Auspuff für GSR600

    Moinmoin Gemeinde


    Hat es hier jemanden der eine GSR mit anderem (nicht originalen) Auspuff fährt?


    Oder weiss sonst jemand Bescheid, wie ich mich zu verhalten habe? Ich habe auf ebay einen GPR Ghost gefunden, der die eruopäischen Zulassungsnormen erfüllt. Aber gelten die auch für die Schweiz? Oder brauch ich da noch zusätzliches?


    Auf der Strassenverkehrsamtsseite (Winterthur) heisst es dass man jeden Wechsel eintragen lassen muss (sprich vorbeigehen, prüfen, Kosten, Aufwand, Tod und Teufel). Ist das so oder reicht das wenn ich den Fakel vom Auspuffhersteller habe, der garantiert dass der Topf den rechtlichen Bestimmungen entspricht?


    Am liebsten würde ich ja folgendes von euch hören: Kein Problem, einfach runtermechen und losdüsen, die sind Gesamteuropäisch (inkl. Schweiz) bereits abgenommen. :thumbsup:


    messi und gruess

    Das Thema wegm Strassi wird schon in 2 Threads Diskutiert...Schauste ma besten in denen mal rein.
    Mein Tipp. Frag beim offiziellen Händler nach was alles an Auspuffanlagen für dein Töff geprüft und zugelassen ist.
    Dann bist du auf der sicheren Seite.

    Ihg muss dich enttäuschen du brauchst eine CH genehmigung dass der Topf auf deinem töff zugellassen ist.



    Ob es überhaupt welche gibt weiss ich nicht, schau sonst mal die üblichen verdächtigen an Akra, Laser, Shark etc.
    Egal welchen du nimmst an den Klang meiner 125er kommst du nicht ran :smiling_face_with_sunglasses:

    Hey!


    Also zerschmal: top das anderi druff tuesch. D GSR gseht mit de originale vo hine us wienen Roller :face_with_tongue:


    Ich han Yoshis druff. Find ich die schönschte und töne tüends au top. Han es Biiblatt für die.


    Mit de Zuelassige weissi nöd gnau wie muesch vorgah. Ich han si nid sälber druffmachelah, sondern so übernoh. Lueg doch mal ide andere Uspuff-Thread.....hät ja gnueg :whistling: *räusper* Suchfunktion :whistling:
    Falls der die nöd sötted wiiterhälfe und/oder es Föteli wettsch gseh vo mine chasch di ja melde, denn haui no eis ine und bringe s andere in Erfahrig :smiling_face:


    Cheers

    :hexe: Women are angels, and when somebody breaks our wings... we simply continue to fly....on a broomstick. We're flexible like that :grinning_squinting_face:

    Danke danke für d Antworte


    @125er mit supersound: zwor schwer z glaube, aber mini isch ja au nöd für ihre sound bekannt, vo dem her glaubi dir das mol ;-9
    über de händler wetti ungern goh. det zahlsch löcke mol es mill total, bi ebay holi eine für 300 euro und de wird sälber montiert (zumindescht versuechis mol)


    @ktmgirl: jep, scho überfloge. aber det schtoht glaub au es chunt uf de mööp sowie de topf drufah. darum frögi spezfisch noch minere liebschte. gang aber nomol go luege. dir z lieb.


    Meitschi: optimal! bin grad es bitz verliebt i dich :love:
    nei ernschthaft: genau nach senig eigene erfahrige hani gsuecht!
    zerscht mol: d gsr gseht vo hine us wie e rakete mit 4 uspüff! (das isch de grund wieso ich sie kauft han, also ned schlächt rede, suscht chündi d liebi denn wieder!)
    wänn der s föteli nöd zviel ufwand isch: gern! no besser wär es iutub-video, dänn ghöri de sound au no grad :grinning_squinting_face:
    schtoht bi dir öppis im fahrzüguswis drin? oder muesch es zuesatzpapier mitfüehre?


    gruess und danke a all für die superschnelle antworte. händ ihr all bürojobs?? :smiling_face_with_sunglasses:

    Nei, aber Ferie. :hust:


    Nid d Liebi chünde! :crygirl: mit de richtige Uspüff gseht si mega geil us vo hinde.
    Im Fahrzüüguswiis staht nüt, han eifach s Biiblatt underem Sattel immer debiii.


    Filmli chani leider nid mache im Moment - Schätzi staht no bim Mech. Chan aber eis mache wenni si wider han. Dörfsch aber au gärn mal verbii cho unds live aluege :smiling_face:


    Pföteli gangi grad mal go sueche :smiling_face:

    :hexe: Women are angels, and when somebody breaks our wings... we simply continue to fly....on a broomstick. We're flexible like that :grinning_squinting_face:

    highroller:
    danke für de link. aber wie gseit, 1300.-- isch chli viel für min gschmack.


    meitschi:
    also isch er vermuetli nöd ufem strassi gsi, denn sett s papier lange. ischer luut? schomol ine kontrolle grasslet?
    life gseh / ghöre wär top! wo isch scho wieder adliswil? scho no im kanton züri, oder? :winking_face:
    wobii, sooo lang warte wetti ungern. me chönd denn aber gern mol d'hinterteil in sache optik und sound vergliche, wäni denn min topf drunter han. :smiling_face:


    ich frög glaubs mol de mech ob er weiss wie das mit dene zuelassige funktioniert.

    aso ich weiss das mini sicher nid 1300.- gsi sind:)


    luut? nid speziell, er tönt eifach guet :grinning_squinting_face: aber ine kontrolle bini no nie cho. si händ nur mal d schöllene duruf zimli dumm gluegt :grinning_squinting_face:


    adliswil isch im sihltal, grad näbed züri :winking_face: und ich söttne eigentli bald chönne go hole. gib der bscheid wennen han. denn chasch immerno entscheide ob no cho luege/lose wettsch oder nöd :top:

    :hexe: Women are angels, and when somebody breaks our wings... we simply continue to fly....on a broomstick. We're flexible like that :grinning_squinting_face:

    Zitat von gsrrrrr

    highroller:
    danke für de link. aber wie gseit, 1300.-- isch chli viel für min gschmack.


    t.


    ja s blöde isch vorallem das du zwei endpött hesch, das verdopplet de pris :whistling:


    sind tüür. aber qualität isch bombe ! :thumbup:


    findsch sicher no günstigeri agebot.

    woaah! ich mein WOW! De ganz Töff gseht sau guet us. s schönschte findi d Aargauer Nummere hihihi :thumbsup:


    ich merk grad das min no total jungfräuliche originaltöff doch no optimierbedarf bezüglich optik hät.


    Danke für d Müeh und ja mäldsch die eifach wänden wieder häsch denn chömmer luege / lose / stuune. sett aber nochli wärmer werde, bi dere sou-chälti bringsch mi ned uf de mööp.

    Zitat von Meitschi

    Sodeli. Ha halt us dene Föteli müesse sueche woni no gha han, wili kei chan mache :smiling_face:


    Was gsänd do mini auge? En Aargauer-nummer! 8o

    Motorradfahrer müssen einen besonders grossen Dachschaden haben sich bei schönstem Wetter in hautenge Lederklamotten zu zwängen. :lol:

    Zitat von gsrrrrr

    woaah! ich mein WOW! De ganz Töff gseht sau guet us. s schönschte findi d Aargauer Nummere hihihi


    ich merk grad das min no total jungfräuliche originaltöff doch no optimierbedarf bezüglich optik hät.


    :love: merci :winking_face:


    aber isch natürli scho viel schnick-schnack dra...isch au scho als tussi-töffli beschimpft worde :face_with_tongue:
    was hät de dine für ä Farb?




    @bonga...ja ich gibes ja zue, ich fahre mitere Aargauernummere :grinning_squinting_face:

    :hexe: Women are angels, and when somebody breaks our wings... we simply continue to fly....on a broomstick. We're flexible like that :grinning_squinting_face:

    mine isch pitch black grrrrrr
    aber so rädli-streife (wie dini blaue) mueni mer au no überlege. und ev no eis zwei teili umlackiere oder ustusche.
    wo häsch denn de schnick schnack her? Internet? oder isch das Original-zuebehör vo suzuki?


    Aargauer-Nummere isch top! :thumbup: Ich als alte Exil-Aargauer wo etz muen im kanton züri dahi-vegetiere hett weisch wie gern eini :grinning_squinting_face:


    tussi töffli händs dem gseit? jaja und denn eifach am zügs wo am töff hanged d schuld geh gäll :grinning_face_with_smiling_eyes: