Yamaha TZR 50ccm wie viel Km sind zuviel?

Zitat von YamahaFTW

jaja grücht gönd halt ume gell mal luege am schluss chaufe denen doch en neue Aprillia haha. Ech wett eifach kein Roller. Wett gang schalte, au wenn 6 Gäng für 80km/h chli idiotisch isch. Gaht ums prinzip grosses zeil isch spöter mit de R6 und GoPro Videos mache vellecht keneder Moto Vloggers?
Mached Videos (redet über es thema) während sie töff fahred. Wird immer beliebter (USA,GB). Chase on two wheels lueg ich immer uf Youtube

hetmr usprünglech one tzr wöue choufe het abr ner gheisse mir heigi scho 2 roller blabla..

zitwis vrbringi jede 2. aabe hinger youtube videos und ha so eue z meischte vo aune r6-vloger gse, z.b. chase otw.

hei was meineter? de typ het gschmack, he?

Zitat von Without_sprit

Im Prinzip hesch recht, aber ihg han uf mim roller bis 60 jede nid frisiert 50er töff lo stoh, und da mitem schalte isch sone sach, da hesch würkli schnell, ihg han nur 200km gha also en tag und denne hannis chönge

muess abr sege isch schones ganz angers fahrfeeling ufere tzr undeme nrg.. beides mehrfach gfahre..

ha di gmeint

mi persöhnlech tipp: blib eifach im legale berich, es lohnt sech wük nid weg dene 20 km/h das risiko izga..
suech dr eh legali tzr/rs50 und bring die 2 jahr so hingerdi..

LG Dead

Habe eine RD 350 YPVS
Biografie: Neu gekauft 1989 . Mit 2000 km andere Auspüffe vom Ausland. (Bedüsung geändert & Oelpumpe magerer Eingestellt. Lief viel besser. Nach 32000 km Kolbenring links abgerissen. Beide Zylinder honen & neue Kolben und Ringe. Nach 65000 km gleiches Problem rechts. Bei 78000 km Kurbelwellenlagerschaden. usw. Heutiger Stand: 145000 km . Schäden: 2 Kurbelwellen, ca. 10x Honen & neue Kolben. Momentan Motor zerlegt. Habe den Motor immer selber reparriert.

Gruss

gardy64

Zitat von Deadline

oh ya... 1/2 lohn + isch schomau fix weg^^

1/2 Lohn für de Unterhalt? Suech der en neue Job

Zitat von zdriver

1/2 Lohn für de Unterhalt? Suech der en neue Job

haha bi ir lehr

I de Lehr hetmer au kei R6 (das seit der eine de i de Lehr en leon cupra ka het hahah)

vergiss die TZR das sind wirklich rasenmäher. Kauf dir lieber eine neue Rsv50 die sind neustens einspritzer. Die stinken nicht so wie die 2takter laufen besser und sauberer. und die sehen auch einigermassen nach etwas aus.

Jo genau die meini. Weisch die chasch au weder för en ahgmässne pris verchaufe wenn e andere wetsch. ond hesch weniger schissereie. Kenne es paar wo TZR gha hend ond jo s esch werkli ned s wahre. d 50erli send allgemein ned s wahre aber wenn onbedengt wetsch 80km/h met emne 6gang getriebe fahre oder bessergseit ned anderst chasch de wördi d rs4 50 wähle. Aprilia hend im verlauf vode johr glehrt wie mer gueti töff baut

Schlussentlich muesch selber entscheide aber esch eifach mine tipp. Ech ha mol ergentwo ufgschnappt das be de rs4 125 ab werk chasch drossle für A1 aber ech glaube das ergentwie ned. Met de Vergaser modell -2006 hetmer chönne über chrümmer, Blackbock und vergaserbedüsig aber öb mer werkli es 125erli über s stürgrät wet drossle... naja ech weiss jo ned.