • Praktische Motorrad-Frisuren für XXL-Haare x-)

    Zitat von Feldi

    Wie chunt mer uf so öpis das mer d'Haare 1,3m lang wachse laht?
    Isch ja extrem lang. :smiling_face:
    Ich weis nur vo einige Fraue die tüänd Zöpfle und denn unter Jacke das de Zopf nöd dusse isch aber bi so lange Haare müässtisch ja no um dich ume Wickle.


    Naja hät verschideni Gründ...aber dä Hauptgrund is sicher gsi, dassmr dä vater bzw. d'eltere mit 10ni händ lah abhaue uf ca 5cm-.- Und dete sinds scho rächt lang gsi-.-


    Isch när di schlimmscht ziit vo mim läbe gsi, willmi all füren bueb ghalte händ usw-.- und det hamr gschwoore, dass mini haar niemeh wär ahlangt bzw. mir's eifach abhaut, ohni das ich's will:(

  • Suche Fahrlehrer für Grundkurs A (12h)

    Zitat von Feldi

    Genau l-Stop und Motorama find ich guet. Ghöred beid zämä.
    Gruppe sind nöd würkli gross. Ich han de zweiti Teil ä leige gha.
    Han denn de Kolleg/ Fahrlehrer gfröged ob das eifach wege mir gsie isch aber seg nöd so. Sind nie meh als 4 Töff.
    Gruess Feldi

    Welle Fahrlehrer für dä Töff häsch gha? Oder chunnsch eifach eine zueteilt über? Müsstmi drum langsam mal fürdä Grundkurs und füres paar einzelni fahrstunde bi eim mälde..

  • Praktische Motorrad-Frisuren für XXL-Haare x-)

    Also...äs gahtmr nöd drum, wie mr d'Haar möglichscht so cha zwäg mache, dass's d'frisur vom Helm nöd kaputt gmacht wird oder so :grinning_squinting_face:


    sondern, ich ha ernschthaft welle fröge, was Lüt mit lange bis sehr lange Haar, so wie ich's han, chönnd mache :upside_down_face: Mini Haar sind knapp 1.3m lang bzw. gönd mr offe bis zude chnü und mitem zopf bis mitti Oberschänkel....Also chönnt dä zopf doch chli gföhrlich wärde, bim fahre...ha kä luscht ufe Skalpierig :pinch:


    Normalerwis machi min Knopf/Dutt im Nacke. Dä wird aber chum under dä Helm passe, drum ja... :pinch: Villicht hät ja wär äs ähnlichs Problem? Bzw. hät ä lösig für sini Haar gfunde? Und nei mit lösig mein ich nöd ABSCHNIIDE-.- Dä spruch magi gar nöd ghöre und ich finde s'sött also würkli beides möglich si, sprich: Töff fahre und langi Haar ha.


    Ich bi gspanne :grinning_squinting_face: und hoffe dasi doch nöd ganz ällei mit dämm Problem bi :upside_down_face:

  • Wie putzt ihr euer Motorrad?

    Hmm..ich han bide Tankstell sones Mittel kauft... ä art äs shampo wott mit wasser verdünne muesch und dänn na so Ploier zügs...


    Aber bi jedes Mal überforderet, wänni vor so reinigungszüg stah :grinning_squinting_face: überall heisst, segs bescht und dänn häts na eis, wott für alles chasch bruuche und s'andere hät na än roscht-schutz integriert usw usw :upside_down_face:


    Ha drumm eifach na sonen Spray kauft, wo angeblich alles dine hät, ufspraye, schön ihribe, abtröchne, dä isch alles ä art versiglät und schützt angeblich na gäg roscht... Und eifach nur miteme Mikrofasertuech di ahgfüechtete stelle abribe, bringt au schöni ergäbnis... :smiling_face_with_sunglasses: :confused_face: