Brrr Winter

Bi etz gad mitm Töff go schaffä (kai Autobahn, ca. 8°C). Mini Bekleidig, vo unä aagfangä: Kampfstiefel, langi Underhosä, dicki Jeans, Arbeits-T-Shirt, "Gnäggi" (langärmligä "Pulli"), dicki Lederjackä, Superretards-Pulli drüber Um dä Hals no sonä Appezeller-Bschötter-Edelwiiss-Tuech und denn no ä Polo Hals-Schluch rundumä, Crosshelm fertig.
Gfrorä hani nur a dä Händ (schlechti Durchbluetig - wie immer), i chum aber während em Fahrä ganz guet a min Uspuff anä mit dä linggä Hand

Weni es Usfährtli mach: Ledereinteiler mit 2x langä Underhosä, obedure öppe 2 Pülli, Lederjackä übers Lederkombi und zum Schluss no dä SR-Pulli wie immer.

Meine Güte nid euren Ernst oder?
Momentan um di 6-8° am Morge für i's Gschäft fahr i mit Funktionsshirt (kurzarm) und iXS Nechtan "GT Performance" Jacke.
Halt eifach d Lüftigslöcher zue. Normale, dünne Buff Scarf um de Hals damits nid zieht…
iXS Töffhose, Bike-Stiefel und de dicke iXS Händsche. Für de Heiweg hani di dünne Lederhändsche debii.

Bin zwor im Engadin ufgwachse aber chan mer nid vorstelle dass me SO chalt het

Gester am obig bini mit de iXS AirMesh "Netz-"Jacke und Kevlar-Jeans unterwegs gsi…

Zitat von solitär

Bisch du e Chaltblüeter?
Muesch e Sozia mit uf e Töff packe, de hesch es Öfali.

Du wie gsait, scheiss Durchbluetig i dä Händ Eigeheizig = 0 und wenns mol chalt wered, isch d Motorik ziemli fürn A****.
Sozia uf dä Töff hani scho probiert, si hend aber noch paar KM immer wieder abewöllä wels uu huere unbequem isch Ä Sozia woni chönt zum schaffä mitneh hani leider au nöd

Freeday
Du hesch jo schö alls Kleidig extra für dä Töff wo worschinli au schöö Winddicht isch I NÖD. Jeans sind absolut undicht, bi dä Lederjackä ziehts unä ie well si nöd so gross isch (-> Gnäggi id Hose schoppä) und wer scho mol n Crosshelm gfahrä isch weiss, wie viel "Action" dass dä Wind döt macht. Händschä übrigens au di extra belüftätä Leder-Rennhendschä, nix polschterets.
Isch jo nöd so dassi amigs usgsieh wienä Bowlingchuglä uf em Töff, ha zum Glück meh als gnueg Platz zum zuäsätzlichi Textilwaar aazlegä

Han hüt am morge( 08:15) langi Underhose, Jeans, obe es Underliebli und en relativ fiene Pulli, Töffstiefel, Lederjacke mit Protektore vo de Dainese und SUMMERHÄNDSCHE agha...Die Händsche sind definitiv nöd geignet für die Temperature...han mini Händ gar nüm gspürt nach 20min fahrt...sust isches zeimlich agnehm gsi zum fahre....muen unbedingt es paar FETTI Hänsdche chaufe

Bin hüt au mal wieder mitem Töff goh schaffe, susch jetzt amix mitem auto..

20 Minute, 90% Autobahn.
Normali Schueh, normali Hose, normali Töffhändsche, T-Shirt und e Jacke drüber und übers ganze ihne es Regekombi-Einteiler-Plastik Teil. Ha ned chalt gha
Schützt halt eifach ned bim ne Sturz

Aber letscht Winter hani ame snormale Textilkombi vo Dainese agah mitem Winterfuetter dine, Militärtöffhändsche, und zwei Kopfpariser. Isch super gange.

http://www.green-store.ch/images/product…ages/2301_0.JPG hani iwo usem Armeerestposte Verchauf oder wies heisst, sind super, gsehnd eifach nur doof us

(sorry für die viele "normal"-s)

wenn ich im winter fahre legi eifach e winterjacke a und n nieregurt, plus winter töff handsche und töff schueh. und s wichtigschte : e warmi mütze under em helm, damit d stirn nöd chalt het

@HR
Mit dinerer Vokuhila -Frisur sötsch ja gnueg warm ha

Mein gott.. soo chalt isch ou nonid

churzermlichgs Shirt, Hemli Lederkombi (2teiler), Töffstifel und mini rägefeschte Händsche (irgend so wasserdichtig ixs Dinger :P), Rüggepanzer.. fertig.. geit tip top...
sobald's no chli chelter wird chömed denn no die lange Unterhose derzue...
ok, bi ou "nur" öbbe 30min unterwägs

Greez
Päscu

Zitat von jaimeone

Richtig hani au usegfunde Sicherheit und Style bissed sich scho.Für mich isch Sicherheit (Komfort) wichtiger aber mer het ja gern schöni Optik.

"Sicherheit wichtig aber lieber guet usgseh..." mhm mhm mmmhm... D Jugend vo hüt...

Google: "Rock the Gear" oder Brittany Morrow. Die sah bestimmt UBERheiss aus in Top und Hot Pants aufm Bike!
Schade drum

Spiel nicht die Diva und leg Dir vernünftige Töffkleidung zu anstatt 10 Schichten Jeans &T-Shirts anzuziehen,
die sich bei 50km/h in die Haut brennen. Wird dann rausgeschabt. Ist genau so hässlich und schmerzhaft wie es klingt

Wer bei kühlen Temperaturen inmitten der Nacht oder sehr früh morgens unterwegs ist und sich da noch Sorgen um DIE OPTIK macht, der hat hat jetzt aber nicht nur einen Vogel sonder ne ganze Voliere
Echt he.... unglaublich heutzutage....

Übrigens: Wer wirklich schnell kalt hat und mit dem Bike unterwegs sein muss (einziges Fahrzeug, finanzielle Gründe etc), der kann es auch mit Grossvaters Trick probieren.... einfach eine Lage Zeitungspapier unter die Kleidung, isoliert prächtig und kann am Arbeitsort sogleich im nächsten Eimer entsorgt werden.

Tapte die mir früher sogar um die Beine, Regenkombi drüber und fertig... funktionierte prächtig und ich wurde nicht 1x ausgelacht beim Umziehen am damaligen Arbeitsort (UBS äh noch SBG Kloten damals)