Sali zämä 
Ich heisse Michel und bi 23gi usem "schöne" Toggeburg (wos di meist ziit Seicht) xD
Fahre tueni uf de normale Strosse e CBR 600 RR und e KTM 620 GS (Supermoto) wo ich letscht winter komplett usenandgno und neu ufbaut ha noch mim Gschmack Falls irgendöpert au Interesse dra het usere alte KTM öpis zmache, Radlager und Lenkkopflager ersetze, Bremssättel lackiere, Rahme neu pulverbeschichte etc. wär das keis Problem.. Priislich bini no lang underem Töffmech 
Motortechnisch langi allerdings nüüt ah will mir das en zheisse isch und ich leider kein glernte töffmech bin. (Alles learning by doing ;)) Stelle denn no es paar Bilder ine vo mim Umbau wenni usegfunde ha wie 
Vorallem wör ich mi freue neui Bekanntschafte zschlüsse und mit es paar lüüt chöne es paar Päss go fahre oder süss es paar rundene go dreie.
Zudem hani mir vor churzem no e R1 kauft für uf d'Rennstrecki, will das scho immer mol min Traum gsi isch... Kei Gegeverkehr, Kei Rechtsvortritt, kei Baustell und s'beschte KEI TEMPOLIMIT UND BLITZER Hoffe nöchscht johr wird min Traum wohr, falls irgendöpert zuefälligerwiis es Plätzli frei het und sowiso uf d'Rennstrecki goht wäri sicher nöd abgneigt mitzcho, zahle natürlich au gern was an transport
Soviel zu mir... Ah ja, und mini Huusstrecki: Hemberg 
