Beiträge von Nemi

Sit minere 1. Fahrstund bzw. sit mis Meitli scho bi mir staht, ziehnd mi all dämit uf, ich söll doch äntli go fahre, seg doch sonen Schiss-Haas dasi so Angscht ha und überhaupt Ja, ich hamr vill müsse ahlose!
Nachdä 2. Fahrstund isch dä Druck nachli grösser worde und ich gibe aber au zue, ha scho nachdä 1. Fahrstund gärn welle ällei go probiere, aber d'Angscht isch halt grösser gsi....

....bis hüt Nammitag

Jaja, hani mi dä au ma ade Nase gnoh und gseit "Jez häsch sone geils Gfährt ide Garage und chasch ersch am Mäntig innere wuche wider go fahre. Und dänn ersch wider nur under stress und blöde Ahfiggereie..."
Also hani d'Usrüschtig ahgleit und grad welle gah, lütet doch na d'Mueter ah und schnurred ä halb stund mitmr und i däre dachwohnig is ohnehin fasch so heiss wie dusse gsi....Jaja, s'Mammut hät au grad namal druck gmacht "GANG!!" und da ich ja so guet erzoge bi, bini dänn au gange....

Dä Töff welle usdä garage schiebe, gaht nöd, hät na än gang dine gha...ich scho wider halbe is hypere iecho "Was jetzt mache?" und di ganz aktion scho fasch wider abbroche... :thumbdown: Hani mr halt namal as Härz gfasst und dänkt "Ja dä muesch dä neutral ietue, huehn!" Töff ahglah, und dä nimmt grad mal än satz richtig garage-Wand :pinch: namal probiert und dä neutrali gan welle ietue und isch au ca 30sek gange bisi mal gschnallt ha, dasmr villicht au im 1. Gang chönnt si und's also nüt bringt, wänni nur probier dä gangschalter in bode ieztsucke... :pinch: Also eimal uezoge und BLING, s'grüene Lämpli hätmr entgäge glached - Ahaaaa!! So isch das also! Lady usdä Garage rückwärts usemanövriert und wider probiert z'starte...muss meh gas gäh, dass sie mr nöd immer abstirbt..ha aber immer schiss, dass wänni dänn abdä bräms gah, dä mitmr pfifä grad füre flitzt unds scho z'spaht isch, bis ich d'bräms zoge ha Aber s'isch dä irgendwie gange und ich bi zersch ufdä parkplatz ue äs paar rundene go traie. Nach ca 20 rundene , äs paar abstürz und umegumpe, hani mi dänn uf d'strass füre getraut....
haha mit ca 20kmh s'Gyrebad durab und ade chrüzig ahghalte, hinder mir scho dä erscht hässig autofahrer :whistling: ;( Hani dänkt, isch doch kei gueti idee,gömr wider hei Aber dänn...

2 Harleyfahrer überd chrüzig und dä eint hätmr so ufmunternd zuegwunke und ahglached, dasi s'Umtraie siglah/vergässe ha :love:

Haha und dänn isch Tösstalstrass cho...brav am Migros verbi und ich ha scho afah vermuete, dass hindermir kei Hürats- oder Fuessballnati-Kollone isch, dass sones Huupkonzärt im Gang isch :thumbdown: Naja, ich bi wenigschtens sozialer gsi, als all die ungedulige Möngis und regelmässig wider an rächte rand gfahre und die Stressgrinde füre gwunke Kei Geduld me, di hütig Mänschheit

Jaja und dänn uf Saland uetuckered und mich sogar uf knapp 70 Kmh getraut, äml scho nümm so vill ahgschnauzt worde

Dete Kollege troffe und hocke blibe, bis am 12fi und jez vorhär wider heicho. Hett nöd dänkt, dasi das schaffe, scho ide Nacht fahre Aber isch nöd ma so schlimm gsi

Also mini hütig Üebigseinheit isch insegsamt zwar nur knappi 3/4 Stund gange, aber für 1. Mal ällei fahre und für das, dasi vor 2 wuche nani gwüsst ha, wimr sonens Teil überhaupt ihschaltet und dänn na ide Nacht wider heifahre, bini zfride mitmr

Zitat von Fazer-Dude

ROFL ha so müässä lachä woni da gläsä ha   xD i wür mi in acht neh vor däm imfall!!! nei aber da tönt huärä schlimm wiä dä mitmä Fahrschüäler umgaht. Naja du muesch jo wüssä obs dir passt oder nid aso ich het sho lang än andärä gno hehe sehr wahrschinli häsch du aber eifachd meh muät, Gedult und Närvä wiän ich (dini Signatur seids jo alles)

gruess

Hehe, ja, also wonr mir immr so sis "FRAU!!" gseit hät, hani mr ächt ma überleit ahzhalte, än abzrüere und stahzlah...aber ich bi leider nöd sone böösi :pinch: Aber aml chunntmr scho so übere, als hetter d'hstellig, dass fraue nöd söttet auto oder töff fahre und mr ine also d'fahrstunde so sött erschwäre unds dra näh, dassne dä spass dra grad wider vergaht und's bim velo/zug bliibed :huh:
Ja er isch scho rächt fräch, aber irgendwie hani mi glaub jez scho dra gwöhnt oder cha guet uf duurzug umstelle Und jep, er hät glück, dass ich wohl grad 100mal meh geduld ha mit IHM, als er mit mir...Wür glaub paar lüt känne wo scholang gseit hettet "Du sorry, aber än andere Fahrlehrer wür sich für die 90.- geduldiger gäh, au wänners nöd isch!"
Bruucht bi mir halt na vill, bis's mr mit öperem würkli langed, also gibiem doch nachli ziit. Ussert er tuet dänn au so dumm, wännr im auto hindermr härfahrt...dä hört bi mir dä spass und s'verzeihe langsam uf

Sooo güete Tag mitenand

Geschter isches ja wider sowit gsi...

Fahrlehrer isch dasmal usnahmswis pünktlich cho, ich scho schön brav mit mim Meitli dusse parat gstande...häts schomal dä erscht Rüffäl gäh, wiso ich sie usdä Garage gschobe und nöd gfahre ha????!!!! :pinch: Naja, er hät sich dänn wider beruhigt und ich hanen dä grad mal nachem brämse bzw. vorderbräms gfrögt...ischer wider gnärvt gsi und hät gmeint, die hegermr doch s'letschtma erchlärt gha!!!??? :pinch: Aber er isch dänn sooo lieb gsi und hät sich d'müeh gmacht, sie mir namal z'erchläre, so än liebe Fahrlehrer! :love:
Dänn is losgange, er mir wider hinedruff ghocket und hät dänn mitmr is Gyrebad ue welle...naja...bi dä halt glich lings uf turbi abe abboge..hätr sich wider ufgregt, dass ich so problem mit lings und rächts ha (jaja ich schäme mich au däfür...-.-)
Dä simmer uf Wila und dete bim Volg rächts ue und när weissi nümm wis det überall gheisse hät, hami so müsse konzentriere, dasis ihm wider cha rächt mache :pinch:
Uf jede Fall hätr sich dänn wider köschtlich über min Fahrstil ufgregt: "Das isch käs Velo, FRAU!!!" "Ich chönnt sogar näbed dir här jogge und wär schnäller wider dihei!!!", "Jetzt gib ä mal Gas!!! Für was häsches ächt übercho!!????", "BRÄMSE, Frau!!!", "Wo isch BRÄMS???!!!", "Wo isch d'Kupplig!!??" "Gah mal ab däre Bräms, da isch öppis am ahbränne!!", "Du stirbsch nöd, Frau. Und wänn, dänn muss ich au stärbe, wasi nöd wott!" "Du, da isch dänn nur 50, wotsch dis Billet wider loswärde, bevords ersch richtig becho häsch, oder wie!!?" "Fahrsch än Roller oder än Töff???!!", "Nei, was söll DAS???!!", "Wasser ufdä Fahrbahn, söttsch UMFAHRE, hei namal!!"

Jaja, ich has dänn irgendwänn ufgäh, hanen usbländet und s'probiert chli z'gnüsse, dass Töffahre doch soooo schön chönnt si, wämmr nöd sonen Kläffer hinedruff hett.
Am Halbi 8i simmer dänn wider dihei gsi und ich hamr dänn schön is Füschtli glached, wonnr chum meh hät chönne laufe, willem dä chli Biifahrersitz gar nöd becho isch Härzig, winner ide Ihfahrt fasch abgläge isch Natürllich han ich ihn dänn gaaaaaaaanz besorgt gfrögt, obs gaht^^
Jaja und dänn hätr na gmeint, so chliini lüüt wie ich, die chönnd gar nüt anders als Chopper fahre. Haniem gseit, ich hett au gärn längeri Bei, aber da ich eh vo ahfang ah än Chopper heg welle, fühl ich mich jez nöd ihgschränkt Und dänn hätr nachli über mini Lady müsse härzieh, söll dringend dä Sitz go uspolschtärä lah (haha sicher nöd!) und hät na gmeint, das seg ä 125er (pha!!). Und dänn hätr na ä halbi kriise becho, woniem dä fahrzüguswis zeigt ha under gseh hät, dass ich mitere sogar d'A beschränkt cha mache, will sie 11.5 KW hät Hät mis Meitli ihn grad chli disst!

Jaja, langsam harmonierts glaub und insgesamt hätr sogar äs Mü meh geduld zeiged als s'letschtmal.

Nöchschti Fahrstund hani jez aber erscht am Mäntig, 29. Auguscht ufdi halbi 8i am abig.. :pinch: Und dänn hocki er mir nümm hinedruff, sondern fahrtmr mitem Auto nah.... Dä wottmi doch eh dänn eifach überfahre, dasr mi los isch jaja, bi ja gspanne... :pinch:

Hey Ivan

Bi l-stop ja, aber nöd z'wetzikä...fürd fahrstunde musser na zu mir uf Turbi cho... Aber dä Grundkurs hani dänn glaub scho z'wetzikä oder Hinwil...kei ahnig

Wiso meinsch dänn?

lg

Danke für eui antworte:-) Tues dä spöter na usfüehrlicher beantworte...

So hüt abig 18:30 giltets wider ärnscht...freumi druff aber hoffe doch, s'chunnt besser als bim letschtemal und dasi nöd alles vergässe ha>.<

Also, dämmfall bis spöter und fallsis nöd überläb...danke für eui hilf! Han eu gärn gha x-)

*panik* >.<

Chläbsch äs Megafon drah! ;-D

@ Hyura: Dankä^^ Ja ich probiers ja, ah mich z'glaube...x-) s'brämse mussermr morn namal ganu erchläre/mitmr üebe, dä probieri mal am Samschtig sälber go fahre zgah. Ich hoffe ich schaffä dä Wäg uf Rüti ue...dä chönnti na rasch än Zwüschehalt bim Mech z'Bauma mache unden fröge, ober mr das Starter chönni uswächslä, dä seg luut fahrlehrer s'letschtmal d'ursach gsi, das si ufdä chrüzig nümm hät welle ahspringe...>.< Und z'Rüti schaffi ebe und gah is Training, drum wärs ä super Üebigsstrecki, woni am Sunntig mal chönnt go teschte...
Ich wott au di ganz ziit scho go üebe, imfall!;-) Aber wott nur nöd grad all andere gföhrde/umfahre, wo auna underwägs sind>.<
Ja s'doofe isch nur, dass di ganz Sidlig ufdä Parkplatz abe gseht...weisch was vergrööhled die sich eis, wänn ich det gang go üebe..haha müssti mi sogar sälber uslache, wänni das gsächtx-)

fazer: So du fräche Cheib, chasch jez dä öppe hörrä!:-D Aber härzig, wie di dis schlächte Gwüsse scho am ändi vom Blog trifft, dass'd na sone liebs P.S. schribsch...:-) chadr grad nümm bös si, dass du mir da dä Tod ih mine Ahfänger-Töff-Stunde wünschisch;-p

michi: Hehe scho ok, d'helfti dävo isch eh nur mini Angscht usrede:-D Parkplatz hetts ide nöchi bzw. ha eigetlich zwei...dä eint isch grad ums Huus, vom Schützehüüsli...dä isch aber immer relativ vollä, will all ahwoner det ihri chärre parkieret-.- Und zum Lärne fahre eigneter sich luut mim Fahrlehrer nöd, da er d'helfti theered und d'helfti Kiised isch...
Dänn gits na dä Parkplatz bide Rithalle vo Turbethal. Das wär mini Option für das Wucheänd, bzw. nachdä 2. Fahrstund go üebe. Also ich hoffe sie händ das Wucheänd kä Turnier oder was, dä ischer aml immer fasch läär...dä Isch eifach ca. 5min fahre ufdä Hauptstrass...>.< Ich hoffe, dasi vor dämm nachdä 2. Fahrstund jez au mini Angscht verloore ha, will mr mini alt Lady s'letschtmal voll ufdä Chrüzig verreckt isch und kän wank me hät welle mache...>.<

Danke Hyura:-)
hehe ja ja, dä Fazer^^ Schiint fasch so;-D
Ja ich bi mi flissig mental am vorbereite ufdä Fritig und hoffä s'chunnt einigermasse guet^^ Ja dänke au, dass mini Angscht wird schwindä mitdä ziit. wott eifach, daser mr s'brämse namal gnau erchlärt, dä bini au nurna halbe so nervös, wänni mal sicher die beide brämse behärrsche. s'Rägewätter machtmr eifach nachli buuchweh, aber ebe villicht schiffäts ja dä ganz tag und dänn am halbi 7ni isch alles wider trochä^^
Ha mal na so Fachliteratur gseh, irgend "Die Psychologie des Motorradfahrens" heissts glaub...ha mal chli gschneuget drinne..schiint glaub na guet zsi, behandlät all so themene, wie ebe mini angscht z.b.^^ aber weiss nöd, ob sowas hälfe chönnt>.< oder Gits ächt äs buech vode "Dummies" Reihe füs Töff fahre?^^ will ja, wott nöd wüsse, was da inzwüsche s'ganze forum vo mir dänkt, willi immer mit so oberdämliche Frage hine füre chume, wo ihr eu nur chönnd an Chopf lange...x-)
Ja, au das nimmi mr vor, dasi mi nümm so vonem ihschüchtere lah...wird aber glaub wider nöd eifach...>.<

fazer: Ja bi stolz uf dich, du bisch halt so vill männlicher als ich! x-D  
Gibe ja zue dasi än verdammte schiss-has bi-.- aber immehin ziehni d'stund am fritig wider dure, ussert ebe, ich ha äs unguets gfühl>.< Wott halt mim Junge läbe nani tschüss säge, wägeme übermüetige fahrlerer, weisch...

ja ich guck ma, tönt na guet dini fahrschuel:-)

Hey Sadinsky:-)

Danke für din Biitrag.
Jep, du sprichsch mir leider us dä Seel, ha äs rise durenand, was wie und wänn ihgsetzt wird... ja bi di ganz ziit, sit dä letschte fahrstund im chopf am üebe und alles revue-passiere, wasmr dä Fahrlehrer ihtrichteret hät, aber ha s'gfühl, dass d'helfti scho wider wäg isch, vo dä 1. Fahrstund....:-( Mei, dä Fahrlehrer wirdmr au hässig wärde, wänni am Fritig nur äs Fragezeiche ufm Gsicht ha, wännr z.b. seit "Töff starte und in erschte gang schalte!" >.<
Chumm mr eh mega dumm vor under all däne Profis da ihne (nüt gäg eu, aber ihr chönnd das alles im Tüüfschlaf, wo ich nöd mal am Tag schaffä...>.<)...mega peinlich>.<

Theorie und Praxis sind leider doch chli verschide...:-( hehe ja, min chopf isch glaub würkli nöd ganz klar. Schiint würkli mis gröschte Problem si, mini Angscht und min Pessimismus-.- Aber ich schaffe härt drah!^^
nurscho dä chauf vom töff isch für mich än risä schritt gsi. hami so ih das ding verliebt gha und ha sie eifach müsse ha, aber immer sone risä "Angscht" dävor gha. Mini Rebel therapiert mich also...x-) Jede Tag äs bizzli meh^^ Und bi ufeme guete wäg, will ha scho fasch di 1. Fahrstund wider abgseit und dänkt: Eifach dä Töff ahluege und chli druff hocke isch doch au scho mega toll...x-) Bi also scho mal über min schatte gumpet un u huere stolz uf mich^^

Hey Feldi

Danke für dis Ahgebot. Wi gseit, ich chume sehr gärn druff zrugg, fallses jez mitem fahrlehrer nöd wür klappe...aber wott doch zersch nachli sicherheit becho, will ich wotts au nöd öperem vo eu müsse zuemuete, dassr müend zueluege, wi ich wider än ahfänger-seich mache...>.<

Ja ich hoffe na immer, dä wätterbricht irrt sich^^ oder dases ersch go seichä chunnt, wänn ich wider abem töff abstiige^^ Klar wär's ä guets training, aber ebe wänn min fahrlehrer dänn wider umestresst unds mr wider nöd gnau erchläärt, wini söll fahre, dänn chadr jez scho än garantie-schii gäh, dass wider was wird passiere...>.< ich meine, wänni jez nani würkli weiss, wimr schön und einigermasse ahständig fahrt ufere trochene fahrbahn, wie söllis dänn ersch ufere nasse fahrbahn chönne? >.< Aber ich kämpf mi wider dure am fritig, ussert s'seicht jez wie us chübblä, dä chanrs würkli vergässe...>.<

Heyhooo und willkomme bi eus verrückte!!!:-))

Wünschdr vill spass bi eus im Forum!:-) Uf dini Frag chadr leider kä antwort gäh...bi au än ahfänger. Aber cha guet si, dases wägem räge isch, nimmi mal ah. Aber wirsch sicher grad ganz vill fachmännischi Antworte becho!;-)

Bis dänn, glg, Nemi

Hehe danke Fazer:-)
Muess jez ma gucke, wis witergaht...am Fritig hetti di nöchscht Fahrstund. s'Problem isch nur, dasses am Fritig sött go rägne cho... Bi nöd wasserschüüch oder so, im gägeteil! Isch mis Elemänt!<3

Aber weiss halt nöd, obmr das amene Löli ide 2. Fahrstund scho cha zuetraue? :-S Und so wi ich min Fahrleherer ihschetze, wür dä d'fahrstund sicher nöd absäge... ich frög mi also, ischer än guete Fahrlehrer, wänner d'Stund dänn abseit/verschiebt oder ischer än guete Fahrlehrer wänner d'Stund dänn wider hardcore durezieht und ich dänn gnau weiss, ich fahr wider irgendwo ie, womr nöd sött?-.- bzw. befürchte dases dasmal chönnt schlimmer wärde bi nasser fahrbahn und wänn er sich hinedruff na immer so id Kurve iehanged....>.< s'letschtmal isches eifach äs gmaiehts fäld gsi und alles troche, kei ahnig wis dasmal cha usecho, wänns nass isch...
Oder sölli dänn eifach zum eigeschutz fräch si und säge, suechmr jez än andere Fahrlehrer, wännr jez scho mit mir wott im Pisswätter go fahre und ich äs witersmal mir halbe id hose seiche und befürchte dass dasmals was schlimmers passiert als bim letschtemal wänner wider so uf sis Vorwärtsmache spinnt und umestresst "Ach das bizzli räge, chunnt grad guet, los gahts!"...? Bi mr ächt am Strategie zämme sueche, wasi söll mache...>.< Ich find's ja scho guet, wämr chli druffgängerisch isch und er halt nachem Motto läbt: "Am beschte grad ide 1. Fahrstund im Räge go fahre, dä chas nachher nur na eifacher wärde zum lärne fahre!" Aber ich finde, äs git würkli Gränze, sobalds gföhrlich wird... Und ich ha ächt gaaaaar kei Bock, mis Meitli wider irgendwo anezbefördere, wo sie das mal nöd ungschädiget dävo chönnt cho...-.- Dä Offroad Trip isch scho schlimm gnueg für eus zwei gsi!^^ määäää...was sölli nur mache? x-) Ih sone huere Zwickmülli cha au nur ich wider ierutsche...>.<

Gnau so gsehn ich's ebe au, passiered nur grad dopplät so vill fähler under stress, sprich: Stress isch gföhrlich! x-) Und git Haarusfall!^^

fazer: Hehe ha dänkt, du wirsch dich sicher über min Fahrlehrer freue ;-D
Ja s'hett schona än andere Töfflehrer bi l-stop. Aber dä heisst Brüllhart zum nachname...hätmi grad abgschreckt:-D Aber jez mussi säge, sherwahrschinlich isch dä dä geduldiger als, dä wo ich jez ha:-( Aber ja, ma gucke. ich hoffe immerna, dass dä fahrlehrer dänn mal seit "Du lug, das klapped nöd mit eus 2, git da na än andere Fahrlehrer..."
Also dine hät meh geduld gha, seisch? Wär min Traum-Fahrlehrer, eifach so än ruhige, (eltere) und ebe GEDULDIGE Mänsch, würmi meh freue uf di nöchscht Fahrstund...aber ebe>.< Aber wenigschtens hetti jez ä alternative, woni na hii chönnt, fallses mit mim nümm wür gah.
Ja ich hoffe, dä Fahrlehrer faht mitmr mal uf Rüti ue...das wär min Arbetswäg, dä chönnti so jede Tag dänn 2mal üebe und mitem Töff go schaffe. Oder sicher 2mal ide wuche oder so...je nach dämm wie müehsams dänn isch, immer vordr und nachdr Arbet die huere Töffchleider müsse go ah und abzieh...>.< Aber d'strecki wär halt super. kei amplä und chrüzige. eigetli alles grad us mit ideale kurve und wos chli durab und duruf gaht. also zum afah fahre würkli top, dänki. Hoffe dä fahrlehrer zeigts sich ihverstande, dassmr die strecki mal abfahred.

Hehe lieb vo dir!:-D Danke villmal!:-) Chume dänn glaub würkli mal na druf zrugg, wili ja voll niemert ha, woni privat und vor allem mal "gratis" chönnt chli go fahre und wo mich beufsichtigt...x-) Also ja, Kollege vodä eltere, wohned in Gossau und würed mi dänn scho mal mitnäh, aber sie möchtet halt au, dasi mr schochli sicher bi wägem fahre ect. Und sind jez na ide Ferie, also wirds mitti septämber, bis's mi mal chli chönntet mitnäh....>.<
Jaja, s'isch nöd eifach...x-)

Marc: Hehe ja häsch ja rächt!;-) Ebe ich gibe jez sicher nöd uf, au wänni mr das am Fritig rasch überleit ha. Isch aber vor allem wägem Fahrlehrer gsi und nöd wägem Töff fahre sälber. Aber dä gfalle machi am fahrlehrer sicher nöd^^
Ja, ich lahmr jez eifach ziit und dä fahrlehrer söll sich nöd so härestelle...susch sägsem dänn glaub eifach "du lug, git na anderi fahrlehrer, wo sich würded freue, am gäld wos miteme ahfänger chönnd verdiene...-.-"
Und ich freumi mega druff, wännis dänn chli meh im griff ha, und sie mr nümm abstribt ect:-) Wird super^^