en frog a öisi elektroniker

    Ech ha jo be mer en led Nommerescheldbelüchtig gmacht. leider heds mer do die 3 LED's botzt.

    Etz machi das ganze no mol ond due d leds nöm serie sondern parallel schalge. de mues aber en vorwederstand häre. stemt das so:
    [Blockierte Grafik: http://img8.exs.cx/img8/8734/schema3ow.jpg]

    oder muese för jede led en einzelne wederstand nä? so weni das mol vor langer ziit e de bruefsschuel glehrt ha, müesst das e so jo go. oder?

    Triumph - Egal ob Unterwäsche oder Motorrad :engel:

    Einmal editiert, zuletzt von Peak (12. April 2005 13:05)

    sött eigentlich funktioniere so...

    <center>Wenn eine Frau fünf Minuten nichts sagt, ist es an der Zeit Wiederbelebungsmassnahmen zu ergreifen.

    danke scooby. de weisi jo jetzt was ech bstelle mues.

    Triumph - Egal ob Unterwäsche oder Motorrad :engel:

    Jojo müäst scho passä also ich han jo kei Ahnig, aber han do lüüt i dä Budä wo das verstönd.

    RACING IS LIFE...ANYTHING THAT HAPPENS BEFOR OR AFTER... IS JUST WAITING

    Also, han das nomal abklärt!

    Sötsch am beschte en 196 Ohm / 4 Watt Widerstand neh!!

    MFG

    <center>Wenn eine Frau fünf Minuten nichts sagt, ist es an der Zeit Wiederbelebungsmassnahmen zu ergreifen.

    Wie chömet dir de uf öii Widerstandswerte? Also mit dere Schaltig hesch jo 13V-3.5V=9.5V uf em Widerstand, mit em Strom vo 60mA (20mA pro Diode) chumeni so ufne Widerstand vo 158Ohm, nid 198. D Leistig wäri 9.5V * 60mA = 0.6 Watt.

    Also würdi i däm fall e 180 Ohm 0.7W Widerstand nä. So gnaui Werte wie berechnet chame nid choufe.

    Aber wüu die Ström und Spannige vo dr Diode recht ungerschidlech si (Herstelligstoleranze) ischs z empfehle für jedi e einzelne Widerstand z nä! Also immer Widerstand + Diode serie, dänn die 3 Paar parallel. Aber de wird d Berechnig wider chli anders :winking_face:

    Zwei Dinge sind unendlich: Das Universum und die menschliche Dummheit. Nur bei dem Universum bin ich mir noch nicht so ganz sicher. (Albert Einstein)

    Jo also gseene das öppe glich wie de Milhose :). Vode Leischtig her hani ez nöd grächnet obs langet aber bi mir gaht dSpannig ade Batterie glaubs öppe uf 14V wenn de Töff lauft....

    "Ich glaub wemer aständig fahred fallts glaub nöd so uuf oder?" (Zitat: V|rus zum Yoshimura RS3)

    also mini bordspannig esch be laufendem töff be 12.92V.

    wasi gfonde ha send 158o hm 0.6W Wederständ. met dene söti das amel go oder? ech glaube ech maches met eim wederstand. mol luege. das werd secher go. es esch jo au es ziitli gange woni d diode en serie ohni wederstand gschalte gha ha. halt eifach ned so lang *g*

    Triumph - Egal ob Unterwäsche oder Motorrad :engel:

    2 Mal editiert, zuletzt von Peak (12. April 2005 15:19)

    Aber die huere Widerständ choste doch öppe 40 rappe, nim gschider 3 :winking_face:

    Ir Elektronik ischs immer guet weme chli Reserve het. Dorum würdi dr o empfehle e chli grössere Widerstand (-> chli weniger Strom) mit ere chli höchere max. Leistigsufnahm z nä!

    Zwei Dinge sind unendlich: Das Universum und die menschliche Dummheit. Nur bei dem Universum bin ich mir noch nicht so ganz sicher. (Albert Einstein)

    Ich würd au 3 neh, au wens mit einem goht. Weiss jetzt nöd öb das stimmt, aber went nur ein Wiederstand häsch und den butzts dir us irgendwelchä Gründ ä Diodä, häsch uf dä anderne jo den uf eimol z'vill Saft. Das passiert dir aber bi 3 wiederständ nöd. Oder gsehn ich das falsch? Verdammt isch glich scho 4 Johr her diä schitten elektrotechnik.

    RACING IS LIFE...ANYTHING THAT HAPPENS BEFOR OR AFTER... IS JUST WAITING

    Stimmt, da hani nidemau dra denkt :face_with_rolling_eyes: Aber bi jo ou ersch im 4. Semester haha :grinning_squinting_face:

    Zwei Dinge sind unendlich: Das Universum und die menschliche Dummheit. Nur bei dem Universum bin ich mir noch nicht so ganz sicher. (Albert Einstein)

    also nor dasi mech ned total irre. de chönti die 158 ohm / 3 = 52.6666 Ohm. demfall wörd ech 3 60 ohm 4Watt wederständ bstelle. esch das rechtig?

    Triumph - Egal ob Unterwäsche oder Motorrad :engel:

    Nä ä du muesch * 3 = 475 Ohm, je chliner dr Widerstand desto me Strom fliesst :winking_face:

    Und wie chömet dir aui immer uf die 4 Watt :face_with_rolling_eyes:

    Zwei Dinge sind unendlich: Das Universum und die menschliche Dummheit. Nur bei dem Universum bin ich mir noch nicht so ganz sicher. (Albert Einstein)

    also wenni das jetzt rechtig verstande ha, mues vor jedi led en wederstand met 475 Ohm. Rechtig.

    ech chome langsam nöm drus :confused_face:

    Triumph - Egal ob Unterwäsche oder Motorrad :engel:

    han eifach ma d formle gschribe wode bruche chasch! obwohl dini frag villecht scho beantwortet isch

    (1/R)+(1/R)+(1/R)= (1/Rgesamt)

    u=volt
    i=ampere
    r=widerstand

    u=r*i

    r=u/i

    i=u/r

    [SIZE=3]

    --the audience is listening--

    [/SIZE]