Aso höt am Morge gspöri mini alte Chnöche scho es betz 
Du Andi die Tour wo mer geschter gmacht hend, esch das jetzt genau die xi wo usgschrebe hesch? Wett mer die ebe mol merke för in Zuekonft...
Gruess
Pässetour im Süden am Sonntag, 30.Juni
-
-
Ja bi hüt au recht kaputt vor de klass gstande
Isch genau diä route gsi womer gfahre händ, jep.I wür dir aber zersch mol diä tour no empfehle, bevor di ander nomol machsch: http://goo.gl/maps/wTOZT
Dä Abstecher nach Bormio-Livigno-Bernina isch genial. Wenn möglich Kafi in Livigno -
Kafi in Livigno tönt guet, isch sicher schön dete StPaul... wänn schriebsch die Tour us
-
Hey danke Andi, xeht au gluschtig us, bes uf die 90 min Autobahn-Afahrt uf Landquart. Aber wie heisst's so schön: no pain, no game :D.
Hoffentlich tuet de Lars sini Föteli au no innestelle, de het glaubs au es paar ganz luschtig gmacht, vor allem in Chiavenna (nei, eg meine jetzt ned die beide Milchkanne :D).
-
@Kitty: Halt frühestens im August, aber denn sicher mol
@ ja Phil, häsch Recht, aber am Morge zum Verwache chli guete Sound id Ohre und straight on richtig Berge. Usserdem mönd diä Reife jo i dä Mitti aumol abgfahre werde
-
Jo guet am Morge esch au keis Problem, denn bisch no fit ond d Vorfreud chonnt no derzue. Aber geschter isch die anderthalb Stund vo Chur zu mir hei (notabene 97 % vo de Strecki uf de Autobahn) scho rächt tödlech xi för mis alte Grüscht ;).
Lose suscht jo viel Musig ond au bin Autofahre ghörts eifach derzue, aber Töff fahre met Musig chönnit mer ned vorstelle. Fahre 1. viel au noch Ghör und 2. chönnt d Musig min Fahrstil je noch Situation no ungünschtig beiflusse
-
scho rächt tödlech xi för mis alte Grüscht
Wemer z'alt isch, sött mer sich villicht mal an en roller gwönne -
Eg ha xeit alt, ned antik! Eg ha no es paar gueti Johr vor mir ....