Billige Reifen

Hetsch vor ein Monet müese säge! Jetzt han i scho so türi kauft! :(. Aber s'nächscht Jahr weiss i's dänn. Han jetzt glaubs Pirelli druf. Händ e geils Handling :D.

Was da eifach isch chunsch soferns de Reife scho so lang git immer en alte über. Also 2-3 Jahr alt chan guet sii.

Und musch no eini finde woder die uufziet. Di meischte Händler macheds nöd will si de Hauptumsatz mit Reife und Service mached Sprich pissischem under Umständ rächt as Bei wenn so aachunsch ;). -> Zersch fröge öbers wür mache.

Jo äbä und suscht gits immer no Pneu-Elemann für diä us dä umgebig.

oder mer god si es dütsche go chaufe
das chamer de jo au metemene türli verbende ond die grad dete lo uf zie

Gratis!?!? So schön wett i's au ha! . Guet, ich chume defür jenschti Copmuterwar wo mer nüme bruched gratis über.

Zitat

Original von Wolverine
Gratis!?!? So schön wett i's au ha! . Guet, ich chume defür jenschti Copmuterwar wo mer nüme bruched gratis über.

Cool!! Häsch no en alte PC ume womer als Server chönnt (miss)bruche??

jetzt fangt das da au a... mini meinig zu dem thema:

bim auto keis problem, fahre audi und d amag isch ned druf agwise, dass ich det sautüüri pneu gang go chaufe. au bin i det nie zum öppis frage.

bim töff isch es andersch. vil töffhändler sind uf die paar franke agwise und werded (zurächt) sauer, wenn mit eigne pneu/öl/etc. chunnsch. vor allem wenn mer susch amigs mit chline "problemli" gaht go frage und erwartet, dass sie sich ziit nämed. isch halt es gäh und näh.

ned das es ändet wie in dütschland. die ganz geiz-ist-geil mentalität het au ire bitrag zu irere ned ganz es tüüfe arbeitslosigkeit gleischtet...

wie gseit, mini meinig.

triplegrüess

Also bi mir Händler isches so das wennmer ihn ünderstützt er eim au entgege chunt mit de Priise usw. Bin de Meinig das en guete Kontakt zum Händler au was wert isch.
Guet, chunt halt au immer chli uf de Hüänhdler aa. Ich han di beschte Erfahrige mit chlinere Buude gmacht wos auno freud ade Sach händ und nöd nume uf de Stutz lueged wie i gwüsse grössere Töffgschäft .

Zitat

Original von Spike
Also bi mir Händler isches so das wennmer ihn ünderstützt er eim au entgege chunt mit de Priise usw. Bin de Meinig das en guete Kontakt zum Händler au was wert isch.
Guet, chunt halt au immer chli uf de Hüänhdler aa. Ich han di beschte Erfahrige mit chlinere Buude gmacht wos auno freud ade Sach händ und nöd nume uf de Stutz lueged wie i gwüsse grössere Töffgschäft .

genau, mängmal isch es gold wert en guete rat z becho und defür amigs es paar franke meh als bim discounter abzdrucke!

han au scho bi reifendirekt pneus für s'auto bstellt:
bin eigentlich sehr z'friedä gsi, han aber s'glück, dass
dä kolleg si mir het chönä ufzieh! denn mir chan
ja über reifendirekt au grad än montierer ussäsuchä,
jedoch händ diä rächt g'salzni prisä!!! was das ganzä
nümmä so billig macht!!! jaja...

für diä wo uss äm kanton züri chömet, würd ich mal
entpfehlä zum pneuhaus wegmann(dagelswangen/
effretikon) z'gah, denn
dä het würklich sehr gueti prisä, besser g'seit
ich känn kein pneuhändler/töffmech wo mit dänä
prisä chan mit hebä!!!
viellicht loht sichs für der eint oder ander!!!

also. ech wet etz do au no öpis dezue säge.
speedtriple.ch
ech gebe der rächt, dass die chline meche das gäld bruched. nor chanis iergend wie ned versto, dass mer em dütsche reife gönstiger öber chond als si de mech zom ichauf hed. sowit zo dem.
min mech esch au en chliibetreb. send de chef, ein agstellte ond en lehrling... ond genau dä mech hed mer gseid, er häig nüd de gäge, wenn ech die reife amene ander ort chaufe sprech em dütsche. er wössi jo, dass ech de nochhär die be em chäm cho ufzie. ond das esch för mech de sprengendi ponkt. s material amene andere ort chaufe ond de bem stamm-mech lo montiere esch glaub sälte es grosses problem. schliesslech verdiened die eres gäld au hauptsächlech met de dienstleistige.
we du scho gseid hesch. es esch es gä ond es nä.

Zitat

Original von Peak
s material amene andere ort chaufe ond de bem stamm-mech lo montiere esch glaub sälte es grosses problem. schliesslech verdiened die eres gäld au hauptsächlech met de dienstleistige.

Das hani genau andersch ghört, also bis ez bisch de erscht miteme Mech womer das chan, bzw wos sogarno in Ornig find. Ich chan das bi mim scho au mache, eifach gits nacher kei % uf anderi Sache und Arbet und dänn wirds a andere Ort tüür.

Han das eimal gmacht und nacher chli mitem Mech diskuteirt über das Thema. Haupterwerb isch luut ihm ebä grad Reife, Material usw. Klar Dienschtleischtig au, aber mit dem Stundelohn wo er dänn würklich chan verrächne chunter glaubs nöd wiit.