Ride out Samstag 13. April 2013

    Wenn de Wätterbrecht chli stemmt blibts morn troche ond 6 - 15°C

    Ech glaube mer chönds so dörefüere. Also mine töff esch secher Potzt ond Ready.

    Chnuschti weder am halbi 10ni bes Meisi?

    :troll: Legenbär

    Ganz geil das au metchonsch Felix!!

    Ech dänke au das mer das dörrefüehred!!

    Die wietere Persone wo bes jetzt no ned ned definitiv send, bitte dradenke bes spötistens morn morge am 09:30 no inneschriebe öb er chömed oder doch ned.

    Danke :thumbup::thumbsup:

    :roflmao: Sind wir zu laut, bist du zu alt! :roflmao:

    Hey das tönt noch de ideale Rundi zum mis neue Baby echli ifahre.

    Be zu 92.359 % derbi. Wenns wider erwarten doch nüt werd wöri das do no vor em schlofe goh no inneschriebe...

    Gruess
    Phil

    Also ich bi au definitiv debii wenns nid regnet!
    Falls doch irgendöppis sött dezwüsche choo schribi sicher morn morge no daser nid uf mich müend warte.

    Schöne obe euch!

    no half measures.

    Also eg be jetzt auch definitiv derbi, setti mi ned verfahre oder ned i mis Kombi cho :winking_face:

    Hoi zäme

    Wollte mich noch kurz bedanken für die tolle Ausfahrt. Grossen Dank an Simi für die Organisation und den Tour Guide und an alle anderen für Geduld in Littau :baby:.

    War eine sehr schöne Route, perfekt um mein neues Bike einzufahren. Schönes Wetter, gute Leute und die beiden Stürze ging ja zum Glück auch mehr oder weniger gut aus.

    Gruss
    Phil

    Salü Zäme

    Ha au nomal welle Danke säge ver die Tour (zumindescht die erscht Hälfti :upside_down_face: ) und euchi Hilf!
    Be leider doch ned ganz e so guet wegcho wieni gmeint han. Well mer nachers Bei so weh gmacht het beni zum Artzt -> Mittelfueschnoche Broche und ev. no Bänder grisse :thumbdown:
    Werde wohl die nächste 6 Woche uf kei Töff me sitze chönne.

    :rock: Motorradfahren ist das Schönste was man angezogen machen kann :rock:

    Hey ciao Dex oder Fabi wenni mi rechtig erinnere :winking_face:

    Upps, das esch notürlech dopplet bitter, well de Töff jo au ziemlech ramponiert xi esch. Aber immerhin esches öppis wo wieder verheilet. Werd eventuell no es paar Woche goh, aber es cha emmer schlemmer cho bem eneme Sturz. Bi mim erschte ond zom Glöck einzige Storz esch zwar de Töff Totalschade xi, aber eg ha zom Glöck nome es paar Prellige dervo treit wo noch es paar Täge fasch nömme zgspöre xi send.

    Muesch emmer sPosivite xeh (au wenns ned eifach esch): jetzt hesch di 1. Storz hender der ;).

    Der und dim Töff gueti Besserig ond hoffe verlürsch ned dFreud dra.

    gruess
    Phil

    Merci Phil
    Nei dfreut dra verlüre sichere ned. Dschlimschte a dem ganze findi dasi höt be dem Wetter ned chenne ga fahre han und eis Bike nachem andere vor mim Huus döregfahre esch :grinning_squinting_face:

    :rock: Motorradfahren ist das Schönste was man angezogen machen kann :rock:

    Danke vill ech gebe das Komplimänt gern zrogg au a alli andere Esch werkli en "fascht" perfekte Tag gse. Ond Fabi Hoffe du erholsch der guet vo dem Schock ond hoffe mer gseht sech gli weder uf de stross :winking_face:

    Be de nöchste Tour machemer eifach grad vo afang ah 2 Gröppli so das niemert sgfühl het er moss met de routiniers methalte.

    Allne e schöni Woche.


    lg Michi

    :troll: Legenbär

    Isch bis uf dä Sturz würklich en super Tag gsie! zT chlie Stop & Go, und einisch simmer na recht wiit inen Sackgass inegfahre (warum gnau macht mer ned une am Beateberg en Tafle das d Strass nach Sigriswil wäge Lawinegfahr zue isch?). Aber d Gruppe, s Wetter und d Stimmig isch toll gsie. :thumbup:

    Würd mal säge mit dene beide Toure vom Samschtig und i dä Schwäbisch Alb am Sunntig isch d Saison für mich persönlich ganz offiziell eröffnet :smiling_face:

    Scheisse dases dich doch au no verwütscht hät Fabi! Hämer doch all ghofft es säg "wenigstens" nur Blechschade. Wünsch der gueti besseri und uf das schnell wieder ufe Töff chasch!

    Wie dä Phil seit, bim Töff fahre häsch dä erscht Sturz entweder hinter- oder na vor dir :winking_face: