Einige Fragen

Ach und Beschleunigungsverglich.

Die guete Roller hützutage möged eppe glichguet beschleunige. Mengisch ish mal eine schneller, mengisch bisch mitem gschaltete au schneller.

Aber mitem gschaltete bisch sicher im Vorteil wenn: es berg uf gaht Dete lahni jede Roller zrugg.

Mitem 6 mal schalte uf 90km/h, das isch ned so schlimm. Gwöhnt mer sich schnell drah. Klar alli wo da e S1000RR hend und im ershte Gang uf 130km/h chömed, findet das schreklich, aber wenn vorher nüt anderes kennsch, isch das egal.

+Mitemne gschaltete machts meh Spass go toure fahre (einersits au will mer eher d'Chance het mit grössere mit fahre derfe, mir gend au immer mit einem wo e 125er het). Alli Kollege mit de Roller gend selte wirklich go fahre, wills fahre wend. Macht halt ned so Spass wennd wie ufere Bank sitzisch. Wegem Helmfach, klar ich blöd wemmer de Helm die Stadt immer mit neh muess, aber zumindest ich chan demit lebe. Chasch en au undere Sattel chlemme (also de Helmverschluss) aber die Stadt isch scho paar Kollege nocher eifach de Bändel abgschnitte worde, und weg ish de Helm.

Zitat von Koolboy

Haha do irrsch dich. Das huere swag isch mer scheiss egal. Aber de Aprilia wör mer meh gfalle
Klar, kei Helfach etc. Aber de chamer halt mitneh.
Bi wa sind denn die aafälliger als roller?

voilà
ich han keis Problem demit. Isch ja klar gseht esones schaf im wolfspelz besser us als en Roller.
Weiss nöd obs afälliger sind, aber wänd was häsch choschtets eifach viel meh.
En Roller bisch au die ganz ziit vollgas am chnüttle, die hebed au nöd würkli lang / länger als sone rs50 glaubi.
80-90 wär de roller gsi, 90-100 resp. knapp drüber hani gschribe für d rs50.

Aber ufs Tempo würi mi nöd verstiife, was ufem tacho schtoht und wases würkli isch isch nöd unbedingt s glich. je nach modell häsch grösseri oder chlinere tachoabwiichige. bim einte sind 110 glich wie bim andere 103 kmh.
chaufen doch eifach wänds gäld häsch. spricht ja nüt degäge. dases unvernünftiger isch weisch ja jetzt, aber wenn all töff nur us vernunft chauft würded würded ja all bmw's fahre

nomol: wär ich wieder 16ni und het s gäld: ich wür mer 1000% e rs chaufe anstatt en roller.
au wänn en roller praktischer wär.

Ja ich weiss ned was die gmacht hend dass si 105 laufed, komische Tach odr so Bis jetzt hani no keine gseh wo Original so schnell lauft. Zwar seged alli Kollege immer: ja weish mine ish voll guet, lauft so knapp über 100!. Nacher chund us dases liecht berg ab gange ish amne warme tag mit Rückewind

Han en 72ccm Zylinder i minere TZR gha und bin nume uf 108km/h cho. Isch glaubs unterschidlich, mengisch sind halt echt so schnell. Wobi glaub mer, wirsch selte s'Verlange ha 105 z'fahre anstatt 83. "Derftisch ja ehh numme uf de Autostrass 100 fahre, süscht isch ja maximal 80 usserorts.

Was meinsch mit? "Und wenni mit em rs4 ca. 200 km schaff, bini z Friede"?? 200km lang fahre? Das wär denne mega wenig! Ich bin jetzt die letschte 3 Mönet scho 2'000 Kilometer gfhare (und es ish ned vill schön gsi dasmer wirklich go fahre chan).

Und ja wenns Geld hesch denne klar, chauf de wo dir am beschte gfallt! Egal ob jetzt de eint oder ander paar km(h meh fahrt, uf das würdi ned luege

Aber denk drah, de Töff ish ned s'einzig wo choschtet. (Zahle sind für Luzern) ->

-Nothelfer Kurs: ca.50.-

Theorie Prüefig: 30.-

Lernfahrausweis: 50.-

Praktischi Prüefig: 100.- (ev. no Fahrstunde, muesch aber keini neh)

Verkehrskunde Unterricht: ca. 200-300.-

Grundkurs: ca.250.- 350.-

Töff Usrüschtig: Je nachdem was alles aziehsch. Ich han volli Usrüschtig und han eppe 800.- zahlt. Und das isch eigentlich recht billig für Jacke, Hose, Handschuhe, Helm +dunkles Visier (Schueh hani Winterschue woni azieh )

Denne Versicherig: bi mim 320.- im Jahr

Gesetzliche Abgabe/StrassenSteuer: Sind galubs um die 60.-

Benzin: Mine brucht eppe 4.5L uf 100km. Also chume ca. 300-350km wit (je nachdem wie du fahrsch hochturig/tüfturig).

Volltankig: ca. 25.-

Denne Küehlwasser 1L: 10-30.- Muesch aber ned oft nachefülle. (ned nume destillierts Wasser! Im Winter (unter 0*)gfrührt das süscht, denne hesch grad en Motorschade)

2-Takt Öl 1L: Chauf immer voll-synthetisches! Schont de Töff, denne lauft er au besser -> 25.- (muesch au ned oft nachefülle).

So jetzt hani gnueg gschribe

Ahh, ja 200km schafsch locker mit allne. Unterschied vom Tank her isch meischtens knapp 1Liter. Also chunsch mit allne eppe glich wit.

Versicherig wird zimli sicher eppe glich tür si ja. Chasch süsch da mal bide Axa usrechne lah:

https://www.axa-winterthur.ch/…erung/Seiten/default.aspx (Eifach uf Prämie drücke)

"mir hend do Abschnitt wo über 80 erlaubt isch" Das glaubi chum ussert ebbe Autostrass. Aber 100 fahre macht kei Spass mitemne 50zger glaub mer. Da fahrsch lieber ufde Landstrass mit paar Kurve defür hesch chli länger. Und ja wennd schnell fahre es Thema ish, denne müstisch fasch probefahre bis eine findsch wo so schnell fahrt. Aber ebbe, fahred alli eppe glich schnell.

Da wotti en Bewiis gseh, susch glaubt der das krn Mensch...

Also zum da mal evt. chli liecht is dunkle bringe: Ich han mal e TZR 50 gha.
Ich denk 100-105 sind generell drinn, chunnt aber enorm ufs gwicht vom fahrer ah, sowie ufd strecki und öbs bergab gaht.
Ich bezwiifle das mitere stock rs4 oder was au immer i jedere situation uf 105 chunnsch, usserdem isch bi dene gschwindigkeite denn de tacho na viel ungnauer.

Ich chans verstoh wieso sones 50gerli (und das meini nöd abwertend) fasziniert, mir lernt halt gad chli de umgang mit de kupplig und weisch schomal wo alles isch wemer denn an grosse anemöcht..wenn du aber sowieso seisch wottsch nacher autofahre, würdi ehner en roller neh.
De Vorteil dete gsesch eifach enorm bide chöschte, segs benzin oder reparature oder service. und es isch vieeeeeel bequemer


Aber ebe, ich denk du hesch dich scho lang entschiede

Zitat von Wheeler

Ich denk 100-105 sind generell drinn, chunnt aber enorm ufs gwicht vom fahrer ah, sowie ufd strecki und öbs bergab gaht.

Ja wenns bergab gaht schaffi natürlich scho 105km/h, au de RS4 und de RS.