Guete tag liebs forum, heijooo de ws het mal wieder es erlebniss gha. ich glaub, mit de tcs telefon frau bini jetze de per du 
Hejoh, churzfassig, mich hets an bodegrüehrt 
Ich han chnüweh, und de duume allweg quetscht susch ehtt sech na nix bemerkbar gmacht.
Da ganze isch so abgloffe, ich han welle es türli im Jura go mache, bin mi lieblings weg gfarhe richtig schwengi matt. und ja, direkt unterem Pflegeheim Dahlia hetts e chli e heimtückischi kurve womer meint me chennt se schnell fahre, aber plötzli wird si enger als si usgseht, u ja, ke ahnig wieso, will eigentli kenn ihg die streckie besser als mini hosetäsche, aber bin z schnell i die kurve inne, da han ich halt liecht welle bremse damits lengt, bin ned sooovil z schnell gsi, vilech 5 kmh z schnell u ja, hett ich d brems ned ahglengt wär allweg nix passiert, da ich immer na kes gspühr für d Hinterradbrems han, hani vore liecht bremst, ha plötzli en ruck geh, het sech aber namal gfange, u ner isch ganz schnell gange, nechste was ich weiss isch das mis vorderrad d haftig verlürt u wegschmiert, ich rolle übere Asphalt zerst hinterem töff, ner einisch weis ich das ich en vo vore gseh, u de bewegt sech nüt meh. nur s Gusgusgusgus, vom motor im Standgas ghöri na, auge uf. ke bluet am visier nüt, also visier uf, u de s sunnevisier laht sech net würk lah ufeklappe. also ich bin würk umgheit ha da nit träumt. helm abzoge töff gsuecht währendem ufstoh, de isch nebedrah uf de stross glege. isch was usgloffe, benzin u was us de gable. han scho gseh das es en grosse schade isch, zerst probiert ellei ufstelle nid gange bin z zittrig gsi, also mal umegluegt, paar lüt gseh denne grüeft ebs mer schnell chennt helfe, sind cho, s zwöite hemmer de töff an rand gstellt und han na gfragt ebber gseh hett wa passiert isch, er druf: "nei hans nur ghört quiettsche ner e knall ner nüt meh" oke de spuure nach han ich d brems ufemne bitumestreife ahtippt, würk nur ahtippt meh hani nid gmacht. ja da hett glengt.
han am tcs nummer usegsuecht welle telefoniere, u de sind zwei jungi Männer ahghalte womer de ghulfe hend d Sugus ganz ab de strass z tue. mir hend se ufs troittoir gstellt. TCS ahglütte und abschlepp wage pstellt. debi usdrücklech gseit das polizei nid nötig isch, und ich au ke verletzige ha wo chrankewage bruuchti.
ner während ich uf hilf gwartet han u ghofft das würk ke polizei chunnt, ha ke lust de uswiis abzgeh wege mire eiget blödheit 
Hett e gruppe töfffahrer usemne kanton mitemne blauwiise wappe, luzern oder Züri, oder Zug ahghalte u gfröget ebs mir guet gaht. alles bejaht und na schöne tag gwünscht u unfallfreii saison 
ner isch en Rot honda cho womer bekannt vor cho isch. de hett ahghalte und de jung typ, nid vill älter als 20 wühr ich sege. hett sich au na na ch mim Befinde erkundet, er isch obeabegfahre, wo ich gstürtzt bin mit sire fründin, er het si dunde im dorf abgsetzt wos hii ghend welle gah. u isch de kehrt zum luege ebber cha helfe, ja ich und de Beat hend aus de chli unterhalte, er fahrt au töff unter anderem drüber das die kurve halt scho huere heimtückisch isch. ja de isch mal na s telefon cho vom tcs mit ahga welli garage chunnt u wenn, ja. denne na chli mitem Beat unterhalte, sind zum schluss cho das ich recht vill glück gha han das mir nüt passiert isch, erst grad vorem winter isch derte eine umgheit ir gliiche kurve wo ner sis bei verlore hett ja, er hett denne zu sire Fründin Müesse. und ja wemmer eus wieder gsehnd u ich de töff gflickt hatn gömmer es türli go mache
A dere stell na es groooses danke an Beat ( oder wie du gheisse hesch wnn du da lisisch) bimer zwar bim name nüm würkli sicher, han sovill näme ghört u bi so voll adrenalin gsi, dasi allweg paar sache durenand broht han. ja de abschlepper isch cho, hemmer d sugus uf de wage do, hends zur garage gfahre und ner hani mi derte vom Mami loh abhole.
De schade isch nid so goos wie er usgseht denki mal, was ich sicher weiss isch:
D gable isch hiii,
Frontfender isch hii, link stummel allweg hii, ämel de griff Kuppligshebel u alles was derte isch isch hii, de Recht Blinker u spiegel sind hii, de tank het e riese büüle vom linke stummel, d vorderbrems isch hiii, allweg was mit de bremsleitig baut ke druck meh uf. de Drehzahlmesser isch allweg hii, s Tacho ghüss isch hii, de Schiinwerfer isch hiii, s Topcase isch verchratzt, het mer aber s ganze heck grettet. sell no ebbert sege topcase send scheisse, will ned wüsse wie mis heck ohni topcase usgseh hetti. de hauptständer u siiteständer sind ahgschliffe.
Helm isch hiii, mini textilhendsche sind hiii, s lederkombi isch liecht bis mittel verchratzet u mues a eire naht gflicket wärde.
Aber s Wichtigste isch, ich ben nid ernsthaft verletzt (ämel bis jetze) und de Rahme isch au unbeschädiger so wie de motor.
Ich wirde im verlauf vor nächschte wuche luege das en Mech mir cha e liste mache was alles ersetzt werde muen, und mich denne ah d Suechi vo de ersatzteili mache. Ich han vor de Töff z flicke. will ja so wie ich da gseh, isch nüt wo de rahme oder de motor betrifft kaputt oder beschädigt. dh Flickbar.
ich henke hie na paar bildli anne, man beahcte die Aerodynamisch optimierti Spiegelhaltig u de verchürtzt radstand für es eifachers iilenke 
[Blockierte Grafik: https://fbcdn-sphotos-f-a.akamaihd.net/hphotos-ak-ash3/t1.0-9/10270301_622622187816050_996280218320719841_n.jpg]
[Blockierte Grafik: https://scontent-a.xx.fbcdn.net/hphotos-prn1/l/t1.0-9/10297715_622622247816044_2346127767515799149_n.jpg]
[Blockierte Grafik: https://scontent-a.xx.fbcdn.net/hphotos-frc3/t1.0-9/10177949_622622217816047_1984812039309657369_n.jpg]
