Töff Kleider

Hm ja de MAder hät e riise Uuswahl.
Und im dütsche isches fill biliger, musch eifach grad alles ufs Mal chaufe demit sichs lohnt ;).

also de mader hed en riiiiiiiise uswahl. was sech au no lohnt esch de sliverstone park en lozärn. de hed es liquiadtionslager. det chonsch teils sache bes 50% gönstiger öber.
dütschland esch werkli vel belliger. dafsch eifach ned grad noch de gränze go. en stuttgart heds en stross, wo öpe 6 töffläde dra send. das lohnt sech de scho. ond de no verzolle ond du hesch es ganz es guetz gschäft gmacht müestisch aber scho fascht s 4te go, dass es sech de au werkli lohnt bes of stuttgard z fahre.

Obwohl jetzt scho einig was gmeint händ vo wege Poloshop.de isch nid guät muäs ich das chli dementiere....Han bis jetzt scho alles dete kauft und bin meh als z'friede.

Viellicht machts en Unterschied obner uf Konschtanz fahrt oder ob mes im Online shop bschtellt wo jo vieli schlechti Erfahrige gmacht händ!?!

Bi grad letschti dete gsi, ha für knapp 300 Euro ikauft und dä Oberhammer isch gsi, wo dä Verkäufer uf dä Quttig nur das tippt hät das ich nid über dä Grenzbetrag chum wegem verzolle...
Isch doch bös zuvorkommend, oder??
ALso vo minere Site her chan ich dä echt empfehle

Jaja also ich denkä au das Polo nöd soo übel isch, chunt halt au drufah was würklcih muäsch ha.

Everlasting
du chasch au verzolle went weniger als 300 franke betrag hesch. muesch de eifach säge, dass es wotsch verzolle. ab 300 franke muesch es halt verzolle. vorhär esch es "freiwellig".

hmmm, 300 Euro währet jo denn über 300 Franke - wenn dänn aber uf dä Quittig nur d'Hälfti druf häsch chasch ja mit guätem Gwüsse säge das nid willsch verzolle...oder ebä nüt zum verzolle häsch.

Zitat

Original von Everlasting
hmmm, 300 Euro währet jo denn über 300 Franke - wenn dänn aber uf dä Quittig nur d'Hälfti druf häsch chasch ja mit guätem Gwüsse säge das nid willsch verzolle...oder ebä nüt zum verzolle häsch.

=> Richtig

Zitat

Original von Everlasting
=> Richtig

Yesssssss, mir verschtönd eus

Jo aber isch doch sowiso wägäm cash nöd so schlimm oder tüscht das? Chunsch jo den diä riiisä MWst vo dä Dütschä i dä schwitz wieder retour über went d'Wahr regelkonform verzollsch.

Also ich chaufe alles i de Scheiz. Han aber us gueter Hand glaubs en Tipp übercho das am nächste Samstag eröffnung vonerem Polo Shop ca 400 quadratmeter in Horgen Eröffnet wird. Will dhand nöd is Feuer lege , gange sicher go luege und wird wieder bricht abgeh.
Mir isches eifach zdoof is deutsche fahre um kleider zposte, denn ich will de schweizer markt fördere und nöd de dütschi. Ich chume usem Transport und liede selber drunder das mer immer me is dütsche gaht go poste und eusi wirtschaft defür immer schlechter wird.
Darum gang ich da go pöstele, bin halt en bequeme. Lach

@ milan

ich gib der rächt. ich wett au lieber de schwiizer märt fördere, als de dütschi. aber wenn ich i de schwiiz für es schwiizer-produkt fascht s'dopplete zale, denn muess ich eifach uf's gäld luege.
vilicht setted sich gwüssi hersteller sich eifach es paar sache überlegge?!?

Hmmm, muäs am Milan und am Mercutio zuäschtimme....Das isch hald sone Sache vo wege d'Schwiz unterstütze Milan und bin jo scho au für das aber wiä dä Mercutio wiederum seit ziähts mich denn hald scho dete hie woni denn hald würklich viel billiger zu mim zügs chume....D'Konsumente wirds au in Zuäkunft immer meh is Usland triebe bi dere Wirtschaft weil me fängs eifacht muäs uf's Geld luäge!?!

Aber Milan, wenn dä Shop denn tatsächlich eröffnet wird chunsch uf mich zruck - würd au na mitcho Denn teschtet mir dä lade mol

Jep das isch äs Problem mit dä Priisä i dä Schwitz aber ich glaubä das ligt meh am CH Hauptverteiler als am Ahbüter... Äs isch aifach problematisch wiä d'Chaufkraft vo dä CH abnimmt und die logisch folg drus, isch definitiv, dass mir is Usland gönd go pöstälä...
Mol luägä wo das anäführt.