Hirzel ZH - eine Gemeinde hasst den Verkehr…

Zitat von highroller

das di hüttige "japse" ( jg 06 +), wie du se nännsch, es sicherheitsproblem hend, halt ich genuso für es grücht, wie das hüttigi dütschi chärre qualitativ besser sind.

din high ace isch ja au nöd grad de jungscht gsi nimi ez mal a?

und wenn en 1000kg wagen in en 2500kg wage inefahrt, isch eh klar wer de grösser schade nimmt. selbst wenn beides dütschi autos wäred, de liechter het es problem.

De HiAce isch glaub 2001 oder 2002 gsi, also nöd würkli alt. Mit Jg 06+ hani zwar kei Erfahrig. Aber das mit de 1000kg isch echt lustig gsi De het leer scho irgendwie 1.8t oder so gwoge, mit all minere Usrüstig drin bini permanent mit 2.5-2.6t umegfahre. Also das zum Thema, wer de grösser Schade nimmt. Klar, s Gwicht isch alles hinedrin gsi, verstahne scho, dass d Front durch das nöd Massiver wird. Aber dennoch, findi chli arm dases grad so en riese Schade git. Hesch de Unfall gseh in Dielsdorf vo vorgester? 19 Jährige in en SUV? De Range Rover het d Hube chli verdruckt. S Auto vom andere isch völlig zerfätzt. Es isch halt scho so, dass liechteri Autos nöd die glichi Sicherheit für Insasse büted. Oder au Audi Q7 und Fiat 500 (beides Bullshit): Beidi 5* im NCAP Test. Wennd aber beidi mit 50% Überlappig frontal ufenand lahsch, denn bohrt sich de Hauptträger vom Q7 durch de Fahrgastruum vom 500er, alles so vom ADAC testet. Keine überlebenden im 500er.

Zitat von AmmuNation

Oder au Audi Q7 und Fiat 500 (beides Bullshit): Beidi 5* im NCAP Test. Wennd aber beidi mit 50% Überlappig frontal ufenand lahsch, denn bohrt sich de Hauptträger vom Q7 durch de Fahrgastruum vom 500er, alles so vom ADAC testet. Keine überlebenden im 500er.

Darum sött mr SUVs verbiete. Hässliche Schrott wo no gförlich isch für die viele Chliiwäge! En Kombi tuets au und für die gwüsse wo denke sie bruchets, no Allrad achrütze bim bstelle...

Zitat von sneaky_Phil

Au gäg en 5er Touring het de Fiat500 kei Chance .

Das Glaubsch au nur du...

Zitat von Bongalicius

Darum sött mr SUVs verbiete. Hässliche Schrott wo no gförlich isch für die viele Chliiwäge! En Kombi tuets au und für die gwüsse wo denke sie bruchets, no Allrad achrütze bim bstelle...

Vor allem hesch ime gschide Kombi mindestens so viel Platz wie ime SUV. Und wenns no meh sött si, so bütet eusi Autoindustrie sehr viel sehr gueti Alternative. VW T5, Mercedes Vito/Viano, Chrysler Voyager, nume um mal so es paar devo z nenne. Gits alles au mit 4x4 und wenn mer en schwere Hänger zieh mues, denn macht das chli en grössere Kombi (Volvo, BMW, Mercedes, alli hend mindestens eine im Programm wos cha) mindestens so guet wie so en hässliche SUV. Jedem das seine, ich wott nöd öpperem d SUVs verbüte. Ich gsehne eifach NULL Nutze hinter some Teil. Und denn fühled sich die wo en Fahred immer so trügerisch Sicher, wills witer obe hocked, und hocked dir uf. Und denn passiert ebe das mit em Hauptträger.

Zitat von sneaky_Phil

Au gäg en 5er Touring het de Fiat500 kei Chance ;).

Scho nöd. Aber de Hauptträger vom 5er Schaffts wahrschindli nödmal näch ad Fahrgastzelle, er knallt wohl in Motor ine oder so. Ganz eifach will de Ufschlag vo beidne Autos vorne a de Hube erfolgt, während de 500er (übertriebe gseit) unter de höchi Q7 rutscht und somit de Träger id Kabine inechunt.

Zitat von sneaky_Phil

Das mein ich jo, beid 5* im NCAP, nume mit em Unterschied, dass de Audi die Aforderige wahrschienlech no um es einiges übertrifft, de Fiat aber vielliecht nume knapp drüber lieht. Weisch ebe nume im ne detaillierte Teschtergäbnis was sach isch...
Das aber i dem Biespiel ganz klar s Gwicht und d Grössi vo de Fahrzug de Unterschied usmacht müend mer ned diskutiere, esch klar.

S muen halt jede selber wüsse öb er sich vo Stern oder eher vo detaillierte Bricht und Prüefige laht zum Autochauf bringe. Und ebe, was so en Charre mit 50 gege e Wand leistet, das isch s einte, aber was passiert wenn öpper vo de Site, hinde, Frontal chunt? Das isch bi jedem Unfall andersch und wenns blöd lauft cahsch e Million Stern im Test ha, Kabutt bisch ja denn glich.

Um was ghats hiä eigentlich

Zitat

Hirzel ZH - eine Gemeinde hasst den Verkehr… »