Beiträge von ag-biker

juhui. ich hans dänn au mal gschaft. halt erscht im 2te aalauf. aber ich bin sit enner stund jetzt au s L los. grüessli markus

super.
ich gratuliere dir.
villicht han ich s nächschti mal au meh glück.
mini 24jährig maschine isch villicht au chli speziell.
no e langi töffsaison das jahr.

hi manoloco.
und? häts das mal klapped?

hi manoloco
dänn wünsch ich dir für em mäntig alles gueti und glück mit em experte. villicht müested mer eusi fahrstil misch.
oder du nimsch min experte und ich dine, dänn würds sicher au klappe. smile

s isch lieder nüt drus worde im erschte aalauf. ich sigi z verhalte gfahre. bin halt i di unübersichtliche kurve nöd mit 80 ine.
bim fahrlehrer han ich glernt, meh d hinderradbrems z bruche. de experte hät dänn gmeint, ich hebe ebe d vorderradbrems vill zwehig brucht. naja, de lehrfahruswiis ich no es ziitli gültig.
gömmer dänn halt no es 2ts mal.

danke sneaky
ich hoffe, s klapped im erschte aalauf. smile

hi raiden.
danke für dis angebot. aber wie scho erwähnt, ich han am fritig d prüefig.
ich han aber hüt über en andere wäg no öpper gfunde, wo sich e stund hinde druf gsehts hät. jetzt han ich das mit em sozius au wieder chli intus.

hät öpper luscht, ziit und de muet, zum bi mir hüt oder morn e halbstund oder stund sozius z si?

fürs achti gönds z schaffise amix in e sitestrass zum d üebig mache hät min fahrlehrer gseit. zum bischpiel usgangs schafisheim richtig seon bi de ende 50er tafle links. ohni töggel. aber d stass isch realativ schmal.

ich mues uf schaffisheim. uf de rampe bin ich hüt no xi. s 8i fahre vollbräms und so gat au.
i nöd ganz übersichtliche kurve wo mer 80 chönt fahre, bin ich villicht nur so mit 70 unterwäx.
isch das ächt en grund zum duregheie?

hallo ts
danke für de tip.
i dämm fall tuen ich die wuche noch chli s spurgassfahre üebe.

danke für euri tips. öppe das han ich au scho ghört vo mim fahrlehrer. han eifach nomel welle frage. ich han näbed em grundkurs no 2 fahrstunde gah. do isch s achti ebe nanöd so gange. hans jetzt aber flissig güebet. ich han die wuche frei, und hoffe das wätter einigermasse passt, das ich no chli routene bechume für am fritig.

Sali zämme. Ich han nächscht Fritig mini Töffprüefig.
Isch öpper chürzlich au z schaffisheim a de Prüefig xi?
Gits det Sache wos bsunders druf lueged. Isch das richtig, das mer d Spurgass nöd mues fahre? (suscht müest ich no chli üebe) Wo sinder öpper dure gfahre? Falls öpper mit A-Billet nächscht wuche ziit und Liuuscht heti, ich suche no öpper, wo mir für e halb Stund oder so würd hinde druf hocke.
Danke für euri Uskunft.