Finger weg vo Motorix.ch & Laser

Hi,
also wie scho im Titel staat: Bschtelled nüt bi Motorix.ch, und scho gar nüt vo Laser !! Han ja wie die meischte wüssed en Laser-ESD bi Motorix.ch bschtellt. Das isch jez 6 wuche her und ich hanen immer nanig !!! Und s'beschte isch, das ich immer dem vo Motorix mues maile und nafräge wie dases mit de Bschtellig usxeht will de nöd fähig isch, mir es Mail z'schriibe obwohl er's mir immer wider verspricht !!!!
Mal ganz abxeh vo Laser selber, also eigentlich de Schwiizer Importeur vo Laser (SCM-Racing). Das sind au so laschi lüüt wo sich nie bi dem vo Motorix mälded und ihm säged öb die ihri bschtellig überhaupt scho usege händ oder ob de Laser scho bi ihne isch oder was au immer !!!!!!! Ich chotze jez dänn grad, echt ! Alles muemer sälber i d'Hand nee will all uf's gröbschte unfähig sind !! Das gaat eim so uf de Sack !

Churz xeit ich han kei ahnig wo miini bschtellig im moment isch und wie lang dases na gaat ! Chönt am mäntig cho aber grad so guet chans namal 6 wuche gaa !! Freu mi scho uf en wiitere Mail-Chrieg mit irgendwelche Hoschis wo kei plan händ was lauft !

I dem Sinn na es schöns weekend...

Zitat

Original von Toretto
Ich han mis zügs bis jetzt immer über dä Mech bstellt, und das isch immer huärrä zügig gangä. Muäs sägä Moto center west in St. Gallä isch ä guäti adresse. Aber äbä mit so internet bstelligä han ich au immer äs gschiss gha.
Aber ich würd eu empfelä das zügs nöd z'Mailä, sondern schlicht aifach rasch ahlütä den chönd ihr denä au chli is gwüssä redä, ich mein das chans nöd sie. Und noch 6 wuchä würd ich dem dä scheiss zrugg geh.

Also wännis über de Händler bschtelä, choschtets öppe 3mal so fill ! Und uf das hani no weniger bock
Und aalüte isch leider au nöd, die händ kei Telefonnummere uf Ihrere Page Glaub mer, wänns eini hett wär bi dene d'Telefonzueleitig bereits gschmolze

YEAH :mosh:
Han de Laser übercho und nach Afängliche Montageschwierigkeite hebt er Bombefescht und vertuet siini Dienscht ganz zu miinere Zfrideheit
Also scho mitem ABE-Eater ischer es bitz lüüter und vor allem Kernig-dumpf, ohni eater isches dänn scho fascht brutal was hine usechunt
De Sport-eater hani nanig inebracht, aber sött es bitz liisliger sii als ohni !

Fazit: De Sound hät d'Warteziit wider guet gmacht :mosh:

So, jez na en chliine Teschbricht über de Laser:

Verpackig: 10 vo 10 Pünkt
So gross wie nötig, so chlii wie möglich. Alles isch schön mit Luftchüssi polschteret xii, nüt hett chöne bim Transport verrutsche oder umewirble.

Zubehör: 6 vo 10 Pünkt
Zum Endtopf häts en EG-ABE DB-Eater (bereits verbaue) und en Sport DB-Eater, jewiils 2 grossi und chliini Ufchläber mitem Laser-Logo für uf d'verschaalig, e vorbognigs Aluminium-Laser-Logo für uf de Topf bereits mit Chläber hinterleit, 1 Aleitig in Bilder zum de DB-Eater entferne & 1 Aleitig wie mer de Endtopf montiert gää, allerdings nur in sehr vage zeichnige. Was ich de Gipfel gfunde han isch, dass die nöd schriibed, das mer die Original Dichtig vom vorherige Endtopf verbaue muen

Passform: 9 vo 10 Pünkt
De 4-Loch Flansch isch extrem Suuber vorbohret, d'schruube passed ohni jegliches gewürge ine und hebet hervorragend. Ebeso s'Halteblech für d'Motage a de Soziusfuessraschte. Passt alles ohni würge und mache !
Einzig de Sport DB-Eater trüebt de Gsamtiidruck es bitz. Hanen bis jez nanig inebracht. Allerdings hanis au nume vo hand versuecht, mues dänn namal mit de Zange luege, so wie's eigentlich beschribe isch.

Verarbeitig: 9 vo 10 Pünkt
Alles sehr schön mitenand verschweisst oder vernietet, kei scharfi Kante womer sich schniide chönnt, nöd emal a de DB-Eater. Nur bi de Abschlussleischtene hine oder vorne am ESD hani e unsuuber überenandgleiti Leischte gfunde. Ansonschte TOP !

Sound: 10 vo 10 Pünkt
Also scho mit em EG-ABE DB-Eater isch de Ton dütlich Kerniger und dumpfer worde, aber nöd sehr fill lüüter was Optimal für Kontrolle isch. Ohni DB-Eater isches dänn scho zimli Krass. Deftigs bollere und dezue au no rächt dumpf löd s'Herz höcher schlaa. Allerdings jensiits vo Legale Luutstärchewert !
Mitem Sport-Eater isches zwar e chli lisliger als ohni, aber immer na fill lüüter als mitem ABE DB-Eater. Es isch au komischerwiis au fill dumpfer als ohni. Darum lan ich de au dine, vo wäge Bulle und so

En Soundcheck gits dänn sobalds schönners Wätter isch und de Töff au chli höcher dräht werde därf !