Wott jetzt endli Töff fahre :-P:

    Hey zäme,


    Sit Jahre wetti mir scho en Töff zuelege, bisher hät mir aber entweder d'Ziet gfehlt, für Prüefig oder au zums würkli chöne usnütze oder denn s'Geld zum Auto und Töff z'underhalte...


    Ez gseht d'Situation aber andersch us und wett drum namal en Alauf nä. Mit hoffentli paar Tipps chli erfahrene Töff-Gurus :grinning_squinting_face:


    Zu mir:
    Bin 29, Wohne in Kloten, han Betriebsök gstudiert und schaffe i de Telekom-Branche.
    Wer me will wüsse -> fröge :winking_face:


    Min Töff-Werdegang:
    Churz und knapp: hani nonig:-P -> bin no nie uf eme Töff ghocket (ah moll mit 12 glaub mal bim Cousin hinnedruf) Suscht bis anhin eher de Velofahrer gsi.


    Vor allem für de Arbetsweg wäri de Töff halt au praktisch willi leider kein AutoPP han am Arbetsplatz.
    Aber natürli au für es paar Tüürli mit Kollege und Fründin


    Min Wunschtöff isch momentan e Suzuki GSX-R ganz in Schwarz. (Evtl. gits no anderi Hersteller und Type wo ähnlich sind wo allefalls Ihr e gueti Empfehlig hettet?)
    Wichtig isch dass es en Sporttöff isch und ganz in schwarz erhältlich.


    Was haltet ihr für e gueti Methode a min Töff annezcho? selber online sueche oder mal zu eme Händler spaziere? Würd e Occasion (nöd zu tüür) welle zuetue.


    Ah und wenn mer grad debi sind. Töff bekleidig brüchti au no, hettet ihr dadezue grad en heisse Tipp?


    Wünsche eu en schöne Tag (vor allem denne wo e Brugg händ chönne mache;-))


    Gruess
    Sirmatt

    :welcome: to the Club :thumbup:
    Wo ein Wille ist, ist auch ein Weg :thumbsup:


    Im INternet luege isch glaub scho die best MEthode...immer d'Auge und dOhre offe phalte und binere super Occasione zueschla...
    Was isch denn die Budget?


    GIXXER ischnöd wücklich es Afänger-Bike, aber alles isch machbar wenn dLiedeschft da isch. (Han sälber au miteere Supersportler agfange)
    Bechleidig würdi in Dütschland chaufe...sehr viel günstiger...Internet würdi nöd empfehle da dWar scho muen sitze und passgnau sie...dete würdi ischerlich niemals spare, will das isch din einzige Schutz...Also Rindsleder und Zertifizierte Ware(Helm,Panzer etc.)...aber ebe, isch au e Priesfrag...Bspw. mien Helm alleige hat knapp 1600.- kostet....Jacke ebefalls 1000.-(Dainese-Ducati Rindsleder) also chans ziemlich is geld gah...Am Afang würde vilicht nöd gaht sGeilste sondern lediglich Sicherste chaufe...evtl, leids di mal am afang und dann bisch au froh wenn nöd en HElm vo 1600.- muesch wegwerfe....


    So....die andere da Inne werde dir sicherlich no es paar Tipps meh chöne geh und falls Frage häsch, eifach fröge :thumbup:
    Saluti
    D4L

    Fehlende PS werden durch WAHNSINN ersetzt ! :devil:

    "Brugg hend chönne mache" ish guet :face_with_tongue: Han gar ned frei gha :winking_face:


    Also zersht schnell zude Bekleidig, chasch natürli immer im Ricardo etc. nach Schnäppli sueche (gilt au für de Töff)
    Aber ich bstelle vill vom Polo: http://www.polo-motorrad.ch/ oder http://www.louis.de/. Ish natürli s'Problem dass es passt. Vo dem her würdi scho inen Lade gah.


    Wegem Töff, settisch der halt bewusst si dass d'GSX-R halt ned grad s'optimale ish zum go schaffe, oke de wär wohl en Roller am beschte aber du wetsch ja ide Freizit au go fahre :winking_face:


    Anderi ähnlichi Töff (wetsch du GSX-R 800 oder 750 oder 1000cc? ): Yamaha R6, Honda CBR 600, Triumph Daytona 675, Ducati Panigale 899 (chli tür :grinning_squinting_face: ), Kawasaki ZX6R. Denne die grössere Liga gits natürli: Yamaha R1, CBR 1000, Panigale 1199 und Kaw. ZX10R.


    So da no paar cooli vo denne in schwarz:


    GSX-R:


    http://www.motoscout24.ch/de/d…5&vehid=2363223&vehtyp=60


    http://www.motoscout24.ch/de/d…5&vehid=2343266&vehtyp=60


    http://www.motoscout24.ch/de/d…5&vehid=2300458&vehtyp=60




    Ich luege immer uf Motoscout, oder Motorradhandel.ch. Git natürli au uf Ricardo, Gratis-Inserate etc. Oder gasch bim Händler verbi, dete isch de Vorteil dass meischtens Garantie hesch! PS: bi motorradhandel chasch au Händler uswähle!

    Benzin im Blut, vom Töffli Bueb zum Ghostrider.

    Danke für Willkommensgrüess:-)


    PandoricRiders: So schlimm chans ja denn au nöd si, wenns zum Forumschriebe langed :face_with_tongue:
    Warum isch d'GSX-R nöd optimal zum go schaffe? wege Churzstrecki?
    Danke für d'Vorschläg gange die bi Glägeheit go aluege. :smiling_face:


    Ducati4Life: hani nöd zum erste mal ghört das es Sportbike nöd de optimali istieg isch. Allerdings wetti unbedingt es Sportbike und drum haltis für sinnvoll, au grad uf eim z'lerne. Lieber schwieriger bim lerne defür chani denn immerno uf es eifachers umstiege als umgekehrt :face_with_tongue:


    @ BEID: Glaube bi de Bekleidig isch momentan sicher de Punkt wo i am wenigste spare will. weiss ja noni wi talentiert ich bin -> denn schaded es bitzli bessere Schutz sicher nöd. drum würdi scho in en Lade und au vor Ort-Beratig in Apsruch welle nä. Dütschland hani au scho ghört. Gits da en Lade in Gränznächi?


    Zum Töff: öb 600, 750 oder 1000 spielt eigentli weniger e rolle. glaube 600 würdi lange aber je nach agebot wetti di andere nöd usschlüsse.


    Budget. Für de Afang natürli möglichst Günstig, aber en aständige Töff für CHF 3'000 isch nöd ganz realistisch glaub. (Aber grad am Afang wärs no praktisch wenns no chli en ältere wäri (i guetem Zuestand) defür chli günstiger...) alles in allem (Töff und bekleidig) sötts CHF 10'000 nöd überstiege. (s'Absolute maximum) Optimal wäri CHF 5'000.


    Da ich vo de Töff nöd so Ahnig han, also Zustandsmässig uf was me achte muen, wäri mini Idee gsi: Zu eme Händler spaziere und mini Vorstellige kundtue i de hoffnig, dass de händler mir en guete Töff findet, wo denn halt evtl bitzli meh choschtet als wennis Privat kauft hetti, defür hani e alaufstell bi problem und ebe allefalls sogar no bitzli Garantie. Isch das e völlg dämlichi idee?


    Danke und Gruess

    Gixxer in schwarz: git nüüt bessers. Gar nüüt :grinning_squinting_face:


    S wichtigschte für e Beratig bim Töffchauf isch s Gäld wod defür wettsch usgeh. Aso nur für de Töff, ohni bekleidig etc.

    Einer ist immer schneller - zum Beispiel ich :winking_face:
    Quod gratis asseritur, gratis negatur

    Nöd so optimal für ide Stadt will:


    1. D GSX-R ned so wendig ish


    2. Ned so schmal ish das überal düre cho würsch


    3. isches en Sport Töff, baut zum schnell fahre.


    Aber es gaht natürli scho, setit keis Problem si! Eifach im Rege ufpasse :winking_face:


    Zum Töff: Füre Afang lenged 600ccm sicher. Ish au billiger (de Töff) und Abgabe wie Stüre und Versicherig.


    Vode GSX-R gits verschideni Version K5/K6 etc. chasch ja mal chli Google und luegsch weli die erscht isch woder gfallt. Finde z.B. K5 gar ned schön :frowning_face:


    Wennd Glück hesch gits ja grad bimne Händler e schwarzi wosi verchaufet.

    Benzin im Blut, vom Töffli Bueb zum Ghostrider.

    @Pandoric:


    1. Wendigkeit bruchsch doch nödi de Stadt. Det gahts eh immer graduus oder über e Chrüüzig. Höchstens bim Rangiere hesch echli en grössere Wendekreis, aber Nakeds i de gliiche Hubruumklass sind da nöd wesentlich besser.


    2. Supersportler si d die schmalschte Töff wos git (wieder bi gliichem Hubruum). Vllt isch e Sumo no minim schmaler. S breitischte Teil ame Töff isch ja meischtens de Länker.


    3. heisst nöd dass mer nöd chan langsam demut fahre.


    De Arrigoni verchauft e schwarzi 1000er 2010er Modell ( technisch gliich wie 2014) NEU für 13'000.-, normal choschtet sowas über 20'000.- . darum, chunnt würkli uf dis Budget drufaa.

    Einer ist immer schneller - zum Beispiel ich :winking_face:
    Quod gratis asseritur, gratis negatur

    Boo


    1.Ja ich han natürli scho gmeint so wenner irgendwo parkiert, bis ich nurscho mit mim 50zger mal irgendwo usechume (Han bim VKU sone super Parkplatz gha :face_with_tongue: ). Und ja kenne mich halt mit de Naked Bikes ned so us, hetti denkt die sind ev. besser aber demfall ja au ned :face_with_tongue:


    2. Meinsch echt de GSX-R isch schmaller als z.B. e SuperDuke? Hetmi anderscht dünkt aber chan natürli guet si. Oder wenn der de RoyalJordanian mit de Husqvarna Nuda uf YouTube aluegsch, wo de alles dure chunt :winking_face:


    3. Hani ja ned gseit dasmers ned chan :face_with_tongue: Meine me us Prinzip aber bringt ihm natürli ned vill simmt.


    Sirmatt Ich gseh übrigens jede Tag ufem weg is gschäft eine mitere GSX-R. Irgenden Bauarbeiter, fahrt au bi rege wie ich, also es gaht scho :winking_face:

    Benzin im Blut, vom Töffli Bueb zum Ghostrider.

    Oh wow da räblets ja nur so :smiling_face:


    Danke für euri Inputs.


    Also das heisst wenni mis Budged so uf CHF 5'000 +/- 20% würdi asetze, denn würdi no öppis bruchbars finde?
    Uf was mues me so luege, dass me nöd i e Falle tappt?


    Demfall heissts ab sofor d'Auge offe bhalte :smiling_face: Und evtl. dänkt ja öpper vo eu a mich, wenn ihr über e occ Suzuki gsx-r 600 stürchled... :smiling_face:


    Lernfahruswies mueni au no beaträge :face_with_tongue:


    Haha das wird mir ja was wenni s'erstemal druf sitze... :face_with_tongue:


    Gruess
    Sirmatt

    Zitat von Sirmatt

    " Haha das wird mir ja was wenni s'erstemal druf sitze... :-P"


    lass es besser nicht so enden: https://www.youtube.com/watch?v=Q9zNUPDmnz4
    gleich frisch gekauft von der Garage :grinning_squinting_face:


    Mit 5'000 CHF wird's dann aber schwierig gleich noch eine schwarze zu finden :face_with_tongue: Die älteren Modelle sind in diesem Preissegment vorhanden, jedoch meistens Standart-Farben:


    http://www.motoscout24.ch/de/d…5&vehid=2330551&vehtyp=60


    Viel Glück! Und werde sicher die Augen offen halten für dich!

    Benzin im Blut, vom Töffli Bueb zum Ghostrider.

    @Pandoric:


    Nur so es paar ergoogleti Date


    Töff/Länge/Breite/Höhe/Lenkebreite


    Superduke 990/2080/910/1235/750
    KTM 950SM/2170/870/1350/745
    Husky Nuda/2190/895/1220/800
    GSX-R1000/2030/710/1130/630


    Noch Fragen zur Grösse/breite eines Supersportlers? :face_with_tongue:


    Sirmatt


    für 5 Mille kriegste schon was. Aber wahrscheinlich nicht deinen Traumtöff in deiner Winschfarbe...
    Schau dass du bei ner 600/750er ab Modell K6 (Jahrgang 2006) suchst, das war technisch ein grosser Sprung zum Vorgänger. Aber weil fie K6/K7 so geile Maschinen sind (mit dem besten Originalsound aller Zeiten), findest du die nur sehr selten auf dem Markt. Und ab K8 wirds dein Budget übersteigen. K4/K5 ist ok wenns sonst nix gibt. Bis K5 gibts aber (bis auf die 1000er K3 Special Edition, ich kenne jemanden, der so eine verkaufen möchte btw und die 1000er K5) imho keine Gixxer in komplett schwarz.

    Einer ist immer schneller - zum Beispiel ich :winking_face:
    Quod gratis asseritur, gratis negatur

    Einmal editiert, zuletzt von Boo ()