Cagiva+Sturz = Aua + Fragen

    Hüt en Fahrfehler gmacht u drufabe gstürzt, han statt uf d'stroos innere kurve in waldgluegt :patsch: wieso weissi nöd.

    Wonni min fehler bemerkt han, bini sofort uf d'Chlötz u ha mit müe wieder uf d'Stros gluegt, z'spot. Bin is grüene cho, han immer wiiterbrämst u d'Giva wieder richtig stroos becho, hoffnig uf es guets ändi isch gstige, z'früeh. woni no öbe en halbe meter nebed de stroos gsi bin, hani gseh dasi doch es rechts stück übber de stros bin also, blick führe zum luege öbi neume nid soo wiit han zum "abegumpe" öbis gseh, u denne isches ganz schnell gange. Plötzli isch s'Vorrderrad ir Luft gsi, u de Sturz nüm verhinderbar :loudly_crying_face: . bin denne uf d'stroos abegfloge u es bitzeli druffe grutscht, bin zum glück nüm so schnell gsi.
    Spöter hani denne gseh das Ihg irgendwie ufene Baumstumpf oder sowas muen drufchos sii, mitem linke vordere Federding.
    Ärgerlech isch dasi die Kurve scho öbbe 100 mal gfahre bin u eigech mit verbundene auge chan durefahre :wand:


    Resultat vo dem Ganze:
    Kombi het spuure, d'Stroos het schliif u Lackspuure, mir duet de recht oberschenkel weh, ke blasse wieso :confused_face:
    Mis vertraue in mini Kurve technik isch furt nochdem ihg geschter grad s'Fahrsicherheitstraining gha han.
    Ar Giva hets de Tank massiv verchratzt, de Uspuff isch ufem Asphalt gschliffe u het komischerwiis uf de linksite e Büle ( er isch rechts ahgmacht, wie chunnt eh Büle uf die Link siite vom Topf? ), de vorder link Blinker isch ohni Orange schibe ( goht aber no).
    Am schlimmschte isch aber dases de Lenker verboge het :pinch: schlecht sichtbar aber hans wonni heigfahre bin sofort gmerkt.


    Im ahhang gsehnder Bilder, mini Froge:
    Mueni de Uspuff ersetze? oder chani de drah loh?
    Bim Blinker chani dörte efach es oranges Plastik teil druftue oder sölli de au ersetze?
    u jetz zum Lenker, de mueni ersetzte, denkes nid dasmer de chan gradbiege oder?
    Han ufem hingere Reife no sonen komische strich gfunde, chan de irgendöbbis mit Sturz z'tue gha ha, isch de e folg vom sturz oder isch da halt efach en komische strich ufem Reife?

    Aber mini gröscht frog isch, wie chumi wieder Vertraue i mi über? Stande praktisch am ahfang, wie wenni no nie ufem Töff ghock wär.

    E Sturzfreii saison wünscht
    Without_speed

    De länker würd ich ganz sicher uswechsle so viel ich weis chamer de ned grad büge ohni das nachher mega viel Nachteil hesch(z.b. das er nümme so stabil isch)
    de rescht weiss ich ned

    Ohje, do hesch jo ganzi Arbet gleischtet.

    Aber eis grad vorwäg: esch mer am Afang em Fau ou 2-3 passiert, dassi mi uf öppis links oder rächts vo de Stross konzentriert ha ond denne zemlech schnäu ha müesse reagiere woni weder före gluegt ha ond gmerkt hat, dassi scho rächt wiet ossa a de Korve be. Eg ha aber emmer no chönne reagiere bevor mer dStross usgange esch.

    Jetzt gets halt nüt anders als so schnäll wie möglech weder of e Töff. Eg meine, du hesch jo i dem Senn kei Fahrfähler begange (verbrämst, Korve falsch igschetzt, Highsider) sondern eifach ned of dStross gluegt. En Zuekonft eifach emmer nome chorz rächts/links luege ond ab ond zue emmer weder of dStross, de cha nüt meh passiere... :grinning_squinting_face:

    Gruess
    Phil

    Frage brucht mer für en Lenker irgend e eignigserklärig?

    wenns en originale isch nid, susch scho.

    aber wenigstens gohts dir guat, blech cha gflickt werde und vertraue kummt mit de nöchste km. isch halt es lehrgeld wo zahlt wird. :upside_down_face:

    ouha nöd guet. aber lieber e krumme lenker als brochni knoche. gueti besserig jedefalls. lenker sofern wieder en originale brucht kei papier. wenns e zuebehörlenker isch gits die regel e "eignungserklärung"( biiblatt) dezue. evtl halt iiträge oder immer de fötzel debiihaa. wie die büüle det anechunnt...:öm: hettsder e stei zwüschet ine gna??

    anyway. fahr wider es paar km denn kunnt s vertraue wider.

    Wer lesen kann ist im Vorteil :lol:

    Sali ws

    Willkomme bi de Motorradfahrer!!!
    Jetzt bisch eine!

    Wenn Du jetzt wyterfahrsch, hörsch nie me uff.

    Es git zwei Sorte Motorradfahrer:
    Die wo scho gstürzt sin und die, wo no stürze wärde!

    Töff kasch repariere. Wenn Du die Freiheit uffem Töff wyterhin wottsch, aifach wyterfahre.

    Wenn's Dir hilft, i bi au nach Johre nomol gschtürzt. Kas gee. Fahrfehler, an falsche Ort gluegt, Rollsplitt, nasses Laub usw. Usf... ghört derzue. Mit der Erfahrig vermidisch immer mee Fähler oder Problem. Vorwärts luege und guet isch.

    Gruess
    alex37


    Behalte den Kopf auch in Linkskurven Rechts der Mittellinie und bewahre Deine Reserven :winking_face:

    Hey Dario
    han au Unfall erfahrige, uf jedefall lehrt mer us de Fähler, bis froh dases der mol sicher no guet goht, wobi, gueti besserig dim bei.. ned ufgä und uf jedefall wieder druf hocke.. de fähler machsch secher nömm so schnell, das di uf was anders konzentriersch, und d angscht wo jetzt do esch, die wirsch den au wieder immer meh und meh überwind

    Motorrad fahren = Freiheit
    Freiheit = Mein Leben   :diablo:

    :toeff14:

    dGable würi au mol no aluege... goht amigs no schnell...

    Oh, und mach mol bim Mannhard es Schräglagetraining... Das fägt :winking_face:

    Fishing relaxes me. It's like yoga, except I still get to kill something... -Ron Swanson

    huiui du bisch mer eine :face_with_tongue:

    Lenker wie die andere gseit hend ersetze! Uspuff settisch drah lah chönne sofern ich weiss. Wenner keis Loch drinne hett setti das ned sones problem si. Blinker chasch au die Orange Plastik Abdeckig drüber mache und alles isch guet, sofern de Blinker no funktioniert und Ordnigsgemäss hebt/am richtige platz isch.

    Das mitem: Ned uf'd Strass luege isch doch immer wider es problem.$

    Da es bispil dezue: http://www.youtube.com/watch?v=dNFaAqS2f18

    ich bekannt als: Target Fixation, also wenn du dich uf eppis fixiersch und denne fahrsch genau det ine. Nur bi dir isch es umgekehrt, du luegsch uf d'Site und duesch denne automatisch zfescht id gegerichtig stüre.

    rechte oberschenkel schmerze? mhh naja muesch ned druf lande damits der nacher dete wehh tuet :grinning_squinting_face:

    Benzin im Blut, vom Töffli Bueb zum Ghostrider.

    Und villicht mal Lenkkopflager prüefe!

    Eifach dis Baby vore ufbocke dass s'vorderrad ide Luft isch und denne de Lenker vo links nach Rechts bewege (er sett ned iraschte oder klemme). :smiling_face_with_sunglasses:

    Benzin im Blut, vom Töffli Bueb zum Ghostrider.