W_s het es paar froge

    Hey WS, hoffe bisch mir nid bös, wenni hie ab und zue Frage inestell wo villecht dir und andere Afänger wie mir chönte helfe? Besser als dutzendi Threads uftue!?

    Hüt au z erscht mal gfahre, bim Mech go abhole, und isch besser gange als befürchtet :grinning_face_with_smiling_eyes: Müed aber mitme riese Smile dehei acho.

    E paar Frage si scho uftaucht, beträffi di villecht au WS:

    1. Ganghebel: Isch recht churz und i triffene gelinde gesagt nid immer. Verlängerig geit äue nid wäge Kurve Schräglag Freiheit?

    2. Ha sone Enduro-Integral Helm, miteme "Helmschirm". Allgemein hani am Helm sehr viel Luftwiderstand gspürt ufdr Landstrass, isch das allgemein bide Helme so dasses eim dr Kopf hindere drückt ab ca. 100km/h? Zimlech unagnäm gsi.

    3. Wäsche: Ha paar dräck Pfütze "troffe"... Tüend ihr mit Garteschluch dehei oder normal ider Autowöschalag mit Drucklanze (eifach meh Abstand und vorsichtig) abewäsche?

    4. Brämse: Mir isches bim normale (langsame) Brämse gäbig gange mit Abeschalte und dr Motor la Brämse. Cha jo nüt schade oder?

    5. Bis zum Kurs sinds no 2 Mönet. Am beschte isch wohl eifach ufdr Strass und Landstrass z Fahre? Oder ischs gschider scho allei ufemne Parkplatz Vollbremsig etc z üebe? weis nid ob das ohni Aleitig guet use chund :face_with_open_mouth: ...

    6. Fahrstunde: Vorem Kurs scho Fahrstunde näh? Ha dänkt bis nachem Kurs z warte. Oder trainiert me sich so nume eigeti Fähler ah? Bim Auto hani 11 Fahrstunde brucht, bewegt sich das ungfähr im gliche Rame um fit für d praktischi Prüefig ?

    Das wärs öppe füre momänt. Morn geits wider ufs Bike, hoffentlich mit chli Sunne!

    Schöne Abe & Gruess

    Hallo Michu

    Also da mal mini Antworte vo mine Erfahrige...

    1. Also umbaue würdi nüüt. Isch sicher nur e gwönigssach und au vo dine schue abhängig. Obwohl ich mit kampfstifel fahr und kei sotig problem han wird ich mir bald mal richtigi töffstifel chaufe. Grad wenn chli e hackelige schaltig hesch wie ich mit de xj6 isch das sicher nöd verchehrt wenn chli bessers gfühl hesch.

    2. Ab ca 100, 120 merksch en klare druck uf oberkörper und nacke. Naja mir nakedfahrer säged doch "nackemuskle statt windschild" :winking_face:

    3. Suech mal im forum/google git 100 mitteli und wäg zum ziil. Mir langt für fasch alles en heisse chübel wasser mit chli spüelmittel..

    4. Hmm.. Bin mir nöd sicher, aber ich glaub das gsends ade prüefig nöd so gern. Sie säged ehner d dreizahl abecho lah und dänn ersch abeschalte wenn muesch. Ussert natürlich es gat steil bergab, dänn chasch scho mitem motor brämse. Koriigieret mi wänni falsch bin. Ich persönlich brems au a rotliecht usw chli mitem motor abe..

    5. Suech mal im netz was i dem kurs alles machsch. Will sehr vill ischs nöd. :winking_face: Grad die langsame handling üebige und notbrems wür ich us sicherheit sälber scho üebe. Wenn nur scho zwei mal 30 min die üebige machsch wirsch dich au im verchehr vill sicherer fühle! Isch uf jede fall bi mir so gsi. Und wäg de notbräms, das isch au kei grossi kunscht. Wenn abs hesch chasch fasch nüt falsch mache, ohni isch scho vill schwiriger. -> forumsuche/google für gnaueri aleitige..

    6. Wänn fürs auto nur 11 gha hesch, dänn chasch de töff mit vill weniger mache. S einzig wo no chli e umgwönig isch, isch mit sozius z fahre, das würi vor de prüefig halt no chli miteme kolleg/verwandte wod prüefig het üebe. Und dänn langet eigentlich ei fahrschtund am afang und eini vor de prüefig :smiling_face:


    So ich hoff das het dir chli ghulfe, ich han mich chli churz gfasst, wenns gnauer wüsse willsch find sicher einiges über d suechi..


    Gruess Pascal

    Merci vilmal für Dini Erfahrige Pascal! :thumbsup:

    Ja das miter Schaltig isch wie alles Üebigssach, i meine bi ja ersch 1 1/2 Stund gfahre. Töffschue hani, müesse äue zersch chli weicher wärde undsech am Fuess apasse.

    Jo dr Druck ufe Oberkörper isch nid z verachte, mal chli mit verschidene Fahrpositione teschte. Muskelkater im Nacke hani jedefalls scho. Montiere gad de blöd Schirm am Helm ab, mit dem dran darfe me nid ufeluege, susch schletzts eim gad de Grind hindere!

    D Motorebrems hani wie Du vorallem bi Ample und vor Kreisle brucht, also weme gnue Zyt het zum abbremse. Wirde aber e Kurs Aleitig sueche und das ganze ufem Parkplatz üebe bises einigermasse sitzt. Gad z langsam Fahre und Brämse isch z schwirigste, Gas gä cha jede, solang me sich guet am Länker festhebt :winking_face:

    Leider hani ihr diräkte Verwandt-Bekandtschaft niemer wo regelmässig Töff fahrt, wirde also mitem Fahrlehrer als Sozius üebe, het de Vorteil dasser eim ächtzyt per Headset cha awisige und feedback gä. Bis det ane muessi sowieso ersch mal z Bike allei ohni Sozius chli in Griff becho...

    Di nöchschte Wuche wirdi mi also uf Parkplatz und eifacheri Toure beschränke. Dr Druck wär wohl z gross so früeh scho ga Toure in Gruppe mitzfahre (abgseh devo dass zB Autobahn, sichers Brämse und schwirigi Kurve sowieso no gar kes Thema si).

    Villech ergitsich ja de ab und zue e gmüetlichi "L"-Tour, vorzugswiis miteme guetmüetige Senior, wo gern Erfahrige witergit!?

    S wichtigste blibt ja immer no ke Angst, drfür Respekt, Ufmerksamkeit und kei Selbschtüberschetzig bim fahre. Und natürlech immer brav di ganz Schutzusrüstig azieh!

    e schöne Sunntig & bald chli sunneeschiin füre Usfahrt :smiling_face:
    Michu

    Ciao Michu

    Am beste fahre, fahre, fahre aber immer uf dr sichere Site. Gang mit em ne Kolleg wo Prüefig scho länger hett go fahre und due abluege (aber nume das was legal isch :winking_face:

    Ist der Alltag trist und grau :confused_face: ,dann fahre Wheeles wie die Sau :thumbsup:

    Zitat von damirbe

    Am beste fahre, fahre, fahre aber immer uf dr sichere Site.

    Genau! In einem Forum hat noch niemand fahren gelernt... Nach dem Motto: "Schreibst Du noch oder fährst Du schon?"
    Zu viele unterschiedliche Expertenmeinungen :smiling_face:

    "Ein Spezialist ist ein Mensch, der von immer weniger immer mehr und vom Ganzen nichts versteht." (Fritz Zwicky)

    Zitat von michu86

    1. Ganghebel: Isch recht churz und i triffene gelinde gesagt nid immer. Verlängerig geit äue nid wäge Kurve Schräglag Freiheit?

    2. Ha sone Enduro-Integral Helm, miteme "Helmschirm". Allgemein hani am Helm sehr viel Luftwiderstand gspürt ufdr Landstrass, isch das allgemein bide Helme so dasses eim dr Kopf hindere drückt ab ca. 100km/h? Zimlech unagnäm gsi.

    zu nummer eis das chunnt mit de kilometer, noch 200km hani kenni proble meh gha.
    zu nummer 2 : :thumbsup: ihg han au sonen helm, as hingeredrücke gwönsch du di au und solang de chopf nid uf d'siite dreisch wenn 100 fahrsch isches au nid soo schlimm :face_with_tongue:

    So jetz en neui frog:

    Wie merk ihg das d'polizei genau mi wot useneh?
    also agnoh ihg fahre innere kollonne vo 5 fahrzühg 2 auto, 2 töff, 1 lieferwage, stoht am strosserand es polizei auto ei cop näbedra und winkt usse müend denne alli uss oder nur de erscht? und wie mached die das wenn si nid allli, und nid derscht sonder z.B eine vo de töffs wend usenäh ?

    Without_speed :toeff2:

    Zitat von zdriver

    Wenn du gmeint bisch denn gmerksch es scho :grinning_squinting_face:
    I de Regel zeigt er i dernige Situatione mit em Finger uf de wo gmeint isch.

    Meh zeigt aber nid mitem blutte finger uf agleiti lüüt :face_with_tongue:

    aber denn bin ihg jo beruhigt nid das ihg plötzlech inne Blauliechtverfolgigsjagd verwicklet bin :grinning_squinting_face:

    Fahrsch eifach mal witer. Wänn du gmeint gsi bisch und Schwein häsch, dänn zieht er d Pistole und schüsst. Wänn dänn näbe Schwein no chli Glück häsch, chunsch en Streifschuss ab und dänn chasch en wäge Körperverletzig, mindestens und unverhältnismässigem Schusswaffegebruch verchlage. :grinning_squinting_face:

    Nei, im ernscht, du machsch dir viel z viel Gedanke. Chli abbrämse und wänn du gmeint bisch, dänn chunt er en Schritt uf dich zue.

    Aso hütt hei sich mer zwöi witteri froge gstellt und zwar:

    Mir ist das Bike heute umgefallen :wand: und mit meinem Glück natürlich voll auf den bis dann kratzfreien Auspuff :loudly_crying_face: war ja klar. meine frage der auspuff hat jetz so hässliche kratzer kann der jetzt rosten? was muss ich tun damit der nicht rostet?

    andere frage:

    Spiegel, ich hab ja nur einen Spiegel :face_with_rolling_eyes: , heute hab ich beschlossen mir einen zweiten zu besorgen. Meine Frage müssen links und rechts Zwei baugleiche spiegel ( gleicher Hersteller, gleiches Baujahr, gleiche farbe) sein oder können die abweichen?

    Without_speed :toeff2:

    Soweit wie mir bekannt, können die Spiegel komplett verschieden sein, hauptsache die Spiegelfläche ist gross genug!
    Schau doch mal bei POLO rein, die haben immer preiswerte Spiegel im Angebot, dann hast du zwei gleiche Spiegel evtl, noch mit der besseren Optik und besseren "nach hinten Sicht"....

    wenn der auspuff kein edelstahlauspuff ist (davon geh ich bei deinem modell einfach mal aus), dann wird der jetzt dort beginnen zu rosten. du kannst die stelle abschleifen und neu lackieren. dabei musst du eine farbe nehmen, die die temperatur auch aushält. dein mech kann dir sicher helfen.

    Bück dich Fee, Wunsch ist Wunsch...

    Zitat von Mercutio

    wenn der auspuff kein edelstahlauspuff ist (davon geh ich bei deinem modell einfach mal aus), dann wird der jetzt dort beginnen zu rosten. du kannst die stelle abschleifen und neu lackieren. dabei musst du eine farbe nehmen, die die temperatur auch aushält. dein mech kann dir sicher helfen.


    Ich gehe mal davon aus, dass nicht der Auspuff selber sondern der ESD verkratzt ist, der sehr wahrscheinlich verchromt ist. Wenn du den also nicht fachgerecht reparieren lassen willst (demontieren, ausbeulen und neu verchromen), würde ich dir raten einfach den ansetzenden Flugrost wegzupolieren. Das habe ich bei meiner alten an den Steinschlagschäden am ESD gemacht. Das Problem ist zwar nicht wirklich gelöst, aber ich denke es ist die einfachste und bei weitem billigste Lösung.

    Pascal

    Ja verchromt ist er, dann werde ich mir mal bei gelegenheit eine offerte einhole und in der zwischenzeit den Flugrost wegpolieren. vielen Dank für die Hilfe.