Wetterfrust

dere meinig bin ich au. de früelig söll endlich cho und nöd so tum tue

mer müend eifach mee bätte und wenn das au nüt nützt müemers hald mal midere opfergab probiere
denn müemer hald en reife opfere, sonen schöne burn out das nützt sicher

Langsam langets ja würklich...! Isch ja scho schön, dass es immer gschneit hät und chalt gsi isch, so hät mer dä Winter wenigschtens mit vill Schnee uf dä Pischte (und dänäbet ) chöne gnüsse! Aber jetzt isch gnueg... wo bliibet di warme, töfffründliche Temperature???

MeteoSchweiz hät ä 9 Tages Prognose, und da isch wiit und breit no nüt vo Temperature über +3 Grad (in Züri, am Tag) z'seh! Guet, Prognose stimmet ja au nöd immer, oder besser gseit sehr sälte... aber äs gseht würklich nöd erfreulich uus. Ich han eigentlich am 14.3. min Töff zum Winterquartier welle usehole - mal luege ob das no möglich isch!

Oh komme, du Frühling, oh komme herbei...!!!

also i finds schön dusse, chli chalt, aber schööön.

irgendwie isch doch nonig töff wetter... het no viel z viel salz uf de strass... ev mitti endi märz ma gugge

Jaja so verfluächti meteologä hend geschter aifach so in Fernseh gseit das äs bis im April no chönt schnee ha. Isch doch voll bitter. Aber mini Hoffnig isch nonig verlorä gangä... Ich betä mit eu.

Also ich han kei Problem mit der Kälti bi dem Sunneschiiii
Bin gester vorgester und Hüt recht im Kanton Zürich umegfahre und es paar chlini Pässli gmacht, ab und zue mal chli Schnee, aber muesch halt eifach ufpasse und gmüetlich Race
Bin froh das ich Frei gha han und han mini fast 300 Kilometerli mache.Bin ebe am Dunstig und Freitag in Italien und am Samstig Skitag in Obersaxe mit de Bude. Es Grüessli vom Milan

uuuuh, aui die grännicheibe..

i finges geniau eso! ändlech widrmou richtig lang schnee ou do bi üs unge, und ou uf de pischte!

und wenn dir uf ei einzigi freizytbeschäftigung fescht gfahre sit, de duet mir das leid..
Auso i gniesses richtig, au pot chli go schii fahre odr boarde! und die wo bi setigne verhäutnis nid ufd stross wei, die söue haut nochli warte..

Gruess $nail

Zitat

Original von $nail

uuuuh, aui die grännicheibe..

i finges geniau eso! ändlech widrmou richtig lang schnee ou do bi üs unge, und ou uf de pischte!

und wenn dir uf ei einzigi freizytbeschäftigung fescht gfahre sit, de duet mir das leid..
Auso i gniesses richtig, au pot chli go schii fahre odr boarde! und die wo bi setigne verhäutnis nid ufd stross wei, die söue haut nochli warte..

Gruess $nail

Alles anzeigen

ich bin eigentlich au jedes weekend uf dä pistä, aber langsam hanis gseh.... dä schnee ide berge isch ok, aber da in züri chönnt er sich langsam aber sicher verflüssigä. Töff fahre mach ich halt immerna lieber als boarde, wobie au das cool isch.

Naja, bi dem sch...öne Wätter hani wenigstens Zit zum de Rost vum Töff abzchraze. Aber fahre isch schönner als bastle.

Gnabber:

Würds ächt öpis bringe, wenn i mis Schneebrät abfackle?

Vity: weiss nöd aber en versuech isches doch wert

*grml* Chli Räge wär mal schön, demit das Salz ändlich vode Strasse verschwindet .

Brüeder Ravi und ich sind gester e chli go drive

Ich bin vorgeschter gsii. Isch voll locker vom Wätter her, aber ebä sSalz isch eifach kack. Musch richtig gründlich dehinder nacher susch verchruschtet das züüg total.

Hmm i weiss ni döbi hüt söu ga fahre, z wetter wär perfekt. Isch das würklech so schlimm mit em Salz, ou we d Strass troche isch?

Jo also min Mech hät immer gseit söllsch sie nocher absprützä den gohts scho i Ornig.