Hoi zema us Falera

Hoi zema

I bin de Giachen, bin 43i und chumme us Falera. Giachen isch mine Vornama und da sait ma "Tschatschen".

I fahre sit i 18i bin Töff und bin scho viel verschideni Modell gfahra. Ganz neu tuen i a Guzzi Norge GT8V bewega und uf ihre mina Fernweh befriediga. I tua au im Winter fahre, wobi da obe isch halt scho viel a bizeli preggher mit de Strasseverheldniss, gell. Mua mer halt immer a ghli luaga und dar Wetterpricht guat studiera.

I tuana au grad offe darleega, dass i in Chur als Staatsanwalt schaffe tua. Verpfiffa tuani niemart, wen welaweg da im Forum aina plöffad mit ara Straftat, aber wenni halt eine uff am Bürotisch hana, denna muan i de halt durezüche, gell. Da isch ja klar.

So, da muas vorerscht mal lange, gell. Freue mi uf intressanti Underhaltiga über das gemainsam Hooby.

........na dann Herr Staatsanwalt do bi üs & viel Spass

Dangha, dangha vielmol für d Willkommensgrüass.

I ghumme hallt selta ins Unterland aabe, miar hens halt selber unerghannt schön da oobe. Aber wer wais, was nit isch, gha immer no werda, gell.

So, muan witerschaffa. Dia Ghriminelle machend au vor am Bündnerland nüd halt.

I wais, dass de geh tuat, aber ghenna wer jetz scho a ghli übertiibe.

Willkomma bi üs Giachen!

Vielleicht gsehtma sich jo mol uf üsera Bündner-Strossa, bin relativ viel im Oberland unterwegs zwecks Feierabendrunde und so.

Het's in Ilanz nid au a Niederlassig fur Staatsawaltschaft?! Wär doch kli nöcher für di als Chur...

Irgendwia schmöckt das do a kli nach Troll... *hust*

Hi Walkeezy
Miar hend Zwygstellana in Samada, Davos, Illanz, Thusis und Roveredo. Aber wia au i andere Firmana hets halt nit immer überall grad a freii Stell, gell.

Zitat von Walkeezy

Irgendwia schmöckt das do a kli nach Troll... *hust*

Wenn mainsch... I schmegga nünt