Ciao Zämmä
Es gebt no en 6 Jahre alte Thread wo biz über Schutzbekleidig diskutiert wird, aber es isch mer gratä wordä es neus Thema zöffnä 
Ich han mal welle id Rundi frögä, was ihr so vode Jeans mit Kevlar haltet? Mached die würkli Sinn oder würded da eifachi Töff-Hose meh bringe?
Und i was für Shops im Kt. Züri gönd ihr so eues Equipment go bsorge?
Bin neu da im Forum und han sit es paar Wuche mir en Chopper zuetah 
LG
nMe
Mached die würkli Sinn oder würded da eifachi Töff-Hose meh bringe?
Was verstasch du under "eifachi Töff-Hose" ?
Kevlarjeans sind sicher e gueti alternative für chlini usfährtli. Bins mer au am überlege.
Uf längere Toure sinds warschindli net gad empfelenswert, da würi rein usem gfühl eher uf es Lederkombi setze.
Tragkomfort im alltag oder währedem Töfffahre chani leider nanig beurteile.
Ich selber kenne nur t firma Rokker , wird z.b. im Moto91 z Höri verchauft. Denke ma das jede grösseri Töfflade Kevlarjeans abietet.
hamer grad letschti es paar senig jeans kauft. sie seged vom schutz her absolut glichwertig wie es läderkombi. (hät mer mir zumindescht gseit).
Würd aber senig ne wo komplett mit kevlar verwobe sind, und ned nur gsäss und chnübereich!
Die choschtet dänn allerdings au soviel wie richtigi töffhose.
git übrigens diversi günstigeri marke als Rokker. die säbe sind schweinisch tüür!
Unfall hani siither keine gha zum erfahrige z brichte
aber grundsätzlich fühl ich mich im lederkombi sicherer als wäni mit de jeans ume bin. aber isch subjektiv, natürlich.
sie seged vom schutz her absolut glichwertig wie es läderkombi..
Ein gut gemeinter Ratschlag: versuch nicht das zu testen :thumbdown:
Manchmal frag ich mich schon, was sich die Verkäufer eigentlich dabei denken, wenn solche Aussagen gemacht werden. Es geht hier schliesslich um Motorradbekleidung und nicht um ein ne heisse Hös für die Disco welche nur einfach mal cool aussehen soll. Logisch ist eine Schicht Kevlarverstärktung besser als reine Jeans (nimm mal ne Jeans in die Hand und rubble bisschen auf Asphalt rum - und jetzt denk Dir mal 100 Km/h und einen 30-Meter Rutsch auf Hintern und Knie dazu - dann hat sich die Sache mit Jeans, egal ob mit oder ohne irgendwelchen Beschichtungen, wohl erledigt).
Schon nur die Materialstärke gegenüber hochwertigem Spaltleder welches für Motorradbekleidung verwendet wird, ist sollte klar machen, dass man das gar nicht vergleichen kann - selbst die allersteuersten Marken-Texil-Motorrad-Ausstatter kommen nur gerade so an die günstigsten Leder-Schutzanzüge ran und auf Rennstrecken ist Textil nicht ohne Grund noch immer ein absolutes No-Go (manchmal kommt man nicht mal mit 2-teiligen Kombis durch, weil ein Reissverschluss, so stabil er auch sein mag, bei 300 km/h halt einfach eine Schwachstelle bleibt).
Die Frage ist somit nicht die ob Töff-Jeans gegen Leder bestehen können - sondern ob man das Plus an Sicherheit von Lederklamotten wirklich braucht. Ich bin viele tausend Kilometer nur in Enduro-Bekleidung gefahren - wenn man auf Asphalt nie einen Abgang macht, kann das durchaus gut gehen, auch wenn Crossbekleidung eben für einen ganz andere Einsatzzweck (Gelände mit viel Schweiss) gemacht ist. Gleiches gilt IMHO für Motorrad-Jeans: man hat wenigstens ein kleines Plus an Sicherheit gegenüber Alltagsklamotten.
Das kleine Problemchen liegt da, dass eine Kevlar-Jeans eben weder eine echte Töffhose ist, noch richtige Alltagsbekleidung. Damit ins Büro oder Stundenlang die Schulbank in heissen Ausbildungsräumen drücken ist unpraktisch. Die Frage welche sich unweigerlich stellt ist die, wann man denn so ein Ding brauchen kann was weder optimalen Schutz bietet, noch Regen abweist noch im Alltag wirklich was taugt. Wer den Einsatzzweck hat und die Preise für die beste Qualität nicht scheut, kann durchaus glücklich werden - wenn's keiner kaufen würde, würden solche Sachen ja auch gar nicht hergestellt.
Die Frage vom Einsatz muss man sich also selber stellen - gibt auch Leute welche ohne Handschuhe und Sandalen durch die Gegend fahren und damit anscheinend glücklich sind. Aber wie gesagt: die Schutzwirkung lieber nicht testen - das endet selten ohne Schmerzen (und sei es auch nur, weil Protektoren an Knie und Hüfte fehlen).
Marc
P.S.: wie meistens - gerne ein kleiner Linkdamit ich mit meinen Aussagen nicht ganz alleine dastehe
Ja die Jeans die ich jetzt habe sind definitiv nur im Gesäss und an den Knien mit Kevlar verstärkt/geschützt.
Ich fahre ja auch ne Chopper und keine Rennmaschine oder nen Cross-Stuhl
Dort sieht man halt oft auch Jeans, sind definitiv bequemer aber eben der Schutz stelle ich auch ein wenig in Frage.
Kevlar Jeans wo glichwertig Schutz bietet wie Leder, jaaaa genaaaau 
Wörd sowas als Schutzchleidig träge füer anes Treffe go wome nacher de ganz Tag ome hocket oder füer zum schaffe, aber ned zum gross go fahre. Usserdem fühlt sich Leder doch geil ah 
I schwör uf Leder und fahre nor med dem, ersch gad es Schwabeleder lo mache. freumi scho druf 
Hier mal was dazu zum Lesen, diverse Marken im Vergleich:
http://www.motorradonline.de/h…test-motorradjeans/308290
Bei allen Testberichten schneidet Leder regelmässig am besten ab, da führt kein Weg dran vorbei.
Das Problem bei eingesetzten Protektoren ist, das die selten so richtig fest sitzen und sich bei einem Sturz sofort verschieben. Zieht man die Dinger richtig an, happert es schon wieder an der eigentlich gewollten Bequemlichkeit 
Komplett mit Kevlar verstärkte Jeans kosten wiederum eine schöne Stange Geld.... da kann man gleich Leder wählen, hält besser und länger....
Würde meinen: Für die kurze Feierabendrunde sicher ein Kompromiss, aber eben nur ein Kompromiss....
Ich han so Kevlarjeans (Rokker) und han sie au scho unfreiwillig deffe teschte wie so sind wends mal en Bruchlandig get.
Also die ober Jeans schicht hani dete voll zerisse abers Kevlargwäb het nur chlini chratzschpure gha unds ganze Bei esch ohni grosse blessure devo cho. Ha mer sie dete kauft um ver zum Schaffe azlegge.
Verd Toure beni im moment aber no e richtigi Lederhose am sueche (scho eleige wäg de ganze Protektore).
Ich find d Argumention luschtig das Kevlar-Jeans für Kurzstreckene ok sind aber für längeri Toure ned.. Wenn uf d Schnauze gheisch isch das dinnere Huut, dä Kevlar Jeans undem Töff ziemlich egal ob das jetzt en kurzi Strecki oder en längeri Tour gsie isch!
Und mer chan au uf Kurzstreckene umgheie, mer muss ja nedmal selber Schuld sie. Chan der bim Buurehof i dä nöchi en Traktor usefahre, oder es Auto abbüege wo ned blinkt, was weiss ich. Bremsisch falsch, Hinterrad verreist und scho liesch im dümmste Fall.
Naja und zu pro & kontra Leder / Textil.
Ich bin ja mittlerwile es bitz Sturz erprobt :whistling:
Und bis jetzt händ d Textilhose (Textil, ned Kevlar-Jeans) immer ghebet. Grad bim letschte mal vor knapp 2 Wuche bini doch mit knapp 70km/h us dä Kurve grutscht und öppe 25m über dä Asphalt gschliffe, d Gegefahrbahn überquert und denn na s Bord durab namal öppe sowiit über d Wiese. D Hose hät ghebet, sie isch zwar völlig zerfetzt gsie, aber ich han kein Kratzer, kei Schürfig, gar nix gha. Vo dem her vertrau ich dem Zeugs scho ziemlich. Für d Rennstrecki isches sicher nix (dörf mer ja gar ned), aber ich finde zum normal i dä Gegend umenand fahre isches ok mit Textil.
Was aber dä grossi Nachteil isch. Mini Lederjacke hät scho 3 Stürz miterlebt, isch 3x übere Apshalt gschliffe und isch immer na guet zwäg. Vielleicht chlie verkratzt und jetzt mussi dä Riisverschluss am Ärmel ersetze wills en verschliffe hät, aber d Lederjacke isch na ganz und erfüllt ihre Zweck immer na hervorragend. Das sie Kampfspure hät stört mich ned 
D Textilhose muesch halt jedesmal ersetzte wenns die leit, will die hebed jetzt echt nix us. Und wenn ich denke das ich für sonen Textilhose au über 200.- zahle hätti mer i dene 3 Stürz au grad so guet en Lederhose chöne chaufe für 600.-
Aja und dä besagti Unfall obe vor zwei Wuche isch ganz bi mir i dä nöchi gsie! Also definitiv Kurzstrecki. I Kurve woni scho 100x gfahre bin, aber wies halt so isch bi Kurve wo guet kennsch.. Da gaht nachlie meh! Oder ebe denn halt ned :thumbdown:
Zämefassend würd ich säge, wenns eim egal isch d Textilhose bi nem Sturz z ersetze und mer ned uf d Rennstrecki gaht find ichs ok (oder denn halt es Lederkombi extra für d Renne). Kevlar-Jeans würd ich persönlich ned azieh.
ja also, i han zum is schaffe fahre oder schnell öbis go poschte mis textil züüg us de rollerziite anne, aber sobalds wiiter als 7km gaht leggi us prinzip s'lederkombi ah, fühle mi i dem efach sicherer. Wett au nöd wüsse wie de sturz wonni gha han usgange wer wenni nid s'lederkombi annegha hett 
in Jeans fahre isch für mi es abseluts nogo, au wemmer chopperfahrt. Sicherheit goht vor
es gibt auch lederkleidung wo speziell für chopperfahrer sind, und die sind definitv nicht eng, also die ausrede giltet nicht
und ja, ich bin schon mit textil und mit leder abgestiegen und seit dem nur noch leder, denn so eine komplett verschmolzene jacke, wo nur durch die protektoren verhindert wurde, dass nicht die haut dran glauben musste, ist nicht lustig 
und ich weiss, es wird immer übers schöne geld geschriiben, aber da frage ich mich, was ist mehr wert, deine haut oder das geld
und eine liste von läden findest du hier
Töff- / Motorradbekleidung Shops
und ich weiss, es wird immer übers schöne geld geschriiben, aber da frage ich mich, was ist mehr wert, deine haut oder das geld
GELD was susch 
Also bim MC Corner hends ä Kevlar-Hose vo Rokker testet. D'Jeans sind dure, aber ufem Kevlar gsehsch gar nix (mer cha si au aluege, si hend si ufghenkt)
I ha solchi und bi absolut z'friede und wör si niämeh hergeh.
Was mer sich villicht au mol no chönt überlege, isch die (neu) Schutzwäsch vo SGS.
I ha mer jetzt au mol no diä wösch bstellt und hoffe mol sie verhebet was sie verspricht und d'videos zb. uf youtube gseht optimistisch us.
da wär susch d'adresse: http://www.sgs-armorshop.com/index.php
