Nid Züri, drfür us Bäärn =)
Beiträge von Nina
-
-
Wow, merci für die vile Antworte u Tipps! Ha mi no nid entschide! Aber tändiere ging no zur CG 125
Grüess
-
Eh ja! Merci emu viumau! Ds macht Muet
Ig bi scho zimlech überzügt, dass es guet chunnt So, nume no warte, bis z Gseuch igreicht u beschtätiget wird! U de ab zum Händler
-
Zitat
Original von JohnnySWISS
S Gwecht vonere Maschene merksch erst, wenn sie am Bode liet... So lang sie relativ grad stoht merksch s Gwecht praktisch garned.
Äbä genau vordäm hani angscht..ig ha nämlich z Gfüeu, dass die mir wird umgeheie! Ds isch mir ja mit dr grosse Honda passiert u ds isch huere dr Horror gsi!
Ps. Passierts eich viu, dass eim d Maschine z.B. ar Ample abschtribt?
-
[quote]Original von JohnnySWISS
Nina öppis chlieners als d Kawa wersch chum fende. Wie gross besch denn? Wenn ich froge darf?Mini Fröndin esch knapp öber 1.60cm ond chonnt met beidne Füess an Bode abe.
quote]Hmm, auso ig bi scho e 1m 66cm aber es cha natürlich ou si, dass ig mir ds eifach viuuu höcher/grösser vorschteue! Aber isch d Kawa nid e huere schwäri Maschine? Ds isch drum ou no chli entscheidend
-
Zerschmau, merci, für d Antworte
@ Johnny: Hmm...aus ig fürchte, d Kawa überschtigt mis Budget u mini Vorschtellige, was ig fürne erschte Töff wet usgä..aber merci
@R_K Ahhh, ds macht Muet xD Merci
@ Phil: Ha ebe ou chlis Gfüeu, dass d Kawa no z gross für mi isch...dr VTR 250 hani ou scho gse, aber ou dä chunnt mir chlichli gross vor
Merci füre Link. -
Wow, ds isch ja angers geniau!
Ig benide di grad huere! So e geile Töff
Würd mis Budget wahrschinlich spränge, wär aber glich gei! -
Hoi zäme
Öppe voremene Jahr hani agfange mit em Töff fahre. De isches aber so gsi, dass ig mau dr Lehrfahruswis für d Kategorie A gmacht ha. Ig bi denn 18ni gsi (ohni es B) när hani dänkt, dass ig eifach mau e Töff miete u de mit dem die praktischi Prüefig mache, wüw ig grad z weni Gäud für e Töff ah gha! Okay, schön u guet! Auerdings hani du rächt schnäu usegfunge, dass es huere viu schwiriger isch, ausi gmeint ha..dr Töff, wo mir mini Fahrschueu vom Vertroue
gschteut het, isch es huere Ding (Honda CBF 500) gsi u ig bi ebe grad nid seehr gross! Ig ha auso huere Problem gha. När hani gmerkt, dass es nie öppis wird, we ig nid üebe u drzue bruchi e Töff! Auso hani däicht, ig nime e Wuche Ferie u miete nomau e Töff (Honda CBF 600) no es grösser Ding! Es isch passiert, was het müesse, är isch mir mits ir Garage umgheit. Auso hani dä mau zrügbracht u huere viu füre Schade zaut...de hani ufghöert mit em Fahre u ha mir vorgno, ersch witerzmache, wenn ig gnue Gäud für e eigete Töff ha! Et voilà, so isches jetzt!Ig wet mir dr Honda CG 125 choufe!
Kennt dä öpper? Isch ds guet für so bluetigi Afänger/inne wie mi?
Gruess