raser gesetz und die folgen (erfahrungen)

sooooo ich bin jetzt bereit zum aussaege...han etz e paar Woche z bisse ka.also a allli biker passet uf bim ueberhole und z schnell fahre.also mal mini gschicht wie ich da erlebt ha de horrortag.am 14.4.2013 bin ich unterwegs gsi zu mim sohn uf basel in Spital.eigentli halti mi immer a gschwindigkeit...jedefalls 50er und 60er Zone.so also denn bini richtig basel gfahre uf nebestrasse.kurz vorem kreisel hardwald hend mi 2 biker mit ziemlicher gschwindigkeit ueberholt und sind richtig schwarzwald gfahre.a dem tag ha ichs eigentli gmuetli gno.ich bin denn am kreisel ned richtig sisseln sondern duruf richtig eiken.kurz nachem kreisel ha i logischer wies de Hahn uftue und ha gas geh bis ich denn im 3gang ane kolone Autos anegfahre bin.durr de wald isch es ja easy gsi...denn uf de lange grade mhhh ha i ned ueberholt will die laser det amig ummestönd...guet de wiiter uf de lange grade hinter de 4 Autos mit ca.85kmh.nache ende grade juckt en bulle uf strasse und winkt mi usse...ich han denkt sig vielleicht chli luut mit töff...oder wend Pneu etc.luege...de bulle seit den zu mir öb i wüsse wieviel z schnell i gsi sig?und ich waaaas schnell bin hinter dene Auto nahgfahre und die hender ja durrelo..also ich weiss es ned...sie hend aber nachem kreisel de wald uf g laseret und det ha i ufzoge in 3 gange...sprich nach Tacho vo dene 144kmh...minus 4 für laser git 60kmh z schnell ausserorts...ich bin en Raserin und mer hett me auswiis uf de stell abgno und mis neue bike au grad...nachem neu gsetz muess ich jetzt 2 jahr laufe und en neu töff kaufe....jetzt gots mer wieder besser aber i waer fast Amok glaufe...ich bin 45gi alleinerziehend mit 6 Kids und gaaaanz sicher ke Raserin...jaaa ich han en fehler gmacht und das zum erste mal und jetzt grad alles weg samt Job..ich hoffe es passiert niemerem ...und de hett sich na am bode huhrend mitem laser versteckt...abartig sowas

wieso hendsder de töff au grad abgnoh? hends da beggründet, meine bi genau 140km/h müends da jo nid unbdeingt mache, oder iiri mi hie jetze, heisst doch sie chönnt eim d'"tatwaffe" abnäh.

jedefalls isch da ergerlech, do lob ihg mer mini 125 Giva macht lärm als würsi d'schallmur jetze de grad durbreche u raucht au soo, birngt aber mit müeh, not, ruggewind, u sehr vil heiweh/fernweh, grad emal 160 anne luut tacho, u de got sehr optimistisch.

aso de uswissentzug muesch aktzeptiere, aber öb s'iizieh vom bike au efach so muesch hiineh, wäri mer nid sicher.
Wenigschtens bisch ume knascht ume cho.

ja öb i i knast muess weiss i na ned...ha erst verfügung vom strasseverkehrsamt becho...2 jahr laufe...und s bike wird sicher nuemme zrugg cho wills nachem neue gsetz e Tatwaffe isch...aber de Witz nach 2jahr cha i wieder e Tatwaffe kaufe...absurt...

Krass! Mein Beileid.

Bist du dir sicher, dass das Bike weg bleibt? Ich hab mal gehört, dass sobald man seine Geldbusse begleicht, das Bike dann wieder zurück bekommt. Dir dürfen das Ding doch nicht einfach gleich verschrotten, oder?!

Isch ganz klar, dass jetzt so schnäll wie möglich en huffe Exämpel münd statuiere. Damits dänn ebe i de ischlägige Fore umetreit wird. Dadevo erhoffet sie sich dänn e gwüssi Präventionswürkig. Drum bin i - und nimm das bitte nöd persönlich - jetzt ebe au es bitz verunsicheret, öb i die Story würkli söll glaube. Ich mein, was spricht degäge, dass irgend so e staatlich besoldeti Präventionstussi us em via-secura-Programm sich da amäldet und eus so ne furchterregendi Story verzellt, nur damit der eint oder ander viellicht mal sis Hirni ischaltet?

Mir händ ja das Thema Afang Jahr usgibig durekätscht hie, also was sölls. Wenn die Gschicht wahr isch, dänn ja, tuets mer Leid für dich, aber ebe: Eigentlich häsch gwüsst, dass müsstisch Sorg hebe. Und die 2 Jahr gönd au dure. SBB hät billigi Generalabos. Machsch halt mal 2 Jahr uf öko und bsuechsch Ort, wo nur mitem Zug anechunsch: Zermatt, Wengen, Brunwald, etc, etc. Und buechschs bi dir als din persönliche Bitrag gege de Klimawandel ab

ja kermit ich wirde jetzt 2 jahr Sport mache zum mi fit halte...und ich bin echt kei fake....kei tussi wo eu will angst mache...ha nur welle los werde was cha passiere...ja i9 han e dumme fehler gmacht und ich akzeptiere das aber bike izieh find i ned cool...2 jahr laufe isch doch scho straf gnue...im Facebook findsch mi unter dem Name und du wirsch gseh ich bin echt en suzuki Freak....wer schön wenn gosch go inne luege....

Guet ok, dis Facebook Profil gaht so wit zrugg, dass es schwär vorstellbar isch, dass es Fake bisch. Dänn wärsch ja jetzt eventuell en Fall für das Forum da

Zitat von Kermit

. SBB hät billigi Generalabos. Machsch halt mal 2 Jahr uf öko und bsuechsch Ort, wo nur mitem Zug anechunsch: Zermatt, Wengen, Brunwald, etc, etc. Und buechsch bi dir als din persönliche Bitrag gege de Klimawandel ab

Günstig?( die choschtet meh als min töff u am morge ab de 2 bis am 6 chunsch gar niene äne.

usserdem, wieso söttets eus wellä cho angscht mache? meineds, die wo z'schnell fahred interresierts, wie vil dasi scho verwütscht hädn?
ihg fahre ja scho leischtigsbedingt chum z'schnell, u mi interresiert da nöd, wie vill dases scho verwütscht hed.

S'einzig wa mi jetze hie interresiert isch öb si da würkli chönnt eim efach te töff an ort u stell abnäh, wemmer vorher nonie au nur 1kmh zschnell gsi isch.
für da brüchtets doch en beschluss, de töff isch schliesslech eigetum vom bsitzer, aber ihg kenne mi uf dem gebiet, da gits sicher lütt wo beser bscheid wüssed als ihg.

das mit öv isch eh en Witz...öv isch verdammt teur..und go schaffe mitem leiterwaegeli?mhhhhhhh ich han denkt i saeg da mal da inne dass das jahr sehr uf töffs uss sind ...ja die Autos und bike werdet izoge egal papi sies oder Leasing geliehen egal chunt weg....ich weiss ja das i en fehler gmacht han...aber mal erlich hender na nie z viel druf ka?ich ha halt im Moment a min sohn denkt wo i ha welle go bsueche...und det durruf ha i e momment ned uf de Tacho gluegt...mit 190ps bisch halt schnell mal dobe...also na mal sorri ha da nu welle mis leid loswerde....net böses debi denkt.... :thumbup:....i han 39000km gmacht allei i ned ganz 2 jahr....also ich bin kei Raserin...ha ja na kidis dihei..wer ned cool all ohne mami...usserdem bin ich de na ziemli lang ufem poste ghocket und en awalt muesch au ha susch machets kei ivernahme....kostet au...etz mue i halt 2 jahr vom Staat lebe....grrrrr ned lustig aber i muess....

Natürlich bruchts am Schluss en Bschluss, aber s Fahrzüg gilt als Tatwaffe und e Tatwaffe chan d Polizei uf de Stell zwecks Sicherig izie, wänn d Gfahr bestaht, dass demit nomal e Straftat begange wird, wogege ja wege de bereits verüebte Tat schwirig isch, s Gegeteil z bewise. Und wänn sie das Teil gschnäll verchauft oder bimne befründete Puur id Schür stellt, hät de Staat au s nachsehe. Denn verschrottet wird das Teil nöd, sondern verwärtet, dasch nöd s glich, IMFALL.

Zitat von highroller

@ws du muesch aber au würkli i jedem post irgend öppis vo dim töff erwähne

vermissese halt, hanse jetze über 54stund u 40minute nüm gseh

es wird versteigeret und mitem Geld ateil an buess gno...i warte immer na uf bscheid wegem bike...aber i denke i bechums nuemme....snif...etz spari halt e neus zäme...