Beiträge von Leon

Na also, doch no klappet...! Ganz es herzlichs Gratuliere und Willkomme bi dä "Erwachsene"

Min Helm: Shoei XR-1000. Bin sehr zfride, isch sehr liecht (Grössi S mit 1310g) und sitzt mer wie aagosse (inkl. Doppel-D-Verschluss). Han no äs dunkel tönts Visier mit Pinlock druf (ohni Pinlock laufet bi mir dShoei Visier immer aa), und en Whisper Stip Kit däzue (Lärmdämmig).

Han leider kei Fotti vonem, drum äs InternetPic:
[Blockierte Grafik: http://www.leonson.ch/Files/TF/diabolic.jpg][Blockierte Grafik: http://www.leonson.ch/Files/TF/doben.jpg][Blockierte Grafik: http://www.leonson.ch/Files/TF/dhinten.jpg]

Natürlich au ganz es herzlichs Willkomme vo mir! Uf en schöne und töffriiche Summer...

Leon

Kawa Grüän, Duc Rot, Yamaha Blau, KTM Orange, Honda...??? Git's irgend sone Standardfarb wora mer Honda erchännt?

wow... ich hans gwagt! Mues sägä, das Grüän gfallt mer da vill besser als ufeme Töff

Zitat

ja nid schlächt diä maschinä. aber dr lenker u diä höchi fortschibä gfalt mir nid so.

Das mit dä Schiibe stimmt, die isch chli hoch grate...! Aber die hät mer dä Honda Typ eifacht anegmacht, will di alti wägem SB Länker hät müäsä verschwinde. Jetzt isch halt die dra, wenigschten isch sie vo MRA und schwarz

Zitat

d sattel isch au andersch deftig! isch de standart? wenn nei wo heschen mache lah?

Dä isch nöd Standard, da hani en Bezug vo BAGSTER (http://www.bagster.com) bstellt und sälber druf zoge und fescht-bostiched. Isch nöd gad billig gsi für es Stuck Kunstläder

Ich verstahne natürlich scho, dass i mit däm SB-Länker uf underschidlichi Meinige triffe. Han übrigens mit mim:

Zitat

Ändlich mal eine wo chli e Ahnig hät...!

niemert welle aagriffe, isch aso ächt nöd bös gmeint gsi

Äs isch eifacht so, dass ich mit däm Töff mal e 3Tages-Tour gmacht han, dazumal no mit Stummellänker... und äs isch eifacht nöd so bequem gsi. Und da mir dä Töff eifacht gfallt, und ich weder en Neue chaufe will, no chan (kei Gäld ), isch das eifacht di beschti Lösig gsi.

Danke für die bisherige Kommentär!

Zitat

Ich finde "Chinesischi Zeiche" mega cool... was bedüüted die vo um em Heck anegmacht häsch ???

Isch eigentlich ganz eifach... die stönd nur für "600", damit mer also no erchännt wievill Kubik ich fahre

Zitat

Wür säge eher Sporttourer, durchgehendi Sitzbank und so

Ändlich mal eine wo chli e Ahnig hät...! d'CBR F isch im Gägäsatz zur RR richtig SportTOURER uusgleit, somit vertreit sich minner Meinig au en SB Länker!

Mol du... ich han ja dini R6 erscht grad in Action und us dä Nöchi chönne beguetachte: respäkt 8o !

Isch würklich schön und stimmig worde! Einizig dä Endtopf isch ja nun würklich riiiiiiiisig, nimm der es Vorbild a öpertem i däm Forum und tue der en geile Scorpion Titanium Flame ane, dä rockt dänn

Und no öpis... tue doch no gladni Akkus under din Sitz - das wird glaubs langsam zumene runnig-gag

Zu minnere Verteidigung... für Toure fahre sinds natürlich scho Wälte zwüschet Stummel- und SB-Länker!!!

Und zum Tankschutz... so hani wenigschtens kei chalti Eier meh !!!

So, ändlich hanis au no gschafft, es paar Bildli vomene suubere Töff mit agnähmem Hindergrund z'schüsse... das chunnt bi mir sälte vor!

Han scho chli Arbet i mis Töffli inne gschteckt, mal luege ob ihr alles usegfindet!? Chunnt aber au no chli öpis däzue, z.B. Mibotec Felgerandufchläber (bin no am überlegge obi gälbi näh söll, wie dSchrift uf dä Verschalig... uf em Bild sind am Hinderrad uf einere Siite silbrigi druf, aber die würket chli z'wenig).

Gänd ruhig kommentar ab, aber nur guete...! Die negative chratzet chli z'fescht a mim Ego ;). Also, es herrscht freii Meinigsüsserig!

[Blockierte Grafik: http://www.leonson.ch/Files/TF/CBR/CBR1.jpg]

[Blockierte Grafik: http://www.leonson.ch/Files/TF/CBR/CBR2.jpg]

[Blockierte Grafik: http://www.leonson.ch/Files/TF/CBR/CBR3.jpg]

[Blockierte Grafik: http://www.leonson.ch/Files/TF/CBR/CBR4.jpg]

[Blockierte Grafik: http://www.leonson.ch/Files/TF/CBR/CBR5.jpg]

[Blockierte Grafik: http://www.leonson.ch/Files/TF/CBR/CBR6.jpg]

[Blockierte Grafik: http://www.leonson.ch/Files/TF/CBR/CBR7.jpg]

Bl4ck_Sh33p: Bisch nöd zuefälliger Wiis im MotoCenterWest go Probe fahre??? Bin drum hüt gad dett gsi, ich hami aber mitere Probefahrt vo dä Z1000 z'fride gäh! dGixxer isch leider scho zimli uusbuechet gsi, mit dere händ sooo vill welle go fahre. Geil tönt hät sie ja, und dass sie gnueg Power hät, isch au bekannt :-)!

Isch würklich zum wägwerfe...! So kreativ mues mer au z'erscht mal sie.

Ich glaube ich schriib jetzt dänn mal en Brief a Sauber, ob ich äs alts Getriebe vomene F1 Chare überchumä und ob mer das bi mim Töff iibaue cheng

Langsam langets ja würklich...! Isch ja scho schön, dass es immer gschneit hät und chalt gsi isch, so hät mer dä Winter wenigschtens mit vill Schnee uf dä Pischte (und dänäbet ) chöne gnüsse! Aber jetzt isch gnueg... wo bliibet di warme, töfffründliche Temperature???

MeteoSchweiz hät ä 9 Tages Prognose, und da isch wiit und breit no nüt vo Temperature über +3 Grad (in Züri, am Tag) z'seh! Guet, Prognose stimmet ja au nöd immer, oder besser gseit sehr sälte... aber äs gseht würklich nöd erfreulich uus. Ich han eigentlich am 14.3. min Töff zum Winterquartier welle usehole - mal luege ob das no möglich isch!

Oh komme, du Frühling, oh komme herbei...!!!

Nimmt mi grad mal Wunder, ob eu Autos au interessieret, oder nur Töff ! Wen vo eu trifft mer am Automobilsalon in Genf?

Ich bin vorussichtlich am Sa, dä 12.3. dett. Isch zwar zweitletschte Tag und en Samschtig - aso wirds brutal vill Lüt ha - aber ich chan eifacht nöd früähner.