Billige Reifen

hmm. entressant.
guet. ech mues no dezue säge, dass ech praktisch alles vo em ha. s einzig woni jetzt ned vo em ha, send die nöie reife. soscht holi eigentlech vom berli bes zo de fälge alles be em. ond das sedi töff fahre (au wenns erscht 2.5 johr send). ech dänke, das macht au no chli öpis us.

die page isch wükli geil!! hani au scho ghört devo!

nur gits für mini reifedimensione nume 2 pneus! wovo eine chasch rauche welle andersch extrem scheisse isch... dauer aquaplaningfeeling wenns schiffed! pirelli macht zwar au geili schlarpe aber de wo ich gha han isch zum hüüle! scho nach 4 wuche dunde gha! mitem neue continental bini voll z fride.

wenn ich zu dem Thema au nu öpis darf säge.

Wenn öper i de nöchi vom Kanton Luzärn wohnt, hätt ich en guäte TIP. Kennt irgent öper dä " KORAD" in Müsswangen. Dä cha diär bis zu 48% gäh uf Töff und Auto Pneu`s. + Montierä. TOP Qualität.
äs Bispel: Micheline Pilot Power 180/55/17 mit Montierä Fr. 243.90.- das isch ja gschänkt .Oder?

Boah das isch echt huere billig. Sofill zahlsch bi Reifendirekt au...eifach ohni Montiere 8o.

also ich han letscht wuche
480.-- (inkl. montiere) blächt für die hinterreife............isch allerdings en 190'er

aber scho huere tüür oder? oder isch da standard, han ebbe kei zyt me gka zum verglyche weils het (wie immer, hehe) müesse schnäll go

ROFL, für 480 ??? "Chli" Tüür??? Da chauf ich ja en komplette 180/120er satz mit Montage und chume ersch na billiger!

Ja das zeigts wieder emol, dass sich vergliche immer no lohnt.
Und mer sich echli Zyt näh muess. 200.- ha oder ned ha macht sch chli öpis us. Find ech.

Hesch denn du de Töff verbi brocht oder nur s'Hinderrad? Das macht natürlich au no bitz öppis us, di ganz demontage und montage.. denn chunnt villicht sogar nochli kette spanne und schmiere dezue, wenn en mech nöd viel z'tue het chan er do scho no bitz ziit vertriibe und das natürlich denn au uf d'rechnig schribe. bi de einte isch es halt eifach debii, bi anderne nöd..

nei han dr töff verbii brocht.

und är het gmeint dass dr reife ca. 420.-- koschtet oder sowas.

isch eigentlich no en nätte typ, chamer eigentlich ned vorstelle dass dä abzockt, aber klar, es gschäft wänd alli mache

wird mir s'negschtmol wohl mehr zyt näh, het jetzt eifach schnäll,schnäll müesse go weil ich d'prüefig demnegscht ha

Naja die 420.-.... das isch warschinlich eifach de Lischtepriis, wenn nach dem gasch choschtet en Satz Pilot Power ~720.-. Natürlich chunsch die normalerwiis fill biliger über will au nöd jede Händler sonen Abzocker isch und irgendwie 200% uf de Iichaufspriis drufschlaat ;).