raser gesetz und die folgen (erfahrungen)

@ beni83
da het nix mit driimische ztue, sondern i ha eifach mini meinig dezue gseit. Und wenn da nüm erlaubt isch, denn muemer da vorher schriebe dass nur Mitleidsgetue erlaubt isch, sowie nur vo solche wo au ä grossi maschine fahret.
Was i scho gfahre bin und was i jetzt fahre, het wohl nix mitenand ztue. und 2tens, hend mer da thema gad au ufgfasst unter kollege und do sind sehr vill minere meinig gsi.
und sowiso, wenn mer 39000km macht, sett mer wohl sin töff au kenne. denn passiert da ned eifach eso. Mer redet immerhin vo 64km/h und ned nur vo 20 oder 30....
es het halt eifach mit gsundem Menscheverstand zue.

Zitat von SC63

Immer diese Halbwahrheiten.. Lies erst mal den STARTPOST durch bevor Behauptungen aufgestellt werden die nicht zutreffen. Was meinst Du wieviele Male ich Anfangs mit meiner beim ueberholen oder kurzen beschleunigen ohne Absicht viel zu schnell war.. Als ich von 108 auf 175 PS gewechselt hab.. da konnte ich nicht mal mehr reagieren und war schon auf 140 ..
Apropo; Wer ohne Schuld ist, werfe den ersten Stein..

I weiss ned wo do Halbwohrheite sind?
Fakt isch, si isch 64km/h d'schnell gsi. Het scho 39000km hinter sich.

Und wenn mers jo scho weiss, dasses schnell passiert, denn muemer halt eifach erst recht acht druf geh.

I seg eifach, dass i kei Mitleid han. Au wenn si susch immer genau richtig fahrt, aber genau denn wenn si eimol d'schnell isch gad blitzt wird, tja... Pech gsi. Aber isch ihres verschulde.

Zitat von beni83

hmmm sie sorry aber die mit de 125er sölled sich doch bi so themene nöd driimische... wie soll eine mit 125er beurteile chöne ob mer sich chan beherrsche bi sonere machine oder nöd und wie schnell mer überhaupt z'schnell isch :huh: , nur wenn mer halt us de kurve oder kreisel schnell s gas ufriist, vor allem mit de 1000er, also bitte...

jede chan da öpis driischiise vo wege ich find via secura guet, und muesch di halt beherrsche, und ich fahr nie so schnell aber dann wenns eim verwütsch und de töff au weg isch (ich red da nöd vo 125er) chunt denn da go hüüle... ;(

Isch guet, me chönt meine du bisch de geilsti uf de Strass und die mit 125ccm nuckled no am Schnuller. Bevor du nöd mal mit 48l Hubruum umegfahre bisch muesch nöd wele mit dine 750 Kubikli ageh Warum sött ich nöd beurteile chöne, dass mer sich au mit grosse Hubrüüm chan beherrsche und warum sött ich das als 125ccm Fahrer nöd säge/beurteile dörfe? Folgendi Ussag het nüt mit de grössi vo mim Töffmotor sondern mit gsundem Menscheverstand z tue: Wer d Kontrolle über sich selber verlürt nume will er viel ccm unter em Sattel het, de ghört nöd ufd Strass, punkt.

Und ich bi au jensti mal am stüür vo PS-Starke Autos gsässe. Au det chunt öppis wemer Gas git und ja, ich ha mi beherrscht, zumindest was d Höchstgschwindigkeit agaht, Beschlünigung isch ja nöd verbote. Binere grosse Maschine chunt verdammt schnell öppis, aber das weiss mer au. Und wenn mer jetzt chunt und seit "Ui nei ich ha nöd gwüsst, dass min Töff so schnell ufedreht" denn nennt sich das Nichtbeherrschen des Fahrzeuges. Mer weiss es eifach und susch sött mer nöd so viel Hubrum unterm Arsch ha. Ich meine dademit jetzt nöd eusi GSXR Prinzessin, sie het definitiv anders im Chopf gha, aber die meiste da fahred wohl nöd zu ihrem Sohn in Spital sondern eifach uf de Strass oder überholed eine. Am Gas zieh dasmer a eim verbichunt isch ja guet, aber wenn mer es paar Sekunde z lang dra hanged und wasweissich wieviel z schnell fahrt, denn isch das zwar scheisse gloffe, aber wie alli da scho gseit hend, d Gsetzeslag isch klar. Es isch nöd schwer, mit 1000ccm nöd z schnell z fahre. Mer muens nume wele. Und im Idealfall tuet mer das au, wenn eim de Lappe öppis wert isch.

Übrigens han ich glaub meh Füehreruswiskategorie als die meiste da ine, erklärt vilicht au warum ich chli Giftig uf din doofe Post reagiere. 125ccm heisst nöd, keis Verkehrswüsse und kei Verkehrserfahrig z ha. Tipp: Leged eu no paar Buechstabe im Uswis zue, denn hangeder nämli richtig a euem Uswis und überleged zwei mal wo dass d Tachonadle anezeigt. Bi mir klappts.

Zitat von SC63

Klar, mit der 125er
Was ist dagegen einzuwenden wenn ich mir ne Suzuki GSX 1000 R Turbo leisten koennte.. ? Auch wenn es nur im Standgas hier fahrbar waehre, so waehre es Schlussendlich meine Entscheidung so ein Geschoss anzuschaffen mit allen negativen Auswirkungen. ( Klingt uebergaupt nicht neidisch Deine Aussage )
Das Lichtobligatorium ist der groesste Bloedsinn ! Frueher hat man sich mit dem Motorrad noch damit unterschieden respekt. viel damit auf. Heute geht man in der Masse der Tagfahrlichter der Pkw, Lkw, Busse und was noch alles regelrecht unter ! Damit mein ich, wenn es zur normalitaet wird, beachtet es eh niemand mehr !

Wozu sollte meine Aussage neidisch sein? Ich stehe nicht auf Sportler und bin nicht neidisch drauf, wenn sich einer so eine Maschine kauft. Meinwegen darfst du dir auch eine Hayabusa holen - ich mags dir gönnen, für mich isses nix. Leisten könnte ich mir so ein Teil allemal, die Kohle dafür ist aber für ein teures Auto und nicht für einen teuren Töff bestimmt. Und natürlich will man so einem Teil die Sporen geben - aber bei 80 oder auf der Autobahn bei 120 hörts einfach auf, da sollte dann auch die rechte Hand wieder locker lassen.

Die Aussage zum Licht kann ich so nicht teilen. Ein Fahrzeug, welches mit Licht unterwegs ist, wird viel besser gesehen und damit wahrgenommen. Sollte jetzt also jeder ohne Licht rumfahren, ausser die Zweiräder, damit wir nicht übersehen werden? Okay, es wird schon ein wenig zur Normalität - aber es gibt definitiv schlechtere Vorschriften auf der Strasse!

Zitat

Apropo; Wer ohne Schuld ist, werfe den ersten Stein..

In vielen belangen nicht, aber im Verkehr schon. Ich bin noch nie, nie, nie, nie so gefahren, dass ich es nicht hätte bezahlen können. Ich meine damit nicht, dass ich die Kohle übrig hätte, aber dass ich noch nie so schnell gefahren wäre, dass es mehr als "nur" die höchste Busse vor dem Entzug gegeben hätte. Klar mache auch ich Fehler, sehe mal einen Vortritt nicht etc. Aber hoffe dann, dass die anderen Verkehrsteilnehmer meinen Fehler ausgleichen, genau so wie ich tagtäglich Fehler von anderen mit einem beherzten Tritt auf die Bremse ausmerzen muss. Aber zu schnell? Nie. Never.

AmmuNation: Sone starchi maschine z'beherrsche chan no recht astrengend si. Han da weekend zum zwoite mol i mim läbe en 800er gfahre und han meh ufe tacho gluegt als ufd stross damit im legale beriich bliebe. De chani mir no guet vorstelle, wie's usgseht wenn chli gwöhnt bisch a so viel power und garnüm gross überlegsch was eigentlich abgoht under dir...

jede soll und dörf siini meinig üsere, das isch klar, han au niemerd wele aagriife oder öperd davo überzüge dass nur miini meinig di richtig isch aber es isch doch eifach ei huere abzockerei das ganze... das isch eifach miini meinig...

aber am meischte stresst mi dass s volk ja soöpis mit sich mache laht, all sind eifach ruhig und nicked mit em kopf...

es isch gar nöd verhältnismässig was da abgaht, i de medie gsehsch nur raser raser raser aber wenn de im welsche es 19jährigs meitli entfüehrt vergewaltigt und umbringt wo eigentli im knascht muess sii aber wege gueti füehrig dörf umenandlaufe, obwohl mer ja psychiatrischi guetachte erstellt und und und dann staht das 1-2 täg und tschüss... keine kratzts wiil das kei gäld bringt... das choschtet de staat nur...

weiss jetzt nöd ob ich de einzig bin wo das so gseht oder ob ich eifach falschi iistellig han zum ganze... chönt ja au sii... whatever..

egal will da jetzt kei riise diskussion starte was ok isch und was ned...

Zitat von Bongalicius

AmmuNation: Sone starchi maschine z'beherrsche chan no recht astrengend si. Han da weekend zum zwoite mol i mim läbe en 800er gfahre und han meh ufe tacho gluegt als ufd stross damit im legale beriich bliebe. De chani mir no guet vorstelle, wie's usgseht wenn chli gwöhnt bisch a so viel power und garnüm gross überlegsch was eigentlich abgoht under dir...

Das isch scho so, alles scho selber erlebt. Aber mit chli Fiinmotorik blibt de Gashahn i de gliche Stellig und zitteret nöd uf/zue/uf/zue. Und wenn du de 800er es paar mal fahrsch fallts der au nüm so schwer d Gschwindigkeit einigermasse z halte. Und genau wege dim letzte Satz sött mer sich ebe doch vor de jede Fahrt nomal klar mache, was mer für es Biest fahrt. Ok, ich hock jetzt au nöd immer i irgend es Fahrzüg und denk mer vor em Fahre "Läck het das Saft", aber mer sötts ebe doch nöd uf die liechti Schultere neh dasmer i wenige Sekunde schneller fahrt als i de Schwiz überhaupt erlaubt isch.

Zitat von beni83

jede soll und dörf siini meinig üsere, das isch klar, han au niemerd wele aagriife oder öperd davo überzüge dass nur miini meinig di richtig isch aber es isch doch eifach ei huere abzockerei das ganze... das isch eifach miini meinig...

aber am meischte stresst mi dass s volk ja soöpis mit sich mache laht, all sind eifach ruhig und nicked mit em kopf...

es isch gar nöd verhältnismässig was da abgaht, i de medie gsehsch nur raser raser raser aber wenn de im welsche es 19jährigs meitli entfüehrt vergewaltigt und umbringt wo eigentli im knascht muess sii aber wege gueti füehrig dörf umenandlaufe, obwohl mer ja psychiatrischi guetachte erstellt und und und dann staht das 1-2 täg und tschüss... keine kratzts wiil das kei gäld bringt... das choschtet de staat nur...

Ich han nie gseit dass du öpper wotsch vo dinere Meinig überzüge, ich finds nume chli lächerlich eine als 125ccm Fahrer abzstemple und em z säge daser kei Ahnig het öb mer en 1000er cha beherrsche. Imfall, 125ccm heisst nöd A1 sondern chan au durchus A- heisse. Was zwar no kein 1000er isch - aber immerhin brucht mer e echti Töffprüefig ohni 1 i de Kategorie.

Tja, wenn es Meiteli umbracht wird und de Typ verwahrt wird, denn chostet das nume Geld. Scheisse gloffe, aber de Staat blecht für so en Psycho täglich hunderti vo Franke damit er hocke dörf, es Bett het, es trochenigs Zimmer und jede Tag warms Ässe. Hesch du ja selber au gseit. Aber wenn du Rasisch isches genau umgekehrt: DU gisch am Staat Geld. Darum werded i de Schwiz Verbreche gege s Vermöge härter gahndet als Verbreche gege Leib und Lebe. Trurig, aber wahr.

Dass s Volk das hinimmt, jänu, irgendeine mues ja en astoss geh, es machts aber keine. Ich ha jedefalls s 100.- Vignette Referendum vo de SVP unterschriebe und jede i dem Forum wo Stimmrecht het und das nöd gmacht het, söll sich nüme Töfffahrer schimpfe oder mir en Teil vom vörige Geld abgeh.

Zitat

aber am meischte stresst mi dass s volk ja soöpis mit sich mache laht, all sind eifach ruhig und nicked mit em kopf...

Unterschribi dr

Und Texte wo meh aus drümou NIE oder Never enthalte bringe mi nur zum Grinse. :p

Edit:Genau us däm Grund, fahri im Standgas und Wachkoma bis ad Grenze zu Frankriich, Dütschland, Italie Östriich

Zitat von AmmuNation

Dass s Volk das hinimmt, jänu, irgendeine mues ja en astoss geh, es machts aber keine. Ich ha jedefalls s 100.- Vignette Referendum vo de SVP unterschriebe und jede i dem Forum wo Stimmrecht het und das nöd gmacht het, söll sich nüme Töfffahrer schimpfe oder mir en Teil vom vörige Geld abgeh.

Mir ide Schwiiz händ s'beste Strossenetz uf de Welt. Wenns das nid gäb, chönntsch nirgenwo uf de wält en SSP oder en Sportwage uf öffentliche Strasse bewege. Zum de Standart ufrecht z'halte bruchts halt meh geld!

So und jetzt wieder Back to topic...

Zitat von B2R

Und Texte wo meh aus drümou NIE oder Never enthalte bringe mi nur zum Grinse. :p

Glaub halt wasd wotsch :sleeping:

So, ich klinke mich us für hüt Abig. Cha sich jede sini Meinig bilde zu dem was ich gschribe han. Dass mer bim z schnell Fahre bestraft wird, das weiss jede. Dass es schnell mal so wit isch, das wüssed die mit de grosse Maschine au. Dass d Massnahme nöd würkli i de Ordnig sind, das stimmt aber au. Wenn ihr es Töff-Forum Referendum gege Via Sicura resp. die heftige Massnahme lostreted, bitte, ich unterschribs und wirdes au definitiv unters Volk mische. Aber mal öppis mache und nöd nume lafere

Edit:
Sorry Bonga, erst jetzt gseh dases e Site witer gaht. Ja mir hend es guets Strassenetz. Aber hesch würkli s Gfühl, dass das mit de Vignette bezahlt wird? Ich glaub, das gaht eher in ÖV und anderwitig i die öffentlichi Hand. Wenn mer eine Garantiert dass 99.- vo de Vignette id Strass gönd und 1.- id erstellig vo de Vignette selber, denn hani nüt degäge.
Seit sich übrigens eifach, dass 100.- nöd viel sind. Bis mer mal mehreri Auto, Töff, Ahänger [...] het... denn wirds sehr schnell sehr tüür.

Und da ja jetzt offebar fertig Off-Topic isch... Guet Nacht mitenand

Zitat von Kermit

Aha, jetzt wo du din Off-Topic-Sänf dezue gä häsch.... :cursing:

Darum au die Off Topic männli