ich stuune, aber de Kawa chönntisch demzufolge wahrschinlich ohni Uspuff umefahre und si hät keni 97 db.
Ich stune das ihr immer no uff dere Schwanzverglichsplakette ummee rittet.
1) Die 97 dB(A) (@ 0.5m, 45°) sind im Stand. Also nüd mit umefahre.
2) Es git keis Gsetz oder Verornig wo seit wie gross oder wie chli die Zahl muess si.
Dä Lärmwert wird eifach gmesse und denn uf em Schildli für alli zyte vermerkt.
Das Schildli isch fürd Polizei. Binnere Lärmkontrolle macht si ä Lärmmessig, d.H. hebets Messgrät mit 0.5 Meter Abstand imme 45° Winkel zum Uspuff ane und jagt dä Motor uff d Messdrehzal uffe. Im Stand. Das keini 10 Sekunde.
Jetzt gits drü Möglichkeite: Isch o.k. und dä Polizischt isch zfride, isch o.k. aber dä Polizischt hät immer no än Verdacht, isch nöd o.k. d.H. lüter als uf em Schildli.
Isch lüter als ufem Schildli luegt er im Fahrzüguswies öb evtl. ä Vermerk isch. IIsch kein Vermerk dinne denn isch immer no zlut.
Bis da here isch alles no Gratis und Franko ohni Buess und süschtige Choschte.
Isch dä Polizischt unzfride, will er irgenden Verdacht hät oder will d Standmessig zlut gsiisch denn muess ä Durchfahrtsmessig gmacht werde. Details dazu in
VTS Anhang 6. https://www.admin.ch/opc/de/classif…index.html#app6
Dass passiert normallerwies nöd uff dä Straas sondern im Strasseverkehrsamt.
Wichtig isch, dass mit dä Auspufaalag wo drah isch d' Grenzwert, wo für dä Töff bidä Durchfahrtsmessig gültig sind, iighaltet werded.
Bi dä Durchfahrtsmessig gits nurno zwei Möglichkeite:
1. Nöd Lüter als für dä Töff erlaubt: Gschichtli fertig.
2. Lüter als für dä Töff erlaubt: Vilie chöschte, Verzeigig, Buess.
Hatte immer mal vor in bei der CT zu montieren, hat sich durch den Verkauf erledigt. Bin gespannt, wie Du ihn findest.