Ciao Bodenhaftung...

bis froh, dass dir guät gaht und nöd meh passiert isch - au wänns wurmt

Wichtig isch das dir nüüt passiert isch. Nur schad das das no het müese si Isch ansuschte en super schöne Tag gsi, au wenns di ganz ziit gschiffet het. Isch mir au so gangä, bi mir sturz woni mit mim chopper gha han. Öppe 5km bevore dihei gsi bin na schnell es wespi im Helm gha und tschüss...

hät mi au mol faschd uf dä latz ghauä ledscht johr woni no d'FZ6 gha han. Bin bi rägä in än Kreisel iä und ha än tollädeckäl überseh (wenns nass isch xet halt alles gliich uus am bodä ) I ha aber Glück gha, zersch s'vorder- denn hinderrad grudscht aber nix passiert. Isch sicher än Erfahrigswert xi, jetzt luägä dass i möglichscht nid im rägä chum

Guetti Besserig dir und dim Töff

Autsch, das gseht würkli heftig us. Krass dases de Töff so verrisse het, wegeme "Chreiseli". Mich hets ja au mit öppe 20 grüehrt, du wirsch wohl nöd viel schneller unterwegs gsi si, bi mir isches aber zum Glück nume bi Chratzerli blibe...

Wie die andere gseit hend, immerhin bisch du heile. Ich weiss, das isch eim i dem Moment no fast egal, wenn mer de Töff so gseht. Aber das isch das wo zählt, de Töff chame flicke. Will am Endi zahlsch bestimmt gnueg Geld für e Vollkasko, isch ja schliessli en neue Töff, also nimm die Sieche us und lahn alles restlos suber erledige. De Schade wird wahrschindli meh oder weniger überschaubar sii, es isch schliesslich "nume" d Front und de eint Koffer betroffe, glaube chuum dases da d Gable oder de Rahme etc. verzoge het, also nüt wo en Mech nöd chönt gradrichte. D Frag isch, öb d Köffere mitversicheret sind. Ich ha minere Versicherig d Alus und die neue LEDs (wo erst no chömed) extra ageh, resp. eifach de Zuebehörpris vo 1450.- (inklusive i de Prämie) uf 3300 ufegschrubet. Chostet mi jetzt zwar 50.- meh im Jahr, aber wenni nume scho i 10 Jahr ufd schnure flüge und en Koffer am Arsch isch hani gradus gmacht - ein Koffer chost nämli knapp 500. Aber wie genau dases lauft weiss ich nöd, ich has halt eifach mal drignoh, will die 50.- zahled sich spötistens bim nächste Flug us...

Naja Kopf hoch, willkomme im Club, jetzt bini nöd de einzig wo abgfloge isch mit de F800 Bi jetzt vilicht chli fies, aber dich selber bemitleide füehrt zu nüt - lueg id Zuekunft und freu di uf din gflickte Töff. Ich ha mi übrigens für de neui Vorderpneu bewusst für Metzeler Tourance Next entschiede, will de Herbst vor de Hütte staht und die Pneu offebar s beste je dagewesene sind wenns um Nassfahrte gaht. Hinde hani zwar no en Pirelli Scorpion Trail, aber de het sich bisher immer ganz guet gschlage im Rege.

Unter Erfahrungen abbuchen und froh sein, dass du selber mit dem Schrecken und kleinem 'Brumm-Schädel' davon gekommen bist
Eine Frage stellt sich mir allerdings (soll jetzt in keiner Weise abwertend sein, ist mir einfach fremd): weshalb fahren so viele Anhänger der 'Köfferli-Fraktion' mit den Koffern rum, obwohl nicht auf grosser Tour und somit gar nicht benötigt??
Die können doch sicher mit einem Klick abgehängt und zu Hause deponiert werden.... ev hat das sogar einen Einfluss auf die Handlichkeit (wie gesagt, fuhr noch NIE mit solchen Koffern rum, kann es nicht beurteilen).

Grues

@FJ
Luut AmmuNation sölled jo die Aluchischtänä s Handling massiv verbesserä bim Fahrä

Spirit, vil Spass bim Wiederufbau vo dim Schätzli. Etz chasch endlich mol "under d Huubä" luegä und kennsch dä Chlapf nochher vil besser. Mi hets au öppe 3x müesä uf dä Sack hauä bisi endli tscheggt han woni mues Bremsä und wo nöd Isch nur ä Frog vo dä Ziit wenn dä nögscht Unfall passiert
Vil Glück bi dä Versicherig, ha kei Erfahrig mit denä aber vo dä Gspröch mit dene chani gar nöd gnuäg Fluächwörter ufzehlä zum dene ihres "Bisness" z beschriibä

Zitat von EffJottEric

Eine Frage stellt sich mir allerdings (soll jetzt in keiner Weise abwertend sein, ist mir einfach fremd): weshalb fahren so viele Anhänger der 'Köfferli-Fraktion' mit den Koffern rum, obwohl nicht auf grosser Tour und somit gar nicht benötigt??
Die können doch sicher mit einem Klick abgehängt und zu Hause deponiert werden.... ev hat das sogar einen Einfluss auf die Handlichkeit (wie gesagt, fuhr noch NIE mit solchen Koffern rum, kann es nicht beurteilen).

Also zumindest meine Köfferli machen das Handling angenehmer, da der Schwerpunkt etwas vertieft wird und etwas mehr Gewicht auf dem Hinterrad lastet. Ich hab ja die grössten im Programm genommen, zugegeben, wirklich vollkriegen werde ich die wohl erst dann wenn ich mal wirklich eine grosse Fahrt mache... aber nur schon ein Zwipf und eine Flasche zu trinken dabei zu haben macht einen Koffer, wenigstens einen kleinen, notwendig. Ich habe nämlich keinen Bock darauf mit einem Rucksäckli rumzufahren oder einen Tankrucksack hinzuschnallen, der meinem Ranzen den benötigten Platz nimmt...

Zitat von jodelboy

@FJ
Luut AmmuNation sölled jo die Aluchischtänä s Handling massiv verbesserä bim Fahrä

Massiv verbessere chame e F800GS nöd. Susch wär sie ja Überperfekt und das gits garnöd. Aber siehe oben, sie machts scho chli agnehmer und de Töff verzeiht eim chlini schlenker etc., dezue ane daser sowieso scho guetmüetig isch.

Zitat von EffJottEric

weshalb fahren so viele Anhänger der 'Köfferli-Fraktion' mit den Koffern rum, obwohl nicht auf grosser Tour und somit gar nicht benötigt??

a) Weil praktisch wen du mal irgendwo was kaufen willst b) Koffer sind billiger als Fussrasten, Plastikabdeckungen UND Tank der bei der F800 hinten ist c) Ist es angenehmer wenn der Koffer bei einem Abflug den Töff ein paar cm von der Strasse abhebt statt das er auf dir drauf liegt während du am Boden entlang schleifst

Zitat von spirit of bibi

@Ammu: Ja ich studier jetzt mal mini Versicherigs-Verträg. Han da mal öppis glese vo wege Zuebehör etc.
Gschwindigkeit isch tatsächlich bi ca. 25 Km/h gsi, normales Chreiseltempo also...die ganz Front hets mir halt abgrisse well eifach alles i de Zaun inegrutscht isch. Han zimli grossi Auge gmacht, wo de Zaun immer nöcher cho isch

Zuebehör im Wert vo 10% isch immer inklusiv. Da ich de Hobel uf 14500 versicheret ha sinds bi mir 1450.-, wo ich ebe uf 3300 ufepimpt han. Und dank dim Thread da hani de neui Vertrag, woni sit em Fritig ha, schlünigst unterschriebe und de gaht morn ufd Post Wobi ich glaube dass das erst denn zum Träge chunt wenns en Totale isch, denn bechunsch de Versicherigswert + Zuebehör uszahlt. Solang du unter em Totale bisch sötted d Köffere eigentli au zahlt si, glaubi zumindest. Aber da bisch doch sicher über irgendöppis gfahre, es Steinli, e Linie, en Doledechel?? Bi 25 flügt mer doch nöd eifach so devo

Guet das erklärt alles. Es wär also bi Spiegel, Handschutz und Koffer blibe, aber wenns natürli en frontale isch, isch was anders. Ich ha mi nämli scho gfrögt wie mer d Front abrisst bime Sturz.

S wichtigste isch da glaub noni gseit worde: Blib dra! Gib s fahre nöd uf oder tuen nöd de Töff stahlah im Stile vo "Ah nei ich wott hüt nöd, morn nöd, niemals..." - hock so schnell wie mögli wieder uf de Bock. Es staht en schöne Herbst vor de Türe wo der no vieli spassigi Kilometer bereite wird. Nach mim Umfaller vor glaub ziemli genau eme Monet bini au vorsichtiger gfahre und luege sit do eifach viel besser i Kurvene öb nöd glich no Chies da liit Inzwüsche fahri fast so wie devor. Eifach drablibe und dir kei Vorwürf mache.

Zitat von spirit of bibi

b) Koffer sind billiger als Fussrasten, Plastikabdeckungen UND Tank der bei der F800 hinten ist

Das stimmt. Das Tänkli alleine kostet etwa 900 Eier

Evt liits am Pneu. Ich han mine Aneke's nie würkli vertraut, bin au mol ufem trochne ohni ersichtliche grund grutscht. Im rägä nur ein oder zwei mol gsi go fahrä.

Ich druck der uf jede fall d dümä dasd das mit de versicherige anebringsch / alles guet goht.

P.s: Wenigstens hesch meh glück gha als de harley fahrer ufem oberalp!