Verkehrssoldat Monte Ceneri 27.10.2014

    Zitat von sneaky_Phil

    Weiss ned öbs do dra lieht, dass i scho ziemli kaputt vom Training und am Töff umeschrube be, aber be dem Vergliech hets mi grad schnell verputzt


    Glaube nöd, dass das a dem lit. Du bisch halt so eifach gstrickt, da chamer nüt mache :face_with_tongue:

    Zitat von sneaky_Phil


    Ou mann, zum Glück hani us dem Verein au scho uscheckt. Ha emmer en gueti Truppe und viel Spass gha, aber es het ächt so dermasse viel Träne ume gha teilwies, ohje...

    Do gods mer ganz ähnlech. Meteme lachende ondeme weinende Auge beni d'Sache go abgä. Esch halt scho en eimoligi Sach met so vell tolle, aber äbe au vell idiotische Lüt uf eim Hufe Zit müsse totschlo. :grinning_squinting_face: Was ech jedem Rekrut met uf de Wäg gebe esch, dass sie sech ombedengt bewosst sie müend, dass die Vorgsetzte uf sie agwese send ond ned omgekehrt. Wennmer die wahre Machtverhältnis mol kappiert hed, hedmer alles chönne mache met de Spagetti ond Nüdeli. Leider esch denn vo de alte Garde eine nochem andere nömm uftaucht ond die neue Hamburger hend de Schess i de Hose gha. :kissing_face:

    Tja, röckbleckend en loschtigi Zit, aber nomol eine vo dene Marschfötzel wetti ned im Briefchaschte ha! :grinning_squinting_face:

    Zitat von Matz

    Hanen abglehnt ond sie hends im DB vor mine Auge ustipexlet noch dem ech im Kadi alli Schempf ond Schand gseid han wie verschisse organisiert de WK esch ond daser sech de Gfreiti in A... schiebe chan. :grinning_squinting_face:

    Aber bis uf Bärn esch die Info ned cho. Han emmer Poscht met "Gfr" becho. :neutral_face:

    Huch, wieso lehnt mer das ab? De Stutz meh am Tag het Endi Durchdiener über 150.- extra gmacht. Das sind im Usgang es paar Bier worde :grinning_squinting_face: Usserdem findi Gfr rein optisch en schöne Rang. Witermache isch für mich nie in Frag cho, im Gegesatz zum Kadi... de het mi als Zugfüehrer wele :pinch: Ha denn aber Glück gha und bim dritte oder vierte Gspröch isch de direkt vor mir grad userkore worde zum witermache, s Soll isch erfüllt gsi und ich ha nüme müese. Puh! :kissing_face:

    Zitat von Matz

    Was ech jedem Rekrut met uf de Wäg gebe esch, dass sie sech ombedengt bewosst sie müend, dass die Vorgsetzte uf sie agwese send ond ned omgekehrt. Wennmer die wahre Machtverhältnis mol kappiert hed, hedmer alles chönne mache met de Spagetti ond Nüdeli. Leider esch denn vo de alte Garde eine nochem andere nömm uftaucht ond die neue Hamburger hend de Schess i de Hose gha. :kissing_face:

    Übertriebe mues mers au nöd, aber ganz klar isch: Mer mues nöd alles mit sich mache lah. Mer wird halt vom erste Tag a scho uf das Militärische drilt und igstellt und d Rekrs kenned sich alli nöd - da isches schwierig, e starki Front z bilde. Für mich/eus als Motf isches aber sowieso no nie würkli es Problem gsi. En Zweitfunktionär Fahrer laht sich sehr liecht ersetze, aber en Truck fahrt zum Glück nöd eifach so mal jede i de Armee. Denn het mer au mal chöne dumm tue oder Forderige stelle. :grinning_squinting_face: I de RS het mer halt müese "dure", det het mer no kein Uswis gha, aber d RS isch einigermasse vernünftig gloffe. Im DD het das andersch usgseh, spötistens det het mer gschnallt wie de Has lauft, det isch "figge" aber au nüme so es Problem gsi.Ich bi i de Katastrophehilf gsi und det isches chli weniger militärisch sondern meh vernünftig zue und her gange, mer het halt müese für de Ernstfall trainiere und Material parat halte. Tönt zwar immer no nach Militär, aber bi eus isch de Ernstfall e Katastrophe und kein Chrieg. Da machts grad zum erste Mal Spass, z trainiere und s Material z butze, will mer weiss, dases für en guete Zweck parat liit. Übrigens hend mirs denn au diversi Mal igsetzt, 2011 isch au en Unwetter- und Hochwassersummer gsi, falls sich niemer meh mag erinnere. :winking_face:

    Zitat von Matz

    Tja, röckbleckend en loschtigi Zit, aber nomol eine vo dene Marschfötzel wetti ned im Briefchaschte ha! :grinning_squinting_face:

    Ich eigentli au nöd, aber du hesch recht demit, dases e einmaligi Sach isch wo mer so nie wird chöne erlebe, wenn mer nöd i de Armee gsi isch. Klar chani es Jahr frei neh und mit em Stäckli ufem Rugge dur de Schlamm chrüüche, aber es isch nöd s gliche. :grinning_squinting_face: Wenni jetzt nomal alles 1:1 so durespiele oder suscht Wehrpflichtersatz zahle müest - ich würs nomal mache.

    Und da nach dem viele Text no es Foti vo mim schöne, wisse Mercedes mit 4 Achse und krasse Phelge :grinning_squinting_face:
    [Blockierte Grafik: http://www.vbus.org/ammu/motf1.jpg]

    Nomal min PA-Benz
    [Blockierte Grafik: http://www.vbus.org/ammu/motf4.jpg]

    Sunneufgang uf em Grimsel mit viiiiiel Diesel :smiling_face_with_heart_eyes:
    [Blockierte Grafik: http://www.vbus.org/ammu/motf2.jpg]

    Isch für de Isatz chli überdimensioniert gsi (Altchleider vo de Armee entsorge, s Züg het vilicht insgesamt knapp e Tonne gwoge...), aber de 8x8 hetti susch Standschäde übercho, han ich mir denkt. :grinning_squinting_face:
    [Blockierte Grafik: http://www.vbus.org/ammu/motf3.jpg]

    Hani schomal erwähnt dass Motf die einzig wahri Funktion isch? :grinning_squinting_face:

    READY
    TO>> 
    ALUKÖFFERLI

    Und au wenns jede mehr oder weniger ahschiesst, du erläbsch so viel in däre Zyyt (positivi und negativi Sache), machsch Sache wode sust nie würdsch mache aber eins Garantiert: Du vergissisch die Gschichte nie meh, und spöter lachsch nur drüber.
    Ich muess ämel immer lache wenni an die Zyyt zruck dänke, müssts nümme ha aber bi froh hanis durrezoge.

    PS: Vielne duets guet das Militär bezoge uffe Charakter, und hesch öbbis z verzehle am Stammtisch :winking_face:

    Immer ne handbreit Luft unter'm Vorderrad!

    Zitat von Ducati SF

    Vielne duets guet das Militär bezoge uffe Charakter


    :grinning_squinting_face: Du meinsch, die chönned us dem Bubi, wo nöd mal usefint, wo er mues irucke, au no en richtige Ma mache? :hmmmm:

    :grinning_squinting_face:

    Kenn i nüd.... Wett mit rekrute ond soldate nütz me ztue ha. 80prozent vo dene bubis chönd nüd emol gradus laufe. Geschweige denn mit eme waffe omgo. wenn ene den am eigene liib denne zäge tuesch, wa e waffe cha anrichte ohni Munition, fangids a brüele. Ond mit de rambo offizier os de städt isch es au nüd besser. :thumbdown:

    Hat die Blume einen Knick, dann war der Schmetterling wohl zu dick.