Navi tomtom rider

das esch werkli en ganz en geili sach. werd de aber wohrschindlech au en rächti stange gäld choschte...:(

gseht intressant us... muen ich mer vormerkä...

wiso gseh die navi geng so büuig ufbouet us bide töffe??

wenn nid grad e rally maschine hesch wo no roadbook hauter dine hesch, de hesch eifacht sone grusige chlotz ufem länker..

bide outos düesis verpackt und weiss i nid was aus no, abr bide töffe, eifacht päng druf, wies grad passt

$nail
ech glaube, dass es bem töff au chli schweriger esch das ganze i zboue. vo wäge platz ond so. ond die lösig wo do tom tom hed, esch halt universell gmacht. esch aber wohrschindlech no schwerig das bemene strösseler gschiid a zmache

Also i wär froh, wänn i so e ding hett! In Sache Geografie bin i e riiiese Pfieffä! :P.

Ich nöd! Bin mal 2 Stund im scheiss umegfahre bis i wieder was gseh han, wo i känne!

also ich finds na geil wend neumet hii muesch wod di ned uskennsch. z.b. bini mit em tomy fürs auto uf genf is hotel, keis problem, und am nöchschte morge an autosalon... hammer gsi, kei schilder müesse lese, nur fahre.

wobii ich denke bim töff fahre isch doch das was ganz anders... töff fahre duesch doch meischtens i de freiziit als hobby. da fahr ich au immer de nase nah und suscht hani irgendwo under mim sozius sitzli e verknüttleti schwiizer charte.

wennt aber met em töff e dferie gosch, de macht es navi dorch us senn. nämmli de, wenn iergend wo es huus, en wonig oder es hotelzemmer gmietet hesch, ond denn eifach mol als ersts wotsch det häre fahre.
emm sommer werdi en italie au noch nase fahre. eifach en charte de bi ha, ond de gfentsch au weder hei. aber we gseid. wennt gezielt nöime häre wotsch, denn macht es navi scho senn...

ja klar, ebe ferie oder wend gschäftlich mitem töff underwegs bisch, oder es termin, den isch es sicher sinnvoll, wild eifach nur nach dem teil chasch fahre...