Eigener Forumbereich für Anschluss - Gesuche

    Braucht es im Forum ein Bereich wo man "Anschluss-Gesuche" posten kann? 24

    1. Ja (14) 58%
    2. Nein (10) 42%

    Hello Zusammen

    Aus aktuellem Anlass und vorallem weil ich den Chefe noch nicht überzeugen konnte, würde es mich interessieren was ihr dazu denkt:

    Wäre es sinnvoll wenn man hier im Forum noch einen eigenen Bereich für "Anschlussgesuche" erstellt?

    Es geht darum, dass wen jemand mal in einem für ihn/sie unbekannten Gebiet fahren gehen möchte, die- oder derjenige nicht eine Tour ausschreiben muss, sondern sich in einem Thread ein wenig vorstellen kann (über die Fahr-Routine/Fahrkönnen z.B.) und so Anschluss bei Jemandem/Gruppe finden kann, der/die dieses Gebiet/Strecke kennt und vielleicht auch eine schöne Tour vorfahren könnte.

    In der Praxis würde dass so aussehen: Hallo ich bin Kitty, fahre seit Juni 2012 Töff (L bin ich seit November los). Bin noch eine Anfängerin, habe jedoch schon öfters mit mehreren Leuten eine Tour bis max. 300km gemacht. Mein Töff ist eine CBR 250. Wohne in der Nähe von Uster. Da ich noch nie im Schwarzwald war, würde es mich freuen wenn mich jemand mal mitnehmen würde. Hätte am Tag xy.yx. den ganzen Tag Zeit. LG Kitty

    Da es ja noch kein eigener Bereich für so was gibt, muss man zur zeit so was im Touren-Teil hinschreiben, wo es dann leider eher negative Komentare gibt wie: "Bist doch nur zu faul selbst etwas zu planen" / "So eine Tour klappt nie!" "Was du hast kein Tourenvorschlag!" und so weiter und so fort. Ich kann nachvollziehen dass eine ungeplante Tour in den Tourenausschreibungen fehl am Platz ist - aber wo soll man sonst das Anliegen posten? Darum bin ich für einen eigenen Bereich.

    Bin gespannt auf eure Meinungen.

    LG Kitty

    Deshalb war es ja im Allgemeine Töff Themen, soweit ich das noch gerade in Erinnerung habe. Da siehst du das weniger manchmal mehr ist, die Leute unterscheiden jeder nach seiner Auffassungsgabe. Weil es ja schon allgemeine und unverbindliche Tour Treffen gibt, würde es auch da hinein passen. Oder wie vorgeschlagen in die Diskussionen. Oder wie du vorschlägst etwas Neues eröffnen um den Leuten und dem Forum mehr Erfolg zu bieten. Die Qualität hangt dann aber immer vom Subjektiven des Kollektivs ab. Mal Klugscheisse hier :face_with_tongue: . Und das ganze Gehetze ist doch im Netz wie im wahren Leben. Viele Menschen stärken leider ihr eigenes Ego indem Sie auf anderen rumhacken und zu wenig Empathie und gesundes Ego besitzen.

    Hm also ich bin chli hii- und härgrisse.

    Einersiits findis au nid so de Hit wenn Lüüt Toure usschribed und kein Plan händ wos häre wännd. Vo dem här wärs villich nöd so schlächt en Platz für so öppis z ha.

    Anderersiits bini au nöd so sicher ob das würkli klappt. Wärs villich nöd gschider, wämmer würd Lüüt us derä Region direkt aschribe und fröge ob mer mal mitchan? Grad wämmer ad Höck gaht oder so kennt mer ja scho chli d Jagdgebiet vo de verschiedne Lüüt.
    Irgendwie hani ebä au s Gfühl, das wämmer öpper wett mitnäh, denn schribt mer ja meischtens ä Tour us, oder schirbts mindischtens id Shoutbox. Wämmer niemert wett mitnäh, weissi nöd so sicher ob sich das dänn änderet, nur will öpper Aschluss suecht?

    Söll kei Kritik sii, sind eifach mini Überlegige. Villich chamer mich vom einte oder vom andere ehnder no überzüüge :face_with_tongue:


    OT: Susch chunnt bi jedem Aschlussgsuech d Idee "frög doch mal de Boo" und dänn chunt dä niemeh zum toibele us :grinning_squinting_face:

    :hexe: Women are angels, and when somebody breaks our wings... we simply continue to fly....on a broomstick. We're flexible like that :grinning_squinting_face:

    Zitat von Meitschi

    OT: Susch chunnt bi jedem Aschlussgsuech d Idee "frög doch mal de Boo" und dänn chunt dä niemeh zum toibele us :grinning_squinting_face:


    Jaa, denne muener halt lehre cooler mit dem umzgoo, und da als kompliment ahzluege :winking_face:
    nei da wär denne sicher eh unagnähmi nebeerschinig

    I finds e gueti Idee. Bsunders für Neuling, wo villicht no nid so guet vrnetzt sind und mol unvrbindlich e bitz mit öbberem mitfahre wönd. Für mi als Afänger, wo bishär erst an einer Tour mitgmacht het, isch das Ideal. Ich "kenn" jetzt efäng genau 2 Lüt und chönnt mi bi denne ahänke, sofärn die au lust drzue hätte, aber würkli vill Toure würdi das wohl chum gä. Sälber e Tour usschribe chani no nid, will i no zwenig guet weiss uf was es so achunnt und was e Gruppe an Erwartige het. E Ahängt-Gsuech findi drum au guet, will me so gseht, öb öbber lust het i sim Jagdgebiet z fahre und me denn spontan au no cha säge "hey cool, i fahr hüt sowieso dur de Jura, chum doch mit mir mit". Ohni dass me e Tour muess plant ha und denn cha me au bitz spontaner unterwägs si.

    Mir gfallt die Idee :thumbsup:

    Zitat von Zim84

    I finds e gueti Idee. Bsunders für Neuling, wo villicht no nid so guet vrnetzt sind und mol unvrbindlich e bitz mit öbberem mitfahre wönd. Für mi als Afänger, wo bishär erst an einer Tour mitgmacht het, isch das Ideal. Ich "kenn" jetzt efäng genau 2 Lüt und chönnt mi bi denne ahänke, sofärn die au lust drzue hätte, aber würkli vill Toure würdi das wohl chum gä. Sälber e Tour usschribe chani no nid, will i no zwenig guet weiss uf was es so achunnt und was e Gruppe an Erwartige het. E Ahängt-Gsuech findi drum au guet, will me so gseht, öb öbber lust het i sim Jagdgebiet z fahre und me denn spontan au no cha säge "hey cool, i fahr hüt sowieso dur de Jura, chum doch mit mir mit". Ohni dass me e Tour muess plant ha und denn cha me au bitz spontaner unterwägs si.

    Mir gfallt die Idee :thumbsup:

    Hm aber zum dich eifach aschlüsse, dich chli vernetze chasch di ja a usgschribne Tour ahänke?Wenn nid ines spezifisches Gebiet wettsch?
    Mitgah chönd ja eigentli fasch all immer und überall..

    :hexe: Women are angels, and when somebody breaks our wings... we simply continue to fly....on a broomstick. We're flexible like that :grinning_squinting_face:

    Guet, i gseh mi (no) bitz als Spezialfall mit em L us Basel: ich cha genau ins Baselbiet oder in Jura, und sunscht muessi mindestens e Stund Autobahn abspuele, bis ich irgendwo anechum, wo's für anderi au wieder interessant isch. BF isch jo no Tabu für mi, insofärn schränkt das d Tourewahl woni mi cha ahänke doch e bitz ih.

    Ich finde die Idee gar nicht schlecht.

    Gibt genug Leute, die sich irgendwo gut auskennen, meist alleine unterwegs sind, gerne auch mal in ner kleinen Gruppe fahren würden, aber nicht den "Mut" haben, von sich aus eine Tour auszuschreiben, dies oft einfach aus "Angst", dass sich niemand meldet.
    So ein Board könnte hier sicher den nötigen Anstoss geben, dass sich mal ein schüchternes Grüppchen zusammenfindet.

    Andererseits ginge es auch ganz normal im Ausfahrten-Board. Mit ner Viertelstunde Vorbereitungszeit (mehr brauchts wirklich nicht) kann man ne richtige Tour ausschreiben mit Startpunkt, Zielgebiet, grober Route u.s.w. Mit dem Hinweis, dass man die Strecke noch nie gefahren ist / Anfänger ist oder was auch immer, wissen alle Leser, worauf sie sich einlassen, wenn sie sich anmelden. Und wenn sich dann ein Ortskundiger anerbietet, den Guide zu machen, umso besser.

    Es kommt also in meinen Augen nicht darauf an, wo man, sondern wie man eine Ausfahrt ausschreibt.

    Einer ist immer schneller - zum Beispiel ich :winking_face:
    Quod gratis asseritur, gratis negatur

    LAAAACH ich als Dütscher muss gerade studiere hier. Hab mal Google Translation genutzt und Deutsch zu Deutsch übersetzt. Siehe Link. Jetzt nichts gegen Schwizzer Dütsch Dialekt. Ich mag die Unterschiede Kantonal. Aber muss ja auch mal mit kommen hier.

    Falls jemand auch Spass daran hat, könnt ihr es euch über den Lautsprecher von Google vorspielen lassen.

    http://translate.google.ch/#en/de/I%20fin…rw%C3%A4gs%20si

    Ich denkes dass d Hemmschwelle tüüfer liit d Forumuser direkt a z schriebe als en Post z mache dasmer gern mal i dem Gebiet möcht go fahre. Natürlich wärs scho sympatischer amene Höck direkt öper z fräge - aber ob dänn grad de oder die dete isch...?

    Bis jetzt hämer im Forum nume "BIete" und zwar i Form vo Toure wo mer chan usschriebe. Es "Suche" in Form vo ich möcht gern dete mal go fahre würd sicher e bericherig für das Forum sii und Klarheit schaffe wasmer genau will.

    Das wänn öper, anderi Lüüt möcht mit näh, er die tour dänn au usschriebt isch scho so - jedoch chans ja au sii dass die suechendi Person en andere Töfffahrer inspiriert mal i dem Gebiet go fahre wo er sich ja so guet uskennt - oder?

    Zitat von Boo

    Andererseits ginge es auch ganz normal im Ausfahrten-Board. Mit ner Viertelstunde Vorbereitungszeit (mehr brauchts wirklich nicht) kann man ne richtige Tour ausschreiben mit Startpunkt, Zielgebiet, grober Route u.s.w. Mit dem Hinweis, dass man die Strecke noch nie gefahren ist / Anfänger ist oder was auch immer, wissen alle Leser, worauf sie sich einlassen, wenn sie sich anmelden. Und wenn sich dann ein Ortskundiger anerbietet, den Guide zu machen, umso besser.

    Die Person muess dänn ja aber au es Navi ha oder? Ich chan nume vo mir spreche, aber ich duen lieber anderi fräge obs möchtet vorus fahre anstatt das ich unsicher vorusfahre und dänn nöd sicher bin obi richtig bin....


    Zitat von Boo

    Es kommt also in meinen Augen nicht darauf an, wo man, sondern wie man eine Ausfahrt ausschreibt.

    Bini dinere Meinig - magsch dich na erinnere a mini "unplanti BF Tour" wo ja eigentlich es Aschlussgsuech gsi isch? Die einte Antworte sind recht kontraproduktiv gsi.... Mir isches ja dänn eigentlich Schnuppe gsi aber ich chan mir vorstelle das sich anderi Forumsmitglieder dur so öppis s nächstmal zwei mal überleget obs jetzt würklich öpis ussschriebe wänd...

    Ich gseh was meinsch. Ich persönlich würd aber glaub lieber öpper persönlich aschribe, als öppis öffentlich usschribe und denn melded sich niemert druf. Aber das isch allwäg persönlichi Präfärenz :winking_face:

    Meinsch aber nöd, das git nacher je nachdem es es rächts Chaos, bis mer denn endlich weiss, wer/wie/wänn/wo? Hät mer ja im Uffahrts-Thread so bizeli gseh gha...

    Aber ich mein... mer chönnts ja au eifach mal usprobiere. Wenns nid funktioniert, sich niemert melded oder s es z grosses Chaos git isch die Sektion ja au schnell wider gschlosse/glöscht. Sind ja schlussendlich alles Vermuetige.

    :hexe: Women are angels, and when somebody breaks our wings... we simply continue to fly....on a broomstick. We're flexible like that :grinning_squinting_face:

    Ja, warum auch nicht einen bereich "Anschlussgesuche". So würden tourausschreibungen von "könnte, würde, hätte und vielleicht doch nur wenn es aber schön und irgendwo ist" befreit :smiling_face:
    Um ehrlich zu sein, schrecken mich ellenlange diskussionen um mögliche touren ab. An so einer mit zu machen oder selber eine auszuschreiben...
    Es gibt unzählige webseiten im netz, wo sich der geneigte neuling schlau machen kann und fixfertige tourvorschläge zu allen erdenklichen destinationen runterladen kann.
    Eine weitere möglichkeit bestünde darin, die angst, eine "megaultimativesupergeilediemussmangefahrenhabentoursonstbinichkeinechterbiker" nicht gefahren zu haben, abzulegen und "der Nase und den weissen Verkehrsschildern" nachzufahren, und seine eigenen entdeckungen zu machen. Kommt zeit, kommt rat, und auch der neubiker lernt seine vorlieben und orte sowie gleichgesinnte gspänli kennen...
    Oder aber eben abzuwarten, bis mal eine tour ausgeschrieben wird. Dabei kurz beachten, welche strecke, welches tempo etc. gefahren werden soll und sich selber überlegen, ob das passt. Dann anmelden und mitfahren. So lernt man dann auch die leuts für ein weiteres mal kennen...
    genug gepredigt - gute fahrt und eine schrottfreie saison!

    "Ein Spezialist ist ein Mensch, der von immer weniger immer mehr und vom Ganzen nichts versteht." (Fritz Zwicky)